Modi Odisha Visit: କ୍ରୋଏସିଆରୁ ଆଜି ଫେରିବେ ପ୍ରଧାନମନ୍ତ୍ରୀ: ଆସନ୍ତା କାଲି ଓଡ଼ିଶା ଗସ୍ତ, ଜାଣନ୍ତୁ କଣ ରହିବ ଟ୍ରାଫିକ ରୁଟ

ଆସନ୍ତା କାଲି ଓଡ଼ିଶା ଆସୁଛନ୍ତି ପ୍ରଧାନମନ୍ତ୍ରୀ ମୋଦି । ରାଜ୍ୟରେ ବିଜେପି ସରକାରର ବର୍ଷ ପୂର୍ତ୍ତ ଅବସରରେ ଭୁବନେଶ୍ବରରେ ହେବାକୁ ଥିବା କାର୍ଯ୍ୟକ୍ରମରେ ଯୋଗଦେବେ ପ୍ରଧାନମନ୍ତ୍ରୀ । ଅପରାହ୍ନ ୩ ଟା ୪୦ରେ ବିମାନବନ୍ଦରରେ ପହଞ୍ଚିବା ପରେ ପ୍ରଧାନମନ୍ତ୍ରୀଙ୍କୁ ଭବ୍ୟ ସ୍ବାଗତ କରାଯିବ। ପରେ ୩ଟା ୪୫ରୁ ୪ଟା ୧୫ ଯାଏ ରୋଡ୍ ଶୋ' କରିବେ ମୋଦି । ବିମାନବନ୍ଦରରୁ ଜନତା ମଇଦାନ ସଭାସ୍ଥଳୀ ଯାଏ ହେବ ରୋଡ ଶୋ' । ପରେ ଅପରାହ୍ନ ସାଢେ ପାଞ୍ଚଟା ଯାଏ ଜନତା ମଇଦାନରେ ହେବାକୁ ଥିବାର ବିଜେପି ସରକାରର ପ୍ରଥମ ବର୍ଷ ପୂର୍ତ୍ତି ଉତ୍ସବରେ ସେ ଉପସ୍ଥିତ ରହିବେ । ପରେ ୫ଟା ୫୦ ମିନିଟରେ ଭୁବନେଶ୍ବର ବିମାନବନ୍ଦରରୁ ସ୍ବତନ୍ତ୍ର ବିମାନ ଯୋଗେ ଦିଲ୍ଲୀ ପ୍ରତ୍ୟାବର୍ତ୍ତନ କରିବେ ପ୍ରଧାନମନ୍ତ୍ରୀ ମୋଦି ।

ଅଧିକ ପଢ଼ନ୍ତୁ: ଚିକିତ୍ସା ପାଇଁ ମୁମ୍ବାଇ ହସ୍ପିଟାଲ ଯିବେ ନବୀନ

ଏପଟେ ପ୍ରଧାନମନ୍ତ୍ରୀ ମୋଦିଙ୍କ ରୋଡ୍ ସୋ' ପାଇଁ ଟ୍ରାଫିକ କଟକଣା ଜାରି ହୋଇଛି। ଅପରାହ୍ନ ୩ଟାରୁ ସଂଧ୍ୟା ୬ଟା ପର୍ଯ୍ୟନ୍ତ ଟ୍ରାଫିକ କଟକଣା ଜାରି ହୋଇଛି । କାର୍ଯ୍ୟକ୍ରମରେ ସାମିଲ ହେବାକୁ ଆସୁଥିବା ଲୋକଙ୍କ ପାଇଁ ୧୭ଟି ସ୍ଥାନରେ ପାର୍କିଂ ବ୍ୟବସ୍ଥା ହୋଇଛି । ସେହିପରି କାର୍ଯ୍ୟକ୍ରମକୁ ଆସୁଥିବା ବସ୍ ଗୁଡିକ ପାଇଁ ସ୍ବତନ୍ତ୍ର ରୁଟ ଲାଇନର ବ୍ୟବସ୍ଥା ହୋଇଛି । କଟକ ପଟୁ ଆସୁଥିବା ବସ ଗୁଡିକ ପାଇଁ ସୈନିକ ସ୍କୁଲ ନିକଟରେ ପାର୍କିଙ୍ଗ ବ୍ୟବସ୍ଥା ହୋଇଛି । ଖୋର୍ଦ୍ଧା ଓ ନନ୍ଦନକାନନ ପଟୁ ଆସୁଥିବା ବସଗୁଡିକ ଉତ୍କଳ ହସପିଟାଲ ଓ ହାତୀଆଶୁଣି ଛକରେ ପାର୍କିଂ ବ୍ୟବସ୍ଥା ହୋଇଛି । ପୁରୀ ପଟୁ ଆସୁଥିବା ବସଗୁଡିକ ଶିଶୁଭବନ ଛକ ଠାରୁ କ୍ୟାପିଟାଲ ହସପିଟାଲ ଛକ ଯାଏ ପାର୍କିଂ କରିପାରିବେ ।

