LIVE TV
ନିର୍ମାଣ ନସରୁଣୁ ଆସିଲା ଦୁର୍ନୀତି ଅଭିଯୋଗ । କଟକ ମହାନଦୀ ପଠାରେ ନିର୍ମାଣଧୀନ ସ୍ପୋର୍ଟସ କମ୍ପ୍ଲେକ୍ସ କାମରେ ବ୍ୟାପକ ଦୁର୍ନୀତି ଅଭିଯୋଗ ହୋଇଛି । ଠିକାସଂସ୍ଥା ନୂଆ କାମରେ ପୁରୁଣା ସାମଗ୍ରୀର ଲଗାଉଥିବା ଅଭିଯୋଗ ହୋଇଛି । ନିର୍ମାଣ କାମକୁ ନେଇ କ୍ରୀଡାବିତ ଅସନ୍ତୋଷ ପ୍ରକାଶ କରିଥିବା ବେଳେ, ସିଏମସି ମେୟର କହିଛନ୍ତି ଘଟଣାର ତଦନ୍ତ କରାଯିବ।
କଟକରେ ଫାଇବ-ଟି କାମରେ ମହାଦୁର୍ନୀତି । ନୂଆ ନିର୍ମାଣରେ ବ୍ୟବହୃତ ପୁରୁଣା ଫେବର ବ୍ଲକ । କ୍ରିକେଟ ପଡ଼ିଆ ସାରା ଗୋଡିରେ ଭର୍ତ୍ତି ।କଟକ ମହାନଦୀ ପଠାରେ ବୋଷ ସ୍ପୋର୍ଟସ କପ୍ଲେକ୍ସ ଓ ଏସସିବି ସ୍ପୋର୍ଟସ କଂପ୍ଲେକ୍ସର ନିର୍ମାଣ ଶେଷ ପର୍ଯ୍ୟାୟରେ ଥିବାବେଳେ, ମହାଦୁର୍ନୀତିର ଅଭିଯୋଗ ଆଣିଛନ୍ତି କଟକ ବାସିନ୍ଦା । ନୂଆ ନିର୍ମାଣରେ ପୁରୁଣା ସାମଗ୍ରୀର ବ୍ୟବହାର କରୁଛି ଠିକା ସଂସ୍ଥା । ତାଳଦଣ୍ଡା କେନାଲ ରାସ୍ତାରେ ବ୍ୟବହୃତ ଫେବର ବ୍ଲକ ଆଣି ନିର୍ମାଣରେ ବ୍ୟବହାର କରାଯାଉଥିବା ଅଭିଯୋଗ ହୋଇଛି । ପ୍ରାୟ ୧୨କୋଟି ଟଙ୍କାରେ ନିର୍ମାଣଧୀନ ଦୁଇ ସ୍ପୋର୍ଟସ କପ୍ଲେକ୍ସରେ ରହିଛି ୨ଟି କ୍ରିକେଟ ପଡ଼ିଆ, ୨ଟି ଫୁଟବଲ ପଡିଆ ଓ ଗୋଟିଏ ବାସ୍କେଟବଲ ଗ୍ରାଉଣ୍ଡ । ମାତ୍ର ପଡିଆ ସାରା ଗୋଡି ଭର୍ତ୍ତି ଥିବାରୁ ଏହା ଖେଳାଳିଙ୍କ କାମରେ ଆସିବା ନେଇ ଆଶଙ୍କା ପ୍ରକାଶ ପାଇଛି । ଏପରକି ନିର୍ମାଣରେ ନଦୀ ପଠାରେ ପଡ଼ିଥିବା ବାଲି ଓ ମାଟି ବ୍ୟବହାର ହୋଇଥିବା ହୋଇଛି ଅଭିଯୋଗ ।
Also Read
ଏସିସିବି ମେଡିକାଲ ସମ୍ପ୍ରସାରଣ ଯୋଗୁଁ ଏସିସିବି ମେଡିକାଲ କ୍ରିକେଟ ଗ୍ରାଉଣ୍ଡ ଓ ବୋଷ ଗ୍ରାଉଣ୍ଡ ସମ୍ପୂର୍ଣ୍ଣ ଉଚ୍ଛେଦ ହୋଇଥିଲା। ପରେ ତତକାଳୀନ ରାଜ୍ୟ ସରକାର ଦୁଇଟି ସ୍ପୋର୍ଟସ କମ୍ପେକ୍ସ ପାଇଁ ବ୍ୟୟବରାଦ କରିଥିଲେ। ମାତ୍ର ଏବେ ନିମ୍ନମାନର ନିର୍ମାଣ କାର୍ଯ୍ୟ ଅଭିଯୋଗ ଆଣି ଅସନ୍ତୋଷ ବ୍ୟକ୍ତ କରିଛନ୍ତି କ୍ରୀଡ଼ା ସଂଗଠକ । କହିଛନ୍ତି, ଓସିଏ କିମ୍ୱା ଟେକନିକାଲ କମିଟି ଦ୍ବାରା ପଡିଆ ନିର୍ମାଣ କରାଯାଇଥିଲେ ଭଲ ହୋଇଥାନ୍ତା । ସେପଟେ ସିଏମସି ମେୟର କହିଛନ୍ତି, ଘଟଣାର ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ।
କଟକ ସ୍ପୋର୍ଟସ୍ କପ୍ଲେକ୍ସ ନିର୍ମାଣ କରୁଥିବା ଠିକା ସଂସ୍ଥା, ରାଜ୍ୟ ବିଭିନ୍ନ ସ୍ଥାନରେ ୫ଟି ଅଧିନରେ ସ୍ପୋର୍ଟସ କପ୍ଲେକ୍ସ ତିଆରି କରିଛି। ଏବେ କଟକର ନିର୍ମାଣ କାମ ଦେଖି ଅନ୍ୟାନ ସ୍ପୋର୍ଟସ କପ୍ଲେକ୍ସର ସ୍ଥାୟୀତ୍ବ ନେଇ ଆଶଙ୍କା ପ୍ରକାଶ କରିଛନ୍ତି କ୍ରୀଡ଼ାବିତ୍ ।
- Reported by:
- DEBASHISH MOHANTY
