/odishatv-khabar/media/post_attachments/uploadimage/library/16_9/16_9_0/IMAGE_1741858569.jpg)
ଜଳୁଛି ଅଧା ଓଡ଼ିଶାର ଜଙ୍ଗଲ
ଜଳୁଛି ଅଧା ଓଡ଼ିଶାର ଜଙ୍ଗଲ। ନିଆଁ ଲିଭାଇବାକୁ ନାକେଦମ୍ ବନ କର୍ମଚାରୀ । ନଜର ପକାନ୍ତୁ ରାଜ୍ୟ ବନ ବିଭାଗ ପକ୍ଷରୁ ଦିଆଯାଇଥିବା ଫରେଷ୍ଟ ଫାୟାର ମ୍ୟାପକୁ । ଗତକାଲି ଅର୍ଥାତ୍ ମାର୍ଚ୍ଚ ୧୨ ତାରିଖରେ କିଭଳି ଥିଲା ବନାଗ୍ନିର ଚିତ୍ର । ରାଜ୍ୟର ପ୍ରାୟ ଜଙ୍ଗଲରେ ଲାଗିଛି ନିଆଁ। ବନ ବିଭାଗ ତଥ୍ୟ କହୁଛି, ଗତକାଲି ରାଜ୍ୟରେ ସର୍ବାଧିକ ୧ ହଜାର ୪୨୬ଟି ସ୍ଥାନରେ ଲାଗିଥିଲା ବନାଗ୍ନି ।
ସେହିପରି ଆଜି ବର୍ତ୍ତମାନ ସୁଦ୍ଧା ରାଜ୍ୟର ୭୪୭ଟି ସ୍ଥାନରେ ଜଙ୍ଗଲ ନିଆଁ ଲାଗିଛି। ଚଳିତ ବର୍ଷ ଆରମ୍ଭରୁ ମାର୍ଚ୍ଚ ୧୧ ସୁଦ୍ଧା ୧୦ ହଜାର ୪୫୫ଟି ସ୍ଥାନରେ ଦେଖିବାକୁ ମିଳିଛି ଜଙ୍ଗଲ ନିଆଁ । ଗତକାଲି ଓ ଆଜିର ଜଙ୍ଗଲ ନିଆଁକୁ ମିଶାଇଲେ ସଂଖ୍ୟା ସାଢ଼େ ୧୨ ହଜାରରେ ପହଞ୍ଚିଲାଣି ।
ଅଧିକ ପଢ଼ନ୍ତୁ: ଉଚ୍ଚଶିକ୍ଷା ମନ୍ତ୍ରୀଙ୍କ ବଡ଼ ଘୋଷଣା, ଏଣିକି ଯୁକ୍ତ ଦୁଇ ପରେ ପଢ଼ିପାରିବେ ବିଏଡ୍
ସେହିପରି ଫରେଷ୍ଟ ସର୍ଭେ ଅଫ ଇଣ୍ଡିଆ ତଥ୍ୟ କହୁଛି, ଗତ ସପ୍ତାହକ ମଧ୍ୟରେ ରାଜ୍ୟରେ ୪ ହଜାର ୫୦୩ଟି ସ୍ଥାନରେ ଜଙ୍ଗଲ ନିଆଁ ଲାଗିଛି । ଯାହା ତେଲଙ୍ଗାନା ପରେ ଦେଶର ଦ୍ୱିତୀୟ ସର୍ବାଧିକ । ଏମିତିକି ଆଜି ଦେଶବ୍ୟାପୀ ୨୧୦ଟି ସ୍ଥାନରେ ବଡ଼ ଧରଣର ଜଙ୍ଗଲ ନିଆଁ ଲାଗିଥିବା ବେଳେ ସେଥିରୁ ୭୭ଟି କେବଳ ଓଡ଼ିଶାରେ ଲାଗିଛି ।
/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)

/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)