LIVE TV
ଡର କଣ ପାଇଁ.. ଭୟ କାହାକୁ ? କରିଡର ନିର୍ମାଣରେ ପାରଦର୍ଶିତା ଆବଶ୍ୟକ । କାହାକୁ ଡରୁଛନ୍ତି ରାଜ୍ୟ ସରକାର ? କାହିଁକି ଭୟ କରୁଛନ୍ତି ବୋଲି ପ୍ରଶ୍ନ କରିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ । ସାଢ଼େ ୪ କୋଟି ଲୋକ ଜାଣି ସାରିଲେଣି ରାଜ୍ୟ ସରକାର କଣ କରୁଛନ୍ତି । ଭୁଲ କରିଛନ୍ତି ତେଣୁ ଏବେ କଭରଅପ୍ ଓ ମ୍ୟାନେଜ କରିବାକୁ ଚେଷ୍ଟା କରାଯାଉଛି ।
Also Read
ଯଦି ଭୁଲ ନ ଥିଲା ତାହେଲେ ରିସେପସନ ସେଣ୍ଟର କାହିଁକି ୧୦୦ ମିଟର ବାହାରକୁ ନେଲେ ବୋଲି ପ୍ରଶ୍ନ କରିଛନ୍ତି । NMA କାହିଁକି ବିଲ୍ଡିଂ ଉଚ୍ଚତା କମ୍ କରିବା ପାଇଁ SJTAକୁ ଚିଠି ଲେଖିଲା ? ଯଦି, କୌଣସି ଭୁଲ ହୋଇନି କିମ୍ବା ଡର ନାହିଁ ତାହେଲେ ରାତି ଅନ୍ଧାରରେ କାହିଁକି GPRS କଲେ ବୋଲି ପ୍ରଶ୍ନ ଦୋହରାଇଛନ୍ତି ଅପରାଜିତା । ଶ୍ରୀମନ୍ଦିର ଚାରିପଟେ କଣ ହେଉଛି ତାହା ପ୍ରଥମେ ପୁରୀ ସାଂସଦଙ୍କୁ ଜଣାନ୍ତୁ ସରକାର, ଏହାପରେ ଅନ୍ୟ ମାନଙ୍କୁ ଜଣାଇବେ ବୋଲି କହିଛନ୍ତି ଭୁବନେଶ୍ୱର ସାଂସଦ ।
ରାଜ୍ୟ ସରକାର ଜାଣି ଗଲେଣି ଭୁଲ କରିଛନ୍ତି, ସେଥିପାଇଁ କିଛି କରୁଛନ୍ତି,ସତ୍ସାହାସ ଅଛି ତ ଦିନରେ କରନ୍ତୁ, ଲୋକଙ୍କ ସାମ୍ନାରେ ସବୁ କରନ୍ତୁ,ସୌନ୍ଦର୍ଯ୍ୟ ଯୋଜନା କାର୍ଯ୍ୟକ୍ରମ କରନ୍ତୁ, କେହି ବିରୋଧ କରିବେନି,ପ୍ରଥମେ ପୁରୀ ସାଂସଦଙ୍କୁ ଯୋଜନା ସମ୍ପର୍କରେ କୁହନ୍ତୁ, ପରେ ଆମକୁ କହିବେ pic.twitter.com/spy4vqL7ND
— ଓଟିଭି (@otvkhabar) May 22, 2022
ସେହିପରି ରାତି ଅନ୍ଧକାରରେ ଚୋର ଓ ଡକାୟତମାନେ କାମ କରନ୍ତି । ଯିଏ କିଛି ଲୁଚେଇବାକୁ ଚାହାନ୍ତି ସିଏ ଏପରି ଘନ ଅନ୍ଧାରରେ କାମ କରନ୍ତି ବୋଲି କହି କଡ଼ା ସମାଲୋଚନା କରିଛନ୍ତି ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର । ଦିନ ବେଳେ ଲୋକଲୋଚନରେ କାମ କରିବାରେ ବାଧା କେଉଁଠି ? ତାସହ ଗୃହ କମିଟି କାହିଁକି ଦିନରେ ଯାଇ ଅନୁଧ୍ୟାନ କରି ପ୍ରମାଣ ସଂଗ୍ରହ କରୁନି ବୋଲି ପ୍ରଶ୍ନ ଉଠାଇଛନ୍ତି ନରସିଂହ ।
