LIVE TV
ନାଗାଲାଣ୍ତର ପ୍ରାୟ ୬ ଟି ଜିଲ୍ଲାରେ ବର୍ତ୍ତମାନ ପର୍ଯ୍ୟନ୍ତ ଜିରୋ ଭୋଟ କାଉଣ୍ଟ ହୋଇଛି । ଆର୍ଥିକ ସ୍ୱାଧୀନତା ସହ ପୃଥକ ପ୍ରଶାସନ ଦାବି କରି ଜିରୋ ଭୋଟ ମିଳିଥିବା ଜଣା ପଡ଼ିଛି । ଏସବୁ ପଛରେ ‘ପୂର୍ବ ନାଗାଲାଣ୍ଡ ଲୋକ ସଂଗଠନ’ (ENPO) ଥିବା କୁହାଯାଉଛି । ନାଗାଲାଣ୍ତର ୬ ଟି ଜିଲ୍ଲାରେ ପ୍ରାୟ ଶୂନ ଭୋଟ୍ ରେକର୍ଡ କରାଯାଇଛି । ଏହା ସହ ଏହି ନିର୍ବାଚନକୁ ବୟକଟ୍ କରିବାକୁ ସ୍ଥାନୀୟ ଲୋକଙ୍କୁ ଆହ୍ୱାନ ଦିଆଯାଇଛି ।
ଅନ୍ୟପଟେ ନିର୍ବାଚନ ପ୍ରକ୍ରିୟାରେ ବାଧା ସୃଷ୍ଟି କରିଥିବାରୁ ଉତ୍ତର-ପୂର୍ବ ରାଜ୍ୟର ମୁଖ୍ୟ ନିର୍ବାଚନ ଅଧିକାରୀ, ENPO କୁ ନୋଟିସ ଜାରି କରିଛନ୍ତି । ଏକ ବିବୃତ୍ତିରେ ବରିଷ୍ଠ ସର୍ଭେ ଅଧିକାରୀ କହିଛନ୍ତି ଯେ ସାଧାରଣ ନିର୍ବାଚନରେ ଭୋଟ୍ ଦେବା ପାଇଁ ପୂର୍ବ ନାଗାଲାଣ୍ଡ ଅଞ୍ଚଳରେ ନିଜ ଶକ୍ତି ବ୍ୟବହାର କରି ଅଯଥା ପ୍ରଭାବ ବିସ୍ତାର କରିବାକୁ ଚେଷ୍ଟା କରାଯାଇଛି । ଏନେଇ ENPO ଅଧିକାରୀଙ୍କୁ କାରଣ ଦର୍ଶାଅ ନୋଟିସ ଜାରି କରାଯାଇଛି ।
Also Read
ଅଧିକ ପଢ଼ନ୍ତୁ: ଭୋଟ୍ ଆଗ ତା’ପରେ ବିବାହ, ବିବାହ ପୂର୍ବରୁ ମତଦାନ କଲେ ଯୁବତୀ
ENPO ଏହାର ପ୍ରତିକ୍ରିୟାରେ କହିଛି ଯେ, ଆମର ମୂଳ ଲକ୍ଷ୍ୟ ହେଉଛି, ପୂର୍ବ ନାଗାଲାଣ୍ଡ ଅଞ୍ଚଳରେ ବିଶୃଙ୍ଖଳା ହେବାର ସମ୍ଭାବନାକୁ ହ୍ରାସ କରିବା । ENPO ତରଫରୁ ଏହା ମଧ୍ୟ କୁହାଯାଇଛି ଯେ, ପୂର୍ବ ନାଗାଲାଣ୍ଡ ବର୍ତ୍ତମାନ ପବ୍ଲିକ ଏମରଜେନ୍ସିରେ ରହିଛି । ଏହା ଲୋକମାନଙ୍କ ଦ୍ୱାରା ଏକ ସ୍ୱେଚ୍ଛାକୃତ ପଦକ୍ଷେପ ବୋଲି ENPO କହିଛି । ଏଣୁ ଏଠାରେ ଧାରା ୧୭୧C ଅନୁଯାୟୀ କୌଣସି କାର୍ଯ୍ୟାନୁଷ୍ଠାନ ନିଆ ଯାଇପାରିବ ନାହିଁ । କାରଣ ଏଠାରେ ନିର୍ବାଚନକୁ ନେଇ କୌଣସି ଅପରାଧ ହୋଇନାହିଁ ।
ଏହି ବନ୍ଦ ଲୋକଙ୍କର ଏକ ସ୍ୱେଚ୍ଛାକୃତ ପଦକ୍ଷେପ । ENPO କିମ୍ବା ଅନ୍ୟ କୌଣସି କର୍ତ୍ତୃପକ୍ଷଙ୍କ ଦ୍ୱାରା ବାଧ୍ୟବାଧକତା କିମ୍ବା କାର୍ଯ୍ୟାନୁଷ୍ଠାନର କୌଣସି ପ୍ରମାଣ ନାହିଁ । ନିର୍ବାଚନ ଆୟୋଗଙ୍କ ନିକଟରେ ଏହି ଘଟଣାକୁ ଭୁଲ ଭାବେ ଉପସ୍ଥାପିତ କରାଯାଇଛି ବୋଲି ENPO କହିଛି । ସୂଚନାଯୋଗ୍ୟ ମାର୍ଚ୍ଚ ୩୦ ରେ, ENPO ୨୦ ଜଣ ବିଧାୟକଙ୍କ ସହ ଏକ ରୁଦ୍ଧ ଦ୍ୱାର ବୈଠକ କରିଥିଲା ।
ବୈଠକରେ ଲୋକସଭା ନିର୍ବାଚନରୁ ସମ୍ପୂର୍ଣ୍ଣ ରୂପେ ଦୂରେଇ ରହିବାକୁ ନିଷ୍ପତ୍ତି ନିଆଯାଇଥିଲା । ଏହି ନିଷ୍ପତ୍ତି ଗଣତନ୍ତ୍ର ବିରୋଧରେ ଅବମାନନା ନୁହେଁ ବୋଲି ENPO ତରଫରୁ ସଫେଇ ଦିଆଯାଇଛି । ଅନ୍ୟପଟେ ଗତ ବର୍ଷର ବିଧାନସଭା ନିର୍ବାଚନ ପୂର୍ବରୁ ମଧ୍ୟ ENPO ଏକ ବନ୍ଦ ଡାକରା ଦେଇଥିଲା । କିନ୍ତୁ ପରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ହସ୍ତକ୍ଷେପ ପରେ ମାମଲା ସମାଧାନ ହୋଇଥିଲା ।
