LIVE TV
ପୁଣି ଅପରାଜିତାଙ୍କ କଲେ ପଲଟୱାର । ଏଏସ୍ଆଇ ଦେଇଥିବା ଚିଠି ଦେଖାଇ ସରକାରଙ୍କୁ କଲେ ଟାର୍ଗେଟ୍ । କହିଲେ ବେଆଇନ୍ କାମ କାହିଁକି ବନ୍ଦ କରାଯାଇ ନାହିଁ । ସାରା ରାଜ୍ୟରେ ଏବେ ଶ୍ରୀମନ୍ଦରକୁ ନେଇ ଚର୍ଚ୍ଚା । ଗୋଟିଏ ପଟେ ଦୁଇ ଦିନ ହେବ ରୋଷ ଘର ଚୂଲା ଭଙ୍ଗା ଘଟଣାକୁ ନେଇ ଚର୍ଚ୍ଚା ଆରମ୍ଭ ହୋଇଥିବା ବେଳେ ଶ୍ରୀମନ୍ଦିର ଚାରିପାଖେ ହେଉଥିବା ନିର୍ମାଣ ପ୍ରସ୍ଥଙ୍ଗ ଏବେ ଦିଲ୍ଲୀରେ ପହଞ୍ଚିଲାଣି । ଆଉ ଏହାକୁ ନେଇ ସାଂସଦ ଅପରାଜିତା ଷଢ଼ଙ୍ଗୀ ଏବେ ଆକ୍ସନ ମୋଡ୍ରେ । ସରକାରଙ୍କ ପକ୍ଷରୁ ହେଉଥିବା ଏହି ନିର୍ମାଣ କାର୍ଯ୍ୟ ବେଆଇନ୍ ବୋଲି ସେ ବାରମ୍ବାର କହୁଛନ୍ତି । ଏହାସହ ସହ ପ୍ରମାଣ ମଧ୍ୟ ରଖୁଛନ୍ତି ।
Also Read
ଅପରାଜିତା ନିଜ ଟ୍ୱିଟ୍ ଯୋଗେ ପୁଣି ଥରେ ସରକାରଙ୍କୁ ମିଛ ବାହାନାକୁ ପଦାରେ ପକାଇବାକୁ ଚେଷ୍ଟା କରିଛନ୍ତି । ସେ କହିଛନ୍ତି ଶ୍ରୀମନ୍ଦିର ୧୦୦ ମିଟର ନିଷିଦ୍ଧାଞ୍ଚଳ ପରିଧି ଭିତରେ ନିର୍ମାଣ କାମ ବନ୍ଦ ରଖିବାକୁ ASIର ନିର୍ଦ୍ଦେଶ ସତ୍ତ୍ୱେ ଏହାର ଅନୁପାଳନ ହୋଇନାହିଁ । କାମ ବନ୍ଦ କରିବାକୁ ଗତ ଫେବ୍ରୁଆରୀ ୫ରୁ ASI ଚିଠି ଲେଖିଥିଲେ ମଧ୍ୟ ରାଜ୍ୟ ସରକାର ଏଯାଏଁ କାମ ବନ୍ଦ କରିନାହାନ୍ତି । ନିଜ ଟ୍ୱିଟ୍ ଯୋଗେ ଏଭଳି ଅଭିଯୋଗ କରିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ।
Archaeological Survey of India has issued letter to the concerned authorities of Puri for stopping work in the Prohibited area(100 metres)of Jagannath Temple,Puri.But work has not stopped by the State Govt till now.Illegal this is!
— Aparajita Sarangi, Member of Parliament (@AprajitaSarangi) April 4, 2022
Isn't it time for all of us to SAVE OUR TEMPLE? pic.twitter.com/ogRyx28FeD
ଅପରାଜିତା ASI ଚିଠିକୁ ନିଜ ଟ୍ୱିଟ୍ ସହ ଯୋଡ଼ି କାହିଁକି କାମ ବନ୍ଦ ହୋଇନି ବୋଲି ପ୍ରଶ୍ନ କରିଛନ୍ତି । ଶ୍ରୀମନ୍ଦିର ୧୦୦ ମିଟର ନିଷିଦ୍ଧାଞ୍ଚଳରେ ଜଗନ୍ନାଥ ମନ୍ଦିର ବିକାଶ ଓ ସୌନ୍ଦର୍ଯ୍ୟକରଣକୁ ସ୍ୱାଗତ କରୁଛୁ । ଆଇନକୁ ଉଲ୍ଲଂଘନ କରିକି କିଛି କରାନଯାଉ । ଜଗନ୍ନାଥ ମନ୍ଦିରର ସୁରକ୍ଷା ପ୍ରତ୍ୟେକ ଓଡ଼ିଶାବାସୀଙ୍କ କର୍ତ୍ତବ୍ୟ । ଏହା ଆମ ସମସ୍ତଙ୍କ ଆସ୍ଥାର କେନ୍ଦ୍ର ଏବଂ ଏହାର ସୁରକ୍ଷା ଆମର କର୍ତ୍ତବ୍ୟ ବୋଲି କହିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ।
ଅନ୍ୟପଟେ ପୂର୍ବରୁ ଅପରାଜିତା କହିଥିଲେ ଐତିହ୍ୟ ସ୍ଥଳର ନିଷିଦ୍ଧାଞ୍ଚଳରେ ନିର୍ମାଣ ହେଲେ ASI ଅନୁମତି ଲୋଡ଼ା । ୧୦୦ ମିଟର ପରିଧି ଭିତରେ କିଛି ନିର୍ମାଣ ହେଲେ ଡିଜି ASIଙ୍କ ସ୍ପେସାଲ ଅନୁମତି ନିହାତି ଜରୁରୀ । ଏଥିପାଇଁ ଅନୁମତି ଦେବାକୁ NMA ପ୍ରାଧିକୃତ ନୁହଁନ୍ତି ବୋଲି କହିଥିଲେ ଭୁବନେଶ୍ୱର ସାଂସଦ ଅପରାଜିତା ଷଢ଼ଙ୍ଗୀ ।