ଅନ୍ୟ ପକ୍ଷରେ କ୍ରୋଏସିଆ ଗସ୍ତ ସାରି ଗୁରୁବାର ଭାରତ ଫେରୁଛନ୍ତି ପ୍ରଧାନମନ୍ତ୍ରୀ ମୋଦି। କ୍ରୋଏସିଆ ପହଞ୍ଚିବା ପରେ ସେଣ୍ଟ୍ ମାର୍କ ସ୍କ୍ବୋୟାରରେ ପିଏମ୍ ନରେନ୍ଦ୍ର ମୋଦିଙ୍କୁ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା । ଏହା ପରେ କ୍ରୋଏସିଆ ପ୍ରଧାନମନ୍ତ୍ରୀଙ୍କ ସହ ମୋଦି ଦ୍ବିପାକ୍ଷିକ ଆଲୋଚନା କରିଥିବା ବେଳେ, ଏହି ଅବସରରେ ଉଭୟ ଦେଶ ମଧ୍ୟରେ ବୁଝାମଣାପତ୍ର ସ୍ବାକ୍ଷର ହୋଇଛି । ପ୍ରତିରକ୍ଷା ଏବଂ ସୁରକ୍ଷା, ଔଷଧ, କୃଷି, ସୂଚନା ପ୍ରଯୁକ୍ତିବିଦ୍ୟା ଏବଂ ନବୀକରଣୀୟ ଶକ୍ତି ସମେତ ପ୍ରମୁଖ କ୍ଷେତ୍ରଗୁଡ଼ିକରେ ଦ୍ୱିପାକ୍ଷିକ ସହଯୋଗ ବୃଦ୍ଧି ଉପରେ ବୈଠକରେ ଗୁରୁତ୍ୱାରୋପ କରିଥିଲେ ଦୁଇ ଦେଶର ପ୍ରଧାନମନ୍ତ୍ରୀ। ଏଥିସହ ସେମିକଣ୍ଡକ୍ଟର, ଜାହାଜ ନିର୍ମାଣ, ସଂଯୋଗୀକରଣ, ଲୋକ-ଲୋକ ସମ୍ପର୍କ ଏବଂ ଅନ୍ୟାନ୍ୟ କ୍ଷେତ୍ରରେ ସମନ୍ୱୟ ରକ୍ଷା ଉପରେ ମଧ୍ୟ ଉଭୟ ନେତା ଆଲୋକପାତ କରିଥିଲେ । ଏ ଅବସରରେ କ୍ରୋଏସିଆ ରାଷ୍ଟ୍ରପତିଙ୍କୁ ମଧ୍ୟ ଭେଟିଛନ୍ତି ମୋଦି।.କ୍ରୋଏସିଆ ପହଞ୍ଚିବା ପରେ ସଂସ୍କୃତ ଶ୍ଲୋକ ଗାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭବ୍ୟ ସ୍ବାଗତ କରାଯାଇଥିଲା। ବିମାନ ବନ୍ଦରରୁ ଓହ୍ଲାଇବା ପରେ ତାଙ୍କୁ ଭିନ୍ନ ଢଙ୍ଗରେ ସ୍ବାଗତ କରିଥିଲେ ସେଠାକାର ନାଗରିକ।

ଅଧିକ ପଢ଼ନ୍ତୁ: ୩୫ବର୍ଷ ଧରି ପିନ୍ଧିଥିଲେ ଗେ।ଟିଏ ଟେ।ପି, ଲୁଗାପଟାରେ ଦେଉନଥିଲେ ଆଇରନ୍