ସେପଟେ ରାତି ଅଧିଆ GPRSକୁ ନେଇ ରା୍ୟ ସରକାରଙ୍କ ଉପରେ ବର୍ଷିଛନ୍ତି ସମ୍ବିତ ପାତ୍ର । ପୁରୀ ସାଂସଦ ପିନାକୀ ମିଶ୍ରଙ୍କ ମିଛ ଧରାପଡ଼ିଛି ବୋଲି କହିଛନ୍ତି ସମ୍ବିତ । ଆଜି ନୂଆଦିଲ୍ଲୀରେ ଏକ ପ୍ରେସମିଟ୍ କରି ସମ୍ବିତ କହିଛନ୍ତି ଯେ, ଗୋଟିଏ ମିଛ ଲୁଚାଇବାକୁ କିଭଳି ହଜାରେ ମିଛ କହିବାକୁ ପଡ଼େ, ତାର ପ୍ରମାଣ ମିଳିଛି । ରାତି ଅଧରେ ଲୁଚାଇ ଛପାଇ କାହିଁକି GPRS ହେଉଛି ବୋଲି ପ୍ରଶ୍ନ କରିଛନ୍ତି ସମ୍ବିତ । ଆଗେ ଖୋଳିବା ପରେ ପଛରେ GPRS କରିବା ସମ୍ପୂର୍ଣ୍ଣ ଅବୈଜ୍ଞାନିକ ବୋଲି କହିଛନ୍ତି ସମ୍ବିତ ।
ସେ ପୁରୀ ସାଂସଦଙ୍କୁ ଟାର୍ଗେଟ୍ କରି କହିଛନ୍ତି ଯେ, ପିନାକୀ ବାବୁ ଖନନ ପୂର୍ବରୁ GPRS ହୋଇଛି ବୋଲି ଟ୍ୱିଟ୍ କରିଥିଲେ । ଯଦି GPRS ହୋଇଥିଲା ତାହେଲେ ଏବେ କଣ ଚାଲିଛି ବୋଲି ସେ ପ୍ରଶ୍ନ କରିଛନ୍ତି । ତେଣେ ପୁରୀରେ GPRS ହେଉଛି ବୋଲି ASI ଜାଣିଛି କି ନାହିଁ ବୋଲି ପଚାରିଛନ୍ତି ସମ୍ବିତ । GPRS ବେଳେ ASI ଅଧିକାରୀ ଅଛନ୍ତି କି ନାହିଁ ସ୍ପଷ୍ଟ କରିବା ସହ ପିନାକୀ ବାବୁ ଏନେଇ ଫଟୋ ସହ ପ୍ରମାଣ ଭିତ୍ତିକ ତଥ୍ୟ ଦେବାକୁ ସେ ଦାବି କରିଛନ୍ତି । ଯଦି ASI ଅନୁପସ୍ଥିତିରେ GPRS ହେଉଥାଏ, ତେବେ ତାହା ବେଆଇନ । ରାଜ୍ୟ ସରକାର ଓ ପିନାକୀ ବାବୁ ଓଡ଼ିଶାବାସୀଙ୍କୁ ଭ୍ରମିତ କରୁଛନ୍ତି । ତେଣୁ ବ୍ୟକ୍ତିଗତ ଭାବେ ଗାଳିଗୁଲଜ ନ କରି ଓଡ଼ିଶାବାସୀଙ୍କୁ ଏହାର ଉତ୍ତର ଦିଅନ୍ତୁ ବୋଲି କହିଛନ୍ତି ସମ୍ବିତ ।
@sambitswaraj babu, the sevayats of Puri who have donated their land and the Jagannath premis will not forgive you for obstructing the Puri project and regularly making false and misleading statements on it.
— Sulata Deo (@DeoSulata) May 22, 2022
ତେବେ ସମ୍ବିତ ପାତ୍ରଙ୍କ ଅଭିଯୋଗକୁ ନେଇ ବିଜେଡି ମୁଖପାତ୍ର ସୁଲତା ଦେଓ ପ୍ରତିକ୍ରିୟା ରଖିଛନ୍ତି ା ପୁରୀ ଲୋକଙ୍କୁ ବିଭ୍ରାନ୍ତ କରିବାକୁ ଚେଷ୍ଟା କରୁଛନ୍ତି ସମ୍ବିତ । GPRS ପୂର୍ବରୁ ହୋଇ DPR ଏନ୍ଏମ୍ଏକୁ ଦିଆଯାଇଥିଲା । ଯେଉଁ ସେବାୟତମାନେ ଜମି ଦେଇଛନ୍ତି, ସେମାନେ କେବେ ବି କ୍ଷମା କରିବେ ନାହିଁ । ସମ୍ବିତଙ୍କୁ ନିୟମିତ ଭାବେ ମିଥ୍ୟା ଓ ବିଭ୍ରାନ୍ତିକର ମନ୍ତବ୍ୟ ପାଇଁ କ୍ଷମା କରିବେ ନାହିଁ । ତେଣୁ ସେ ରାଜନୀତି କରିବା ଛାଡ଼ନ୍ତୁ ବୋଲି ଟ୍ୱିଟ୍ କରି କହିଛନ୍ତି ସୁଲତା ଦେଓ ।
