ଭୁବନେଶ୍ବରରେ ମହିଳାଙ୍କ ହାଇଡ୍ରାମା; CMଙ୍କ କାରକେଡ୍ ଆଗକୁ ପଶି ଆସିଲେ; ଅଟକି ରହିଲା ଗାଡ଼ି...

ଭୁବନେଶ୍ବର ରସୁଲଗଡ଼ ଛକରେ ମହିଳାଙ୍କ ହାଇଡ୍ରାମା । ହଠାତ ମୁଖ୍ୟମନ୍ତ୍ରୀଙ୍କ କାରକେଡ୍ ଆଗକୁ ପଶି ଆସିଲେ ମହିଳା। ମହିଳାଙ୍କ ହାଇଡ୍ରାମା ପାଇଁ କିଛି ସମୟ ଅଟକି ରହିଲା କାର୍‌କେଡ୍‌ । ମହିଳାଜଣକୁ ପୋଲିସ ଉଠାଇ ନେଲା ପରେ କାର୍‌କେଡ୍‌ ଗଲା । ତେବେ ମହିଳା ଜଣକ କିଏ ଓ ସେ କାହିଁକି ଏଭଳି କାଣ୍ଡ କଲେ ସେ ସମ୍ପର୍କରେ କିଛି ଜଣାପଡ଼ିନି। 

#ମହିଳାଙ୍କ_ହାଇଡ୍ରାମା#ମୁଖ୍ୟମନ୍ତ୍ରୀଙ୍କ_କାର୍‌କେଡ୍‌_ଅଟକାଇଲେ_ମହିଳା
ଭୁବନେଶ୍ବରର ରସୁଲଗଡ଼ ଛକରେ ମୁଖ୍ୟମନ୍ତ୍ରୀଙ୍କ କାର୍‌କେଡ୍‌କୁ ଅଟକାଇଲେ ମହିଳା । ମହିଳାଙ୍କ ହାଇଡ୍ରାମା ପାଇଁ କିଛି ସମୟ ଅଟକି ରହିଲା କାର୍‌କେଡ୍‌ ।#CMO#MohanMajhi#OTV#Odishapic.twitter.com/Y3Ez7I2ljS

— ଓଟିଭି (@otvkhabar) July 9, 2024

ଆଜି କୌଣସି ଏକ କାର୍ଯ୍ୟକ୍ରମରେ ଯୋଗ ଦେଇ ମୁଖ୍ୟମନ୍ତ୍ରୀ ଫେରୁଥିବା ବେଳେ ରସୁଲଗଡ଼ ନିକଟରେ ଜଣେ ମହିଳା ତାଙ୍କ କାରକେଡ ସାମ୍ନାକୁ ହଠାତ ଚାଲିଆସିଥିଲେ। ମହିଳା ଜଣଙ୍କ ଏହି  ସମୟରେ କାହା ସହ ଫୋନରେ କଥା ହେଉଥିଲେ । ମୁଖ୍ୟମନ୍ତ୍ରୀଙ୍କ କାର ଆଗରେ ଆସୁଥିବା ପୋଲିସ ଗାଡ଼ି ଆଗକୁ ମହିଳା ଜଣଙ୍କ ଆସିଯିବାରୁ କାରକେଡ୍ କିଛି ସମୟ ପାଇଁ ଅଟକି ରହିଥିଲା ।

ଭାଇରାଲ ହୋଇଥିବା ଭିଡିଓରେ ନଜର ଆସୁଛି ଯେ, ଘଟଣା ସମୟରେ କୌଣସି ମହିଳା ପୋଲିସ ଉପସ୍ଥିତ ନଥିବାରୁ ମହିଳାଙ୍କ ଅନ୍ୟ ପୋଲିସମାନେ ବୁଝାଇବାକୁ ବହୁତ ଚେଷ୍ଟା କରିଥିଲେ । କିଛି ସମୟରେ ପରେ ଲେଡି ପୋଲିସ ଆସି ଉକ୍ତ ମହିଳାଙ୍କୁ କାରକେଡ ସାମ୍ନାକୁ ହଟାଇ ରାସ୍ତା କଡରୁ ନେଇଥିଲା । ପରେ ମହିଳାଙ୍କ ପୋଲିସ ଉଠାଇନେବାର ସୂଚନା ମିଳୁଛି । ଘଟଣାକୁ ନେଇ ଅଧିକ ତଦନ୍ତ କରୁଛି ପୋଲିସ ।