Elephant Attack: ଘଉଡ଼ାଇବା ବେଳେ ବନ କର୍ମଚାରୀଙ୍କୁ ଦଳି ଦେଲା ଦନ୍ତା

ବନ କର୍ମଚାରୀଙ୍କୁ ଦଳି ଦେଲା ଦନ୍ତା । ହାତୀ ଘଉଡାଉ ଥିବାବେଳେ ହାତୀ ଆକ୍ରମଣରେ ବନ କର୍ମଚାରୀଙ୍କ ମୃତ୍ୟୁ । ବଲାଙ୍ଗିର ଜିଲ୍ଲା ମୁରିବାହାଲ ଥାନା ଗୋବିନ୍ଦପୁର ଗାଁରେ ଗତକାଲି ଏହି ଅଘଟଣ ଘଟିଛି । ମୃତକ ହେଲେ ଓମକାରୀ ବାଗ । ସେ ହାତୀ ପଲକୁ ଘଉଡ଼ାଇବା ବେଳେ ହଠାତ୍ ଗୋଟିଏ ହାତୀ ମାଡ଼ି ଆସିଥିଲା । ଏତିକି ବେଳେ ବନ କର୍ମଚାରୀ ଜଣକ ତଳେ ପଡ଼ିଯିବାରୁ ଦଳି ଦେଇଥିଲା ଦନ୍ତା ହାତୀ । ଏଥିରେ ତାଙ୍କର ମୃତ୍ୟୁ ଘଟିଛି ।

ଅଧିକ ପଢ଼ନ୍ତୁ:   ରାଜଧାନୀରେ ଦୁର୍ଘଟଣା; ୨ ଯୁବକଙ୍କ ଉପରେ ମାଡ଼ିଗଲା ମୋ ବସ୍‌

ସୂଚନା ଅନୁସାରେ, ଗୋବିନ୍ଦପୁର ଗାଁରେ ବନ ବିଭାଗ ଟିମ୍ ହାତୀ ପଲକୁ ଘଉଡାଉଥିଲେ । ହଠାତ୍ ଗୋଟିଏ ହାତୀ ବନ କର୍ମଚାରୀଙ୍କ ଆଡକୁ ମାଡି ଆସିଥିଲା । ଏହି ସମୟରେ ତଳେ ପଡିଯାଇଥିଲେ ଓମକାରୀ ବାଗ୍ । ହାତୀ ତାଙ୍କୁ ଦଳି ଦେଇଥିଲା । ଗୁରୁତର ଅବସ୍ଥାରେ ଓମକାରୀଙ୍କୁ ପାଟଣାଗଡ଼ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ମୃତ ଘୋଷଣା କରିଥିଲେ । ଓମକାରୀ ବାଗ୍‌ଙ୍କ ଘର ଘୁଷୁରାମୁଣ୍ଡା ଗାଁରେ । ସେ ପାରା ସ୍କ୍ୱାଡ୍ ଭାବରେ ଜଙ୍ଗଲ ବିଭାଗରେ ଚାକିରି କରୁଥିଲେ । 

ମାସେ ହେବ ମୁରିବାହାଲ ରେଞ୍ଜ ତିଖାରି ଜଙ୍ଗଲ ଓ ଆଖପାଖ ଗାଁରେ ୩୫ ଟିକିଆ ହାତୀ ପଲ ଉପଦ୍ରବ ଚଳାଇଛନ୍ତି । ହାତୀ ପଲକୁ ନେଇ ସ୍ଥାନୀୟ ଅଞ୍ଚଳବାସୀ ଭୟଭୀତ ଅବସ୍ଥାରେ ରହିଛନ୍ତି । ହାତୀଙ୍କୁ ଘଉଡାଇବାକୁ ନାକେଦମ୍ ହେଉଛି ବନ ବିଭାଗ ।

ଅଧିକ ପଢ଼ନ୍ତୁ:  ଟିନ୍ ଏଜ୍ ଲଭ୍‌ର ଭୟଙ୍କର କାହାଣୀ...ପ୍ରେମିକାକୁ ଭିଡିଓ କଲ୍ କରି ନଦୀକୁ ଡେଇଁ ପଡ଼ିଲେ ପ୍ରେମିକ