ଟ୍ରକରେ ଲଦା ହେଲା, ମୁମ୍ବାଇ ଗଲା ମୁଖ୍ୟମନ୍ତ୍ରୀଙ୍କ ହେଲିକପ୍ଟର

କେନ୍ଦ୍ରପଡ଼ାରୁ ମୁମ୍ବାଇ ଗଲା ମୁଖ୍ୟମନ୍ତ୍ରୀ ମୋହନ ମାଝୀଙ୍କ ହେଲିକପ୍ଟର । ଉଡ଼ି ଉଡ଼ି ନୁହେଁ ବରଂ ସଡ଼କ ପଥରେ ଟ୍ରକରେ ଲଦା ହୋଇ ନିଆଗଲା ମୁମ୍ବାଇ । ମାସାଧିକ କାଳ ଅଚଳ ହୋଇ ପଡିରହିବା ପରେ ମୁମ୍ବାଇରୁ ଆସିଥିବା ଟେକ୍ନିକାଲ ଟିମ୍ ହେଲିକପ୍ଟରକୁ ଟ୍ରକରେ ଲଦି ନେଇଛନ୍ତି । ଆଜି ଟ୍ରକଟି ବାହାରିଥିବା ବେଳେ, ମୁମ୍ବାଇ ପହଞ୍ଚିବାକୁ ୮ରୁ ୧୦ ଦିନ ସମୟ ଲାଗିବ ।

ପୋଲିସ, ଅଗ୍ନିଶମ ବାହିନୀ ଓ ଇଞ୍ଜିନିୟରମାନଙ୍କ ମିଳିତ ସହଯୋଗରେ ହେଲକପ୍ଟରକୁ ଲୋଡିଂ କରାଯାଇଥିଲା। ଗତ ଜୁନ୍ ୯ରେ ମୁଖ୍ୟମନ୍ତ୍ରୀଙ୍କୁ ନେଇ ଏହି ହେଲିକପ୍ଟର କେନ୍ଦ୍ରାପଡ଼ା ଆସିଥିଲା। ତେବେ ବଜ୍ରପାତ ଯୋଗୁଁ ହେଲିକପ୍ଟରଟି ଅଚଳ ହୋଇପଡ଼ିଥିଲା । ଏନେଇ ଓଟିଭିରେ ଖବର ପ୍ରସାରଣ ପରେ ପ୍ରଶାସନ ତତ୍ପରତା ଦେଖାଇଥିଲା ।

ହେଲିକପ୍ଟର ଯଞ୍ଚ୍ ପାଇଁ ଗତ ୧୨ ତାରିଖରେ ଟେକ୍ନିକାଲ ଟିମ୍ ପହଞ୍ଚିଥିଲା। ଏହି ଟିମ୍ ପ୍ରଥମ ପର୍ଯ୍ୟାୟରେ ହେଲିକପ୍ଟରରୁ ତେଲ କାଢ଼ିଥିଲା ଓ ପରେ ଫ୍ୟାନ୍ ବ୍ରେଡ୍ କାଢ଼ି ବାକ୍ସ ମଧ୍ୟରେ ରଖିଥିଲା। ଗତକାଲିଠାରୁ ଟ୍ରକ୍ ଆସିଥିବା ବେଳେ ଆଜି ଟେକ୍ନିକାଲ ଟିମ୍ ପହଞ୍ଚିବା ପରେ ହେଲିକପ୍ଟର ସ୍ଥାନାନ୍ତର ପ୍ରକ୍ରିୟା ଆରମ୍ଭ ହୋଇଥିଲା।