ପାର୍ଲାମେଣ୍ଟରେ ବି ଉଠିବ 5T ପ୍ରସଙ୍ଗ, ସର୍ଭିସ୍ କଣ୍ଡକ୍ଟ ରୁଲ୍ ଉଲ୍ଲଂଘନ ନେଇ ପ୍ରଶ୍ନ କରିବ କଂଗ୍ରେସ

ପାର୍ଲାମେଣ୍ଟରେ ବି ଉଠିବ 5T ପ୍ରସଙ୍ଗ । ବିଜେଡିର 5T ମଡେଲ୍ ବନାମ ବିରୋଧୀଙ୍କ 5T ସଚିବଙ୍କ ଜିଲ୍ଲା ଗସ୍ତ । ରାଜ୍ୟରେ ମୁହାଁମୁହିଁ ପରେ ସଂସଦରେ ମୁହାଁମୁହିଁ ହେବେ ବିଜେପି-ବିଜେଡି ! ଅଲ୍ ଇଣ୍ଡିଆ ସର୍ଭିସ୍ କଣ୍ଡକଟ୍ ରୁଲ୍ ଉଲ୍ଲଂଘନ କଥା ଉଠାଇବ କଂଗ୍ରେସ ।

ରାଜ୍ୟ ରାଜନୀତିରେ 5T ଏବେ ବଡ଼ ପ୍ରସଙ୍ଗ। ବିରୋଧୀ ବିଜେପି ଓ କଂଗ୍ରେସ 5T ସଚିବଙ୍କ ଜିଲ୍ଲା ଗସ୍ତକୁ ନେଇ ଘନଘନ ଆକ୍ରମଣ କରୁଛନ୍ତି। ଗତ ବିଧାନସଭା ଅଧିବେଶନ ସମୟରେ ବି ଏହି ପ୍ରସଙ୍ଗ ଉଠାଇଥିଲେ ବିରୋଧୀ। ଏପରିକି DOPTରେ ଅଭିଯୋଗ କରିଥିଲା ବିଜେପି। ଏଭଳି ସ୍ଥିତିରେ ଆସନ୍ତକାଲିଠାରୁ ଆରମ୍ଭ ହେଉଥିବା ସଂସଦର ମୌସୁମୀ ଅଧିବେଶନରେ ମଧ୍ୟ ଉଠିବ 5T ପ୍ରସଙ୍ଗ। 5T ସଚିବଙ୍କ ଜିଲ୍ଲା ଗସ୍ତ, ରାଜନେତାଙ୍କ ଭଳି କାର୍ଯ୍ୟକ୍ରମ କରି ପ୍ରକଳ୍ପ ଘୋଷଣା ପୁରା ଅସାମ୍ବିଧାନିକ ବୋଲି ଅଭିଯୋଗ ହୋଇଆସୁଛି।

Also Read

ଯୁବ ଭୋଟରଙ୍କ ଉପରେ ବିଜେଡିର ଛଞ୍ଝାଣ ଆଖି: କଲେଜ-ୟୁନିଭରସିଟିରେ ଖୋଲିଲା ହେଲ୍ପ ଡେସ୍କ

Read More

ପେଣ୍ଟାଗନକୁ ପଛରେ ପକାଇଲା ସୁରତ ଡାଇମଣ୍ଡ ବୋର୍ସ

Read More

କୁକୁର ପାଇଁ ବି ଦେବାକୁ ହେବ ଭରଣପୋଷଣ ! ପତ୍ନୀଙ୍କଠାରୁ ଅଲଗା ହୋଇଥିବା ସ୍ୱାମୀଙ୍କୁ କୋର୍ଟଙ୍କ ନିର୍ଦ୍ଦେଶ

Read More

ସେପଟେ ଅଲ୍ ଇଣ୍ଡିଆ ସର୍ଭିସ କଣ୍ଡକଟ୍ ରୁଲର ଉଲଘଂନ ହେଉଥିବା କଥା ପ୍ରଧାନମନ୍ତ୍ରୀ ଓ ଡିଓପିଟିଙ୍କୁ ପଚାରିବୁ ବୋଲି କହିଛନ୍ତି କଂଗ୍ରେସ ସାଂସଦ ସପ୍ତଗିରି ଉଲାକା। ଏସବୁ ଭିତରେ କିନ୍ତୁ 5T ମଡେଲରେ ରାଜ୍ୟ ବିକାଶର ରୂପାନ୍ତୀକରଣ କଥା ବିଜେଡି ଜୋରଦାର ଢଙ୍ଗରେ ପ୍ରଚାର କରିବାକୁ ନିଷ୍ପତ୍ତି ନେଇଛି। ତାସହ ଲୋକଙ୍କ ଅଭିଯୋଗର ଶୁଣାଣି ପାଇଁ ସିଏମ୍ଓ ଲୋକଙ୍କ ପାଖକୁ ଯାଉଥିବା ସଫେଇ ଦେଇଛି।

ଏପଟେ ବିଜେଡି, ସଂସଦରେ ପୁଣି ଓଡ଼ିଶାକୁ ଫୋକସ୍ ଷ୍ଟେଟ୍ ଦାବି ଉଠାଇବ। ଏଥିସହ ପ୍ରଧାନମନ୍ତ୍ରୀ ଆବାସ ଯୋଜନାରେ ବାକି ଥିବା ୮ ଲକ୍ଷ ଘର ପ୍ରଦାନ, ଚାଷୀଙ୍କ ସମସ୍ୟା, ଏଫ୍‌ସିଆଇ ଉଷୁନା ଚାଉଳ ନଉଠାଇବା ଏବଂ କେନ୍ଦ୍ରାପଡ଼ାକୁ ପାସେଞ୍ଜର ଟ୍ରେନ୍ ପ୍ରସଙ୍ଗ ଉଠାଇବ ବୋଲି କହିଛନ୍ତି ସାଂସଦ ପିନାକୀ ମିଶ୍ର।

ସେପଟେ ବିଜେପି ସାଂସଦ ପ୍ରତାପ ଷଡଙ୍ଗୀ କହିଛନ୍ତି, ଏଥର ସଂସଦରେ ଆସିବାକୁ ଥିବା ସମସ୍ତ ବିଲ୍ ଗୁରୁତ୍ୱପୂର୍ଣ୍ଣ। ଏଥିପାଇଁ ସବୁ ଦଳଙ୍କ ସୁଚିନ୍ତିତ ପରାମର୍ଶ ଦରକାର।

୨୩ ଦିନର ମୌସୁମୀ ଅଧିବେଶନରେ ୧୭ଟି କାର୍ଯ୍ୟଦିବସ ରହିଛି। ଏହି ସମୟ ଭିତରେ ୨୧ଟି ନୂଆ ବିଲ୍ ଓ ୭ଟି ପୁରୁଣା ବିଲ୍ ପାସ୍ କରାଇବାକୁ କେନ୍ଦ୍ର ସରକାରଙ୍କ ଯୋଜନା ରହିଛି। ଏଥିରେ ଡିଜିଟାଲ ଡାଟା ପ୍ରୋଟେକସନ ଏବଂ ମେଡିଏସନ ବିଲ୍ ପରି ବହୁ ଗୁରୁତ୍ୱପୂର୍ଣ୍ଣ ବିଧେୟକ ରହିଛି। ଅଧିବେଶନ ସୁରୁଖୁରୁରେ ଚଳାଇବାକୁ ଆଜି ସର୍ବଦଳୀୟ ବୈଠକରେ ସବୁ ଦଳଙ୍କ ସହଯୋଗ ଲୋଡ଼ିଛନ୍ତି ସରକାର ।