LIVE TV
ମୁଖ୍ୟମନ୍ତ୍ରୀଙ୍କ ବଡ଼ ଭୁଲ । ଏମିତି ଭୁଲ୍ କେବେ କୌଣସି ମୁଖ୍ୟମନ୍ତ୍ରୀ କରିଥିବା ନଜିର ନାହିଁ । ଯେଉଁଥିପାଇଁ ସୋସିଆଲ ମିଡିଆ ରେ ଟ୍ରୋଲ ହେଲେ ମୁଖ୍ୟମନ୍ତ୍ରୀ । ବିରୋଧୀ କହିଲେ ଏହା ଗଣତନ୍ତ୍ରର ଅପମାନ । ସବୁ ଦିଗରୁ ମୁଖ୍ୟମନ୍ତ୍ରୀ ହେଲେ ସମାଲୋଚିତ ।
Also Read
ପୁରା ଘଟଣାଟି ହେଲା, ଗତ ଶୁକ୍ରବାର ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ବିଧାନସଭାରେ ବଜେଟ ଉପସ୍ଥାପନ କରୁଥିଲେ । ପ୍ରାୟ ୫ରୁ ୭ ମିନିଟ୍ ବଜେଟ ପଢ଼ିବା ପରେ ତାଙ୍କୁ ନିଜ ଦଳର ଜଣେ ବିଧାୟକ ତଥା ମନ୍ତ୍ରୀ ମହେଶ ଜୋସି ଅଧାରୁ ଅଟକାଇଥିଲେ । କାରଣ ମୁଖ୍ୟମନ୍ତ୍ରୀ ଯେଉଁ ବଜେଟ ଉପସ୍ଥାପନ କରୁଥିଲେ ତାହା ଗତ ବର୍ଷର ଥିଲା । ଏହା ଜାଣିବା ପରେ ବିରୋଧୀ ଠୋ-ଠୋ ହୋଇ ହସିବା ସହ ଗୃହରେ ହଙ୍ଗାମା କରିଥିଲେ ।
Rajasthan CM Ashok Gehlot, who also holds the Finance portfolio, while presenting this year’s budget, starts reading an old one. The Chief Whip had to step in and stop him. Embarrassing as it is, also shows how callous and poorly invested Congress is, in matters of governance… pic.twitter.com/I6a4RnqcKr
— Amit Malviya (@amitmalviya) February 10, 2023
ମୁଖ୍ୟମନ୍ତ୍ରୀ ନିଜେ ଅର୍ଥ ବିଭାଗ ଦାୟିତ୍ୱରେ ଥାଇ ବି କିଭଳି ଜାଣିପାରିଲେନି ତାହା ପୁରୁଣା ବଜେଟ ବୋଲି ବିରୋଧୀ ପ୍ରଶ୍ନ କରିଛନ୍ତି । ଗତ ବର୍ଷର ଯୋଜନା, ଯାହା କି ଲାଗୁ ହୋଇସାରିଛି ତାହା କେମିତି ଜାଣିପାରିଲେନି ମୁଖ୍ୟମନ୍ତ୍ରୀ । ସେ କ’ଣ ବଜେଟ ଉପସ୍ଥାପନ କରିବା ପୂର୍ବରୁ ନିଜେ ପଢ଼ିନଥିଲେ କି ? ଏମିତି ନାନା ପ୍ରଶ୍ନ କରି ବିରୋଧୀ ବିଜେପି ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କୁ ସମାଲୋଚନା କରିଥିଲେ ।
#WATCH | Rajasthan State Assembly proceedings disrupted as the Opposition alleges that CM Ashok Gehlot presented old budget today
— ANI MP/CG/Rajasthan (@ANI_MP_CG_RJ) February 10, 2023
This budget cannot be presented. Was it leaked?: BJP leader Gulab Chand Kataria pic.twitter.com/Ns4jCrVoYY
ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ କହିଛନ୍ତି, ‘ମୁଁ ଯେତେବେଳେ ମୁଖ୍ୟମନ୍ତ୍ରୀ ଥିଲି ସେତେବେଳେ ବାରମ୍ବାର ବଜେଟ୍ ଚେକ୍ କରିଥାଏ । ବଜେଟ୍ ଉପସ୍ଥାପନ ପୂର୍ବରୁ ନିଜକୁ ପ୍ରସ୍ତୁତ କରିଥାଏ । ରାଜସ୍ଥାନବାସୀ ଗେହଲଟଙ୍କ ଏଭଳି ଆଚରଣ ଦେଖି କ’ଣ ଚିନ୍ତା କରୁଥିବେ । ମୁଖ୍ୟମନ୍ତ୍ରୀ ନିଜେ ଜାଣିପାରୁ ନାହନ୍ତି ରାଜ୍ୟର ନୂଆ ବଜେଟ କ’ଣ ? ତେବେ ରାଜ୍ୟ କେମିତି ସୁରକ୍ଷିତ ରହିଛି ତାହା ଏଥିରୁ ସ୍ପଷ୍ଟ ଅନୁମେୟ ।’
ବସୁନ୍ଧରାଙ୍କ ଏଭଳି ଆକ୍ଷେପ ପରେ ବିଜେପି ନେତା ଗୁଲାବ କାଟାରିଆ କହିଛନ୍ତି ମୁଖ୍ୟମନ୍ତ୍ରୀ ଗେହଲଟ ଏଭଳି ଭୁଲ ପାଇଁ କ୍ଷମା ପ୍ରାର୍ଥନା କରନ୍ତୁ । ଏହା ଗଣତନ୍ତ୍ରକୁ ଏକ ଅପମାନ ।
भाजपा सिर्फ़ यह दिखाना चाहती है कि वह राजस्थान के विकास और तरक्की के खिलाफ है। इनका मन-गढ़ंत आरोप कि बजट लीक हो गया यह दर्शाता है कि बजट को भी यह अपनी ओछी राजनीति से नहीं छोड़ेंगे। 'बचत, राहत, बढ़त' में एक ही बाधा है - भाजपा।
— Ashok Gehlot (@ashokgehlot51) February 10, 2023
