ଭାଙ୍ଗିରୁଜି ଗଲାଣି ପାର୍କ, ଭୁଶୁଡ଼ିବା ଅବସ୍ଥାରେ କୋଟିଏ ଟଙ୍କାର ଘର

କେନ୍ଦ୍ରାପଡ଼ା ତୁଳସୀ କ୍ଷେତ୍ରର ସିଦ୍ଧ ବଳଦେବଜିଉ ମନ୍ଦିରର ଉନ୍ନତିକରଣ ଓ ସୌନ୍ଦର୍ଯ୍ୟକରଣ ଉଦ୍ଦେଶ୍ୟରେ ଏଠାରେ ୨୦୧୬ ମସିହାରେ ବଳଦେବଜିଉ ପାର୍କ ସ୍ଥାପନ କରାଯାଇଥିଲା। ପରବର୍ତ୍ତୀ ସମୟରେ ମୁଖ୍ୟମନ୍ତ୍ରୀଙ୍କ ଦ୍ୱାରା ଏକ ଆଧ୍ୟାତ୍ମିକ ଉଦ୍ୟାନ ଓ ବହୁମୁଖୀ କୋଠଘର ୨୦୨୧ ମସିହା ଡିସେମ୍ବର ୧୫ରେ ଲୋକାର୍ପଣ କରାଯାଇଥିଲା।

Also Read

ରାହୁଲ ବଖାଣିଲେ କୁକୁର ବିସ୍କୁଟ ପଛର ସତ...ବିରୋଧୀଙ୍କୁ କଲେ ଟାର୍ଗେଟ

Read More

'ଘୃଣାର ବଜାରରେ ପ୍ରେମର ଦୋକାନ ଖୋଲିବାକୁ ଆସିଛି'

Read More

ଆଗାମୀ ପିଢ଼ିଙ୍କ ପାଇଁ ଉପାଦେୟ ହେବ ‘ଉତ୍କଳ ପ୍ରସଙ୍ଗ’ ଓ ‘ଓଡ଼ିଶା ରିଭ୍ୟୁ’: ମନ୍ତ୍ରୀ

Read More

ହେଲେ ଏବେ ସେହି ପାର୍କର ଅବସ୍ଥା ନକହିବା ଭଲ । ଚାରିଆଡ ଅନାବନା ଗଛଲତାରେ ପୂର୍ଣ୍ଣ ତ କେଉଁଠି ଲାଇଟ୍ ଭାଙ୍ଗିଗଲାଣି । ପାଦଚଲା ରାସ୍ତା ଘାସ ପଡ଼ିଆରେ ପରିଣତ ହୋଇଛି । ଏପରିକି ଏକ କୋଟି ବ୍ୟୟ ଅଟକଳରେ ନିର୍ମିତ ବହୁମୁଖୀ କୋଠଘରଟି ନିର୍ମାଣ ହେବା ଦିନୁ ତାଲା ଝୁଲୁଥିବା ଅଭିଯୋଗ ହୋଇଛି।

ସେହିପରି ବଳଦେବଜିଉଙ୍କ ମନ୍ଦିର ପାଖକୁ ଲାଗି ରହିଛି ଦୁଇ ଏକର ପରିମିତି ଚନ୍ଦନ ପୋଖରୀ । ଯାହାକି ବର୍ତ୍ତମାନ ନିଜ ନାମକୁ ଆଉ ସାର୍ଥକ କରୁନି। ବରଂ ପୂତ୍ତିଗନ୍ଧମୟ ପୋଖରୀରେ ପରିଣତ ହୋଇଛି । ପୂର୍ବରୁ ସ୍ଥାନୀୟ ଲୋକଙ୍କ ନିତ୍ୟ ବ୍ୟବହାର୍ଯ୍ୟ ପାଇଁ କାମରେ ଲାଗୁଥିଲା । ହେଲେ ଏବେ ଆବର୍ଜନାରେ ପରିପୂର୍ଣ୍ଣ। ପୋଖରୀର ଉନ୍ନତିକରଣ ପାଇଁ ମଧ୍ୟ ଅର୍ଥ ମଂଜୁର ହୋଇଥିବାବେଳେ ସ୍ଥିତି ବଦଳିନି। ଯାହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଏନେଇ ଉପଜିଲ୍ଲାପାଳ କହିଛନ୍ତି, ପୂର୍ତ୍ତ ବିଭାଗକୁ ଏନେଇ ଅବଗତ କରାଯାଇଛି। ଖୁବ୍ ଶୀଘ୍ର କାମ ହେବ।