କ’ଣ ଚାହାନ୍ତି ଲୋକେ ? ଭାରତ ନା ଇଣ୍ଡିଆ.. ଦେଖନ୍ତୁ ଓଟିଭିର ସର୍ଭେ ରିପୋର୍ଟ...

ଆମ ଦେଶର ନାଁ କ’ଣ ରହିଲେ ଭଲ ହେବ ? ଭାରତ ନା ଇଣ୍ଡିଆ ? ନା ପୂର୍ବପରି ଉଭୟ ନାଁ ରହିଲେ ଭଲ ହେବ ? ଏହି ପ୍ରସଙ୍ଗକୁ ନେଇ ଦେଶବ୍ୟାପି ଏବଂ ସୋସିଆଲ୍ ମିଡିଆରେ ବାକ୍ ବିତଣ୍ଡା ସୀମା ଟପିଥିବାବେଳେ ଓଟିଭି ତା’ ଦର୍ଶକଙ୍କୁ ପଚାରିଥିଲା ଏ ସଂପର୍କିତ ଗୋଟିଏ ପ୍ରଶ୍ନ ।

ତାହା ଥିଲା- ଆପଣଙ୍କ ମତରେ ଆମ ଦେଶର ନାଁ କଣ ରହିଲେ ଭଲ ହେବ ? ଭାରତ ନା ଇଣ୍ଡିଆ ?

୬ ତାରିଖରୁ ୮ ତାରିଖ ଦିନ ୩ଟା ସୁଦ୍ଧା ଆମର ୬୫ ପ୍ରତିଶତ ଦର୍ଶକ ଦେଶର ନାଁ ‘ଭାରତ’ ରହିବା ଉଚିତ ବୋଲି ମତ ରଖିଛନ୍ତି । ଅନ୍ୟପଟେ ୧୧.୩ ପ୍ରତିଶତ ସୋସିଆଲ ମିଡିଆ ୟୁଜର ଇଣ୍ଡିଆ ବୋଲି ମତ ରଖିଛନ୍ତି । ସେହିଭଳି ୨୧.୫ ପ୍ରତିଶତ ଲୋକ ଇଣ୍ଡିଆ ଏବଂ ଭାରତ ଉଭୟ ନାଁ ରହୁ ବୋଲି ମତ ଦେଇଛନ୍ତି । ଅନ୍ୟ ୨ ପ୍ରତିଶତ ଦର୍ଶକ ଏହି ପ୍ରସଙ୍ଗରେ କୌଣସି ମତ ଦେବାକୁ ଚାହିଁନାହାଁନ୍ତି।

#ଓଟିଭି_ଜନମତ:
ଆମ ଦେଶର ନାଁକୁ ନେଇ ଏବେ ଚର୍ଚ୍ଚା ଓ ରାଜନୀତି ଜୋର୍ ଧରିଛି। ଆପଣଙ୍କ ମତରେ ଆମ ଦେଶର ନାଁ କ’ଣ ରହିଲେ ଭଲ ହେବ? #OTV #Janamata #SocialMediaSurvey #PublicOpinion

— ଓଟିଭି (@otvkhabar) September 6, 2023