Special Story: ଜାଆଁଳା ପିଲାର ମାଆ ବଡି ବିଲଡର୍, ମିସ୍ ଓଡ଼ିଶାରେ ତୃତୀୟ

ପେଶାରେ ସେ ଜଣେ ଅଧ୍ୟାପିକା । ହେଲେ ନିଶା ତାଙ୍କର ବଡି ବିଲଡିଂ। ଆମେ କହୁଛୁ ବାଲେଶ୍ୱର ଅଞ୍ଚଳର ସ୍ମୀତି ପାଢୀଙ୍କ କଥା । ପେଶାରେ ଜଣେ ଅଧ୍ୟାପିକା ହୋଇ ବି ବଡି ବିଲଡିଂକୁ ନିଶା ଭାବେ ଗ୍ରହଣ କରି ନେଇଛନ୍ତି । ଜିମ୍‌ର ସାହାରା ନେଇ ରାତିଦିନ ପରିଶ୍ରମ କରି ନିଜକୁ ଫିଟ୍‌ ରଖିବାରେ ସଫଳ ହୋଇଛନ୍ତି । ଖାଲି ଏତିକି ନୁହେଁ, ଓଡ଼ିଶାର ମହିଳାମାନଙ୍କୁ ନେଇ ହୋଇଥିବା ବଡି ବିଲଡିଂ ଚମ୍ପିଅନସିପରେ ସେ ତୃତୀୟ ସ୍ଥାନ ଅଧିକାର କରିଛନ୍ତି ।

ଅଧିକ ପଢ଼ନ୍ତୁ: ଫେରିଲେ ସୁର ... ଏବେ ପୁଣି ଶୁଭିବ ‘Congress Coming’

ବାଲେଶ୍ୱର ଫକୀର ମୋହନ ବିଶ୍ୱବିଦ୍ୟାଳୟରେ ଆସିଷ୍ଟାଣ୍ଟ ପ୍ରଫେସର ଭାବେ କାର୍ଯ୍ୟରତ ସ୍ମିତୀ ଜାଆଁଳା ପିଲାର ମାଆ । ବ୍ୟସ୍ତବହୁଳ ଜୀବନରୁ ସମୟ ବାହାର କରି ଜିମ୍‌ ଯାଇ ସେ ନିଜେ ଫିଟ୍‌ ରହିବା ସହ ରାଜ୍ୟ ପାଇଁ ଗୌରବ ଆଣିବାରେ ସଫଳ ହୋଇଛନ୍ତି । ଫିଟ୍ ଗାର୍ଲ ଭାବେ ନିଜ ଅଂଚଳରେ ବେଶ୍ ପରିଚିତ ସ୍ମିତୀ ।

ଶିକ୍ଷା ଦାନ ସହ ପରିବାରକୁ ସମ୍ଭାଳି ବଡି ବିଲଡିଂକୁ ନିଶା କରିଥିବା ସ୍ମିତୀ ସର୍ବଗୁଣ ସମ୍ପନ୍ନ ନାରୀ ଭାବରେ ବାଲେଶ୍ୱର ଅଞ୍ଚଳରେ ନାଁ କରିଛନ୍ତି । ଜଣେ ମାଆ ଚାହିଁଲେ ସବୁ କିଛ କରି ପାରିବ। ଯାହାକୁ କରି ଦେଖାଇଛନ୍ତି ବାଲେଶ୍ୱରର ସ୍ମୀତି ପାଢୀ । ଏବେ ଓଡ଼ିଶାର ସବୁ ମହିଳାମାନଙ୍କ ପାଇଁ ସେ ଆଦର୍ଶ ପାଲଟିଛନ୍ତି ।