ଶିକାରୀଙ୍କ କବଜାରେ ଶିମିଳିପାଳ, ଧରିବାକୁ ସର୍ଚ୍ଚ ଅପରେସନ

ଦିନକୁ ଦିନ ଶିମିଳିପାଳରେ ବଢ଼ି ଚାଲିଛି ଶିକାର । ଯେତେ ସଚେତନ କଲେ ମଧ୍ୟ ଥମିବାର ନାଁ ନେଉ ନାହାଁନ୍ତି ଶିକାରୀ । ଏଣୁ ଶିକାର ରୋକିବାକୁ ଶିମିଳିପାଳ ଅଭୟାରଣ୍ୟରେ ୨ୟ ପର୍ଯ୍ୟାୟରେ ସର୍ଚ୍ଚ ଅପରେସନ ଆରମ୍ଭ ହୋଇଛି । ତେବେ ଶିମିଳିପାଳରେ ପୋଲିସ ଓ ବନବିଭାଗକୁ ବଡ଼ ସଫଳତା ମିଳିଛି ।

ଅପରେସନ ଦ୍ବାରା ବିଭିନ୍ନ ଅଞ୍ଚଳରୁ ୭୦ରୁ ଅଧିକ ବନ୍ଧୁକ ଜବତ ହୋଇଛି । ବନ୍ଧୁକ ଜବତ ନେଇ ସୂଚନା ଦେଇଛି ବନ ବିଭାଗ । ତେବେ ଏହି ସର୍ଚ୍ଚ ଅପରେସନ ଉଭୟ ବନ ବିଭାଗ ଓ ପୋଲିସର ମିଳିତ ଟିମ୍ ଦ୍ବାରା ହୋଇଥିଲା । ପ୍ରଥମ ପର୍ଯ୍ୟାୟରେ ୧୫୬ ଦେଶୀ ବନ୍ଧୁକ ଜବତ ହୋଇଥିଲା । ପରେ ୨ୟ ପର୍ଯ୍ୟାୟ ସର୍ଚ୍ଚ ଅପରେସନ୍ ବେଳେ ମିଳିଛି ୭୧ଟି ବନ୍ଧୁକ । ବିଭିନ୍ନ ଥାନା ଅଞ୍ଚଳରେ ବନ ବିଭାଗ ଓ ପୋଲିସ ସର୍ଚ୍ଚ ଅପରେସନ କରି ବନ୍ଧୁକ ଜବତ କରିଛି ।

ଶିମିଳିପାଳରେ ଶିକାରୀଙ୍କ ପ୍ରାଦୁର୍ଭାବ ବଢୁଥିବା ବେଳେ ଶିକାରୀଙ୍କ ଗୁଳିରେ ଦୁଇ ବନ କର୍ମଚାରୀ ସହିଦ ହୋଇଥିଲେ । ଏହାକୁ ନେଇ ଶିମିଳିପାଳ ଅଭୟାରଣ୍ୟ ଭିତରେ କମ୍ବିଂ ଅପରେସନ ଚଳାଇ ପ୍ରଥମ ପର୍ଯ୍ୟାୟରେ ୧୬୫ ଦେଶୀ ବନ୍ଧୁକ ଜବତ ସହ ୨୬ ଶିକାରୀଙ୍କୁ ଗିରଫ କରାଯାଇଥିଲା ।