Forgotten CESU Colony: ଅସୁରକ୍ଷିତ ଅବସ୍ଥାରେ ସେସୁ କଲୋନୀ; ବିପଦଶଙ୍କୁଳ କୋଠାରେ ଜୀବନ ବିତାଉଛନ୍ତି ୫୦ ପରିବାର...

ଅସୁରକ୍ଷିତ କଟକର ସେସୁ କଲୋନୀ । ଭଙ୍ଗା ଦଦରା କୋଠାରେ ଜୀବନ ବିତାଉଛନ୍ତି ବିଦ୍ୟୁତ କର୍ମଚାରୀ ଓ ସେମାନଙ୍କ ପରିବାର । କାହିଁକି ନା ଦୀର୍ଘ ବର୍ଷ ହେବ ମରାମତି ହେଉନାହିଁ ସରକାରୀ କ୍ୱାର୍ଟରସ। କଟକ ସହର ମଝି ଅର୍ଥାତ ବାଦାମବାଡ଼ି ସ୍ଥିତ ସେସୁ କଲୋନୀ ବାସୀଙ୍କ ଅବସ୍ଥା ଦେଖିଲେ ଆପଣ ବି ଆଶ୍ଚର୍ଯ୍ୟ ହେବେ । ତେବେ ମରାମତି ପ୍ରତି ଧ୍ୟାନ ଦେଉନଥିବା ସେସୁ କର୍ତ୍ତୃପକ୍ଷ ଏବେ ଅସୁରକ୍ଷିତ କ୍ବାଟର୍ସ ଛାଡିବାକୁ କରିଛି ନୋଟିସ୍ । ଯାହାକୁ ନେଇ କଲୋନୀ ବାସିନ୍ଦା ଅସନ୍ତୋଷ ପ୍ରକାଶ କରିଛନ୍ତି ।

ଫାଟି ଆଁ କରିଛି କାନ୍ଥ...ଛାତ ବି ଗଳି ପଡ଼ିଲାଣି....ଆଉ କେଉଁଠି ଉଠିଗଲାଣି ଗଛ...ଏଭଳି ବିପଦପୂର୍ଣ୍ଣ ଘରେ ଆଶ୍ରା ନେଇଛନ୍ତି ୫୦ ପରିବାର....ପାଦେ ପାଦେ ବିପଦ ଥିଲେ ବି ଭଗବାନ ଭରସାରେ ଦିନ କାଟୁଛନ୍ତି କଟକ ସେସୁ କଲୋନୀ ବାସିନ୍ଦା । କର୍ତ୍ତୃପକ୍ଷ ମରାମତି କଥା ଭୁଲିଯାଇଥିବା ବେଳେ,  ଅସୁରକ୍ଷିତ, ଅସ୍ବାସ୍ଥ୍ୟକର ପରିବେଶ ବାଧ୍ୟ ହୋଇ ଜୀବନ ଜିଉଁଛନ୍ତି କଲୋନୀ ବାସିନ୍ଦା । ବାରମ୍ବାର ଅଭିଯୋଗ କଲେ ବି କର୍ତ୍ତୃପକ୍ଷ ଶୁଣୁନଥିବା ଅଭିଯୋଗ ହୋଇଛି ।

ଅଧିକ ପଢ଼ନ୍ତୁ: ଭୁବନେଶ୍ୱରରେ ଫିଲ୍ମ ଷ୍ଟାଇଲରେ ଦୁର୍ଘଟଣା; ଟ୍ରକ୍ ତଳେ ପଶିଗଲେ ବାଇକ ଚାଳକ

ଏପଟେ କିନ୍ତୁ ଯଥାଶୀଘ୍ର  କ୍ବାଟର୍ସ ଖାଲି କରିବାକୁ ନୋଟିସ୍ କରିଛି ଟିପିସିଓଡିଏଲ୍ । ଆଗରୁ ସାମନ୍ୟ ମରାମତି କରୁନଥିବା ଟିପିସିଓଡିଏଲ ଏବେ,  ଆର ଆଣ୍ଡବି ପକ୍ଷରୁ ନୋଟିସ ପାଇବା ପରେ କ୍ବାର୍ଟର୍ସ ଖାଲି କରିବାକୁ ଦେଇଛି ଅର୍ଡର । ଯାହାକୁ ନେଇ କଲୋନୀ ବାସିନ୍ଦାଙ୍କ ଚିନ୍ତା ବଢିଛି। ପରିବାର ନେଇ କେଉଁଠି ରହିବେ, କଣ କରିବେ ବୁଦ୍ଧିବାଟ ଦିଶୁନି....

୧୯୭୩ ମସିହାରେ ତିଆରି ହୋଇଥିଲା ସେସୁ କଲୋନୀ। ହେଲେ ଗତ ୩୫ ବର୍ଷରୁ ଉର୍ଦ୍ଧ୍ୱ ହେବ କଲୋନୀ ମରାମତି ହୋଇନାହିଁ । କିନ୍ତୁ କ୍ୱାର୍ଟରସ ଭଡ଼ା ଓ ରକ୍ଷଣ ବେକ୍ଷଣ ବାବଦକୁ ବର୍ଷକୁ ଲକ୍ଷ ଲକ୍ଷ ଟଙ୍କା ଦେଉଛନ୍ତି କଲୋନୀ ବାସିନ୍ଦା। ହେଲେ ସେ ଟଙ୍କା କେଉଁଠି ଖର୍ଚ୍ଚ ହେଉଛି ତାହାର ହିସାବ କାହା ପାଖରେ ନାହିଁ । ଅନ୍ୟପଟେ ଏହି ଘଟଣା ବାବଦରେ ସେସୁ କର୍ତ୍ତୁପକ୍ଷଙ୍କ ପ୍ରତିକ୍ରିୟା ମିଳିପାରିନାହିଁ ।  

ଅଧିକ ପଢ଼ନ୍ତୁ: ରାଜଧାନୀରେ ହୁଗୁଳି ଗଲାଣି ପୋଲିସିଂ ବ୍ୟବସ୍ଥା; ବଢୁଛି ଅପରାଧ, ମିଳୁନି ଅପରାଧୀଙ୍କ ପତ୍ତା