Redhakhol:ପୂର୍ବତନ ସରପଞ୍ଚଙ୍କୁ ଟେକିନେଲେ, ପୋଲିସ ହାତରେ ସିସିଟିଭି ଫୁଟେଜ

ମର୍ଣ୍ଣିଂ ୱାର୍କରେ ଯିବା ବେଳେ ପୂବର୍ତନ ସରପଞ୍ଚଙ୍କୁ ଅପହରଣ । କାରରେ କିଛି ଦୁର୍ବୃତ୍ତ ଅପହରଣ କରିନେଇଥିବା ଅଭିଯୋଗ ହେଇଛି। ଯାହାର ସିସିଟିଭି ଫୁଟେଜ ପୋଲିସ ହାତରେ ଲାଗିଛି l ରେଢ଼ାଖୋଲ ଥାନା ଗଣେଶ ନଗରରେ ଏକ ଭଡା ଘରେ ରହୁନ୍ତି ଘୁଷୁରାମାଲ ପଞ୍ଚୟତର ପୂବର୍ତନ ସରପଞ୍ଚ ଦେବାର୍ଚନ ମିର୍ଦ୍ଧା।

ସବୁଦିନ ଭଳି ଭୋରରୁ ମର୍ଣ୍ଣିଂ ୱାର୍କ ପାଇଁ ବୁରଡ଼ା ରାସ୍ତାକୁ ଯାଇଥିଲେ । ହଠାତ ଏକ ଧଳା ରଙ୍ଗର କାରରେ କିଛି ଲୋକ ଆସି ଦେବାର୍ଚନଙ୍କୁ ଉଠାଇ ନେଇ ଦ୍ରୁତ ଗତିରେ କିସିଣ୍ଢା ରାସ୍ତାରେ ପଳାଇଥିଲେ । ପୋଲିସ ଘଟଣାସ୍ଥଳକୁ ଯାଇ ତଦନ୍ତ କରିବା ସହ ସିସିଟିଭି ଫୁଟେଜକୁ ଯାଞ୍ଚ କରୁଛି ।

ତେବେ ପୂର୍ବତନ ସରପଞ୍ଚଙ୍କ ପରିବାର ଲୋକେ ରହୁଥିବା ଭଡା ଘରେ ତାଲା ପଡିଛି l କେଉଁ ପରିସ୍ଥିତିରେ ଏଭଳି ଅପହରଣ ହେଲା ତାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି।