LIVE TV
କନଷ୍ଟେବଲ କରିପାରିବେନି ତଦନ୍ତ । କୌଣସି ଅପରାଧିକ ମାମଲାର ତଦନ୍ତ କରି ପାରିବେ ନାହିଁ ସ୍ନାତକ କନଷ୍ଟେବଳ କିମ୍ବା କ୍ରାଇମ ଇଣ୍ଟେଲିଜେନ୍ସ ହାବିଲଦାର । ଏନେଇ ରାଜ୍ୟ ସରକାରଙ୍କ ନିର୍ଦେଶନାମାକୁ ରଦ୍ଦ କରିଛନ୍ତି ହାଇକୋର୍ଟ । ସ୍ନାତକ କନଷ୍ଟେବଳ ଓ କ୍ରାଇମ ଇଣ୍ଟେଲିଜେନ୍ସ ହାବିଲଦାରଙ୍କୁ ଛୋଟ ମୋଟ ଅପରାଧିକ ମାମଲାର ତଦନ୍ତ କ୍ଷମତା ପ୍ରଦାନ କରିବାକୁ ୨୦୨୨ ମେ’ ୨୧ରେ ପୋଲିସ ସର୍କୁଲାର ଅର୍ଡର ୩୯୩ କୁ ହାଇକୋର୍ଟ ରଦ୍ଦ କରିଛନ୍ତି ।
Also Read
ମିନକେତନ ନାୟକଙ୍କ ସମେତ ଅନ୍ୟ ୫୦ଟି ମାମଲାର ଏକତ୍ର ଶୁଣାଣି କରି ବିଚାରପତି ଜଷ୍ଟିସ ଆଦିତ୍ୟ କୁମାର ମହାପାତ୍ରଙ୍କୁ ନେଇ ଗଠିତ ଖଣ୍ଡପୀଠ ଏହି ରାୟ ଶୁଣାଇଛନ୍ତି । ଗତ ୨୦୧୯ ଜାନୁଆରୀ ୩ରେ ରାଜ୍ୟ ସରକାରଙ୍କ ତରଫରୁ ସ୍ନାତକ କନଷ୍ଟେବଳ ଓ ସିଆଇ ହାବିଲଦାରଙ୍କୁ ତଦନ୍ତ କ୍ଷମତା ପ୍ରଦାନ ଲାଗି ଏକ ବିଜ୍ଞପ୍ତି ପ୍ରକାଶ କରାଯାଇଥିଲା । ଯେଉଁଥିରେ ସେମାନଙ୍କୁ ୩୦ ଦିନର ଆନୁଷ୍ଠାନିକ ତାଲିମ ଓ ୪୫ ଦିନର ପ୍ରାକ୍ଟିକାଲ ତାଲିମ ପ୍ରଦାନ କରି ଏକ ପରୀକ୍ଷା କରାଯିବା ବ୍ୟବସ୍ଥା ଥିଲା । ଏଥିରେ କୃତିତ୍ୱ ହାସଲ କରିଥିବା କନଷ୍ଟେବଳ ଓ ହାବିଲଦାରଙ୍କୁ ତଦନ୍ତ କ୍ଷମତା ପ୍ରଦାନ ପାଇଁ ସରକାର ବିଜ୍ଞପ୍ତିରେ ଉଲ୍ଲେଖ କରିଥିଲେ ।
