‘ନବୀନ ସରକାର ବେଳେ ହୋଇଛି ବଡ଼ ବଡ଼ ସ୍କାମ, ଟାସ୍କ ଫୋର୍ସ ଗଠନ କରି କରାଯାଉ ତଦନ୍ତ’

ନବୀନ ସରକାର ବେଳେ ମେଗା ପ୍ରକଳ୍ପ ନାଁରେ ହୋଇଛି ବଡ଼ ବଡ଼ ସ୍କାମ୍ । ସରକାର ଟାସ୍କ ଫୋର୍ସ ଗଠନ କରି ଏ ସବୁର ତଦନ୍ତ କରନ୍ତୁ ଓ ସତ ସାମ୍ନାକୁ ଆଣନ୍ତୁ ବୋଲି ଦାବି କରିଛି ଓଡ଼ିଶା ସୂଚନା ଅଧିକାର ଅଭିଯାନ । ନୂଆ ସରକାର ସବୁ ରିଭ୍ୟୁ କରନ୍ତୁ, ଯାହା ଆବଶ୍ୟକ ପଡୁଛି ତାହା କେମିତି ଓଡ଼ିଆ ଠିକାଦାର କାମ କରନ୍ତୁ ସେ ଦିଗରେ ଧ୍ୟାନ ଦେବାକୁ ଦାବି ରଖିଛି ଓଡ଼ିଶା ସୂଚନା ଅଧିକାର ଅଭିଯାନ ।

ଅଧିକ ପଢ଼ନ୍ତୁ: ବିଜ୍ଞାପନରେ ପାଣ୍ଡିଆନଙ୍କ ଫଟୋ ପାଇଁ ଖର୍ଚ୍ଚ ହୋଇଛି ୧୫ କୋଟି

ନବୀନ ସରକାରରେ ୨ ଶହ