ଯିଏ ସରକାରଙ୍କୁ ଆଡଭାଇସ୍ ଦେଉଛନ୍ତି ତାଙ୍କୁ ପଦରୁ କାଢିଦେବା ଉଚିତ୍; ଅପରାଜିତା

ପୁଣି ରାଜ୍ୟ ସରକାରଙ୍କୁ ଟାର୍ଗେଟ କଲେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ । ଲିଙ୍ଗରାଜ ମନ୍ଦିରରେ ସ୍ୱଚ୍ଛ ତୀର୍ଥ ଅଭିଯାନ କାର୍ଯ୍ୟକ୍ରମରେ ଯୋଗଦେବା ଅବସରର ଅପରାଜିତା କହିଛନ୍ତି, ରାଜ୍ୟରେ ପରିପକ୍ୱ ଗଭର୍ଣ୍ଣାନ୍ସ ମଡେଲ ଦିଶୁନାହିଁ ।

ଅର୍ପଣ ରଥ, ନିଯୁକ୍ତି ଦୁର୍ନୀତି, ଆମସର ଆକ୍ଟର ଉଦହାରଣ ଦେଇ ବିଷୋଦଗାର ବି କରିଛନ୍ତି ଅପରାଜିତା । ସେ ଆହୁରି ମଧ୍ୟ କହିଛନ୍ତି ଯେ, ଯିଏ ସରକାରଙ୍କୁ ଆଡଭାଇସ୍ ଦେଉଛନ୍ତି ତାଙ୍କୁ ପଦରୁ କାଢିଦେବା ଉଚିତ୍ ।

ଆଜି ପ୍ରଧାନମନ୍ତ୍ରୀ ମୋଦୀଙ୍କ ଆହ୍ୱାନ କ୍ରମେ ଶତାଧିକ ସମର୍ଥକଙ୍କ ସହ ମନ୍ଦିର ବାହାର ଓ ବେଢା ପରିଷ୍କାର କରିଛନ୍ତି ଭୁବନେଶ୍ୱର ସାଂସଦ । ସେପଟେ ଅପରାଜିତାଙ୍କ ପ୍ରତିକ୍ରିୟା ନେଇ ବିଜେଡିର ପ୍ରତିକ୍ରିୟା ମିଳିପାରିନି ।