ଅଣାୟତ ଟ୍ରାଫିକ ବ୍ୟବସ୍ଥା : କ୍ୟାବିନ ବ୍ୟବସାୟୀ ଏବଂ ଉଠା ଦୋକାନୀଙ୍କ ପାଇଁ ବଢୁଛି ଭିଡ଼

ରାସ୍ତାରେ ଖଚାଖଚ ଭିଡ଼.... ଗାଡ଼ିମୋଟର ପେଁ ପାଁ ଭିତରେ ଅଣାୟତ ଟ୍ରାଫିକ ବ୍ୟବସ୍ଥା.... ଅଣନିଶ୍ୱାସୀ ସହର ବାସିନ୍ଦା... ସବୁଦିନ ଘରୁ ବାହାରିଲେ କରିବାକୁ ପଡ଼ୁଛି ସଂଘର୍ଷ..... ଖୋର୍ଦ୍ଧା ଜିଲ୍ଲା ର ସଦର ମହକୁମାର ଖୋର୍ଦ୍ଧା ସହରରେ ଅସମ୍ଭବ ଭିଡ଼ ଏବେ ଚିନ୍ତା ବଢାଇଦେଇଛି । ଏଠୁ ୬ଟି ଜିଲ୍ଲାକୁ ସଂଯୋଗ ରାସ୍ତା ରହିଛି । ପୁଣି ସବୁ ଜିଲ୍ଲାସ୍ତରୀୟ କାର୍ଯ୍ୟାଳୟ ବି ରହିଛି । ଏଣୁ ଦିନରାତି ରାସ୍ତାରେ ଲୋକଙ୍କ କାରବାର ରହୁଛି ।

ତେବେ ଏଇ ସମସ୍ୟାକୁ ଅଧିକ ବଢେଇ ଦେଉଛି ସହର ଭିତରେ ଥିବା ଉଠାଦୋକାନ। ଜବରଦଖଲ ଯୋଗୁ ରାସ୍ତା ସଙ୍କୁଚିତ ହେବାରୁ ବଢୁଛି ଭିଡ଼ । ଏପରିକି ଜରୁରୀକାଳୀନ ଗାଡ଼ି ବି ଯିବାକୁ ବାଟ ପାଉନଥିବା ଅଭିଯୋଗ ହୋଇଛି । ....

ଆଗେ ଥଇଥାନ ନା ଆଗେ ଉଚ୍ଛେଦ...ଏନେଇ ଦ୍ୱନ୍ଦ ଲାଗିରହିଥିବାବେଳେ ପ୍ରଶାସନ, ଲୋକପ୍ରତିନିଧି ଏବଂ ବ୍ୟବସାୟୀ ମାନଙ୍କୁ ନେଇ ବାରମ୍ବାର ବୈଠକ ହେଉଛି। ଦୋକାନୀ ମାନଙ୍କୁ ହାବେଳି ପଡ଼ିଆ ଏବଂ ଟି.ଏଲ୍.ସି ପାଖ ଯାଗାରେ ଥଇଥାନ କରିବାକୁ ଦାବି ହୋଇଛି । ସେପଟେ ସହର ଭିତରେ ସମସ୍ତ ଜବରଦଖଲ ହଟାଇବା ପରେ ହିଁ ବ୍ୟବସାୟୀ ମାନଙ୍କୁ ଥଇଥାନ କରାଯିବ ବୋଲି କହିଛନ୍ତି ଜିଲ୍ଲା ଯୋଜନା କମିଟି ଅଧ୍ୟକ୍ଷ ।

ଅନ୍ୟପଟେ ପ୍ରାଥମିକ ଭାବେ ପରିବା, ଫଳ ଏବଂ ଆମିଷ ଦୋକାନୀଙ୍କୁ ଭେଣ୍ଡିଂ ଜୋନ୍ କରି ସ୍ତାନାନ୍ତର କରାଯିବ ବୋଲି ଉପଜିଲ୍ଲାପାଳ ପ୍ରତିଶୃତି ଦେଇଛନ୍ତି।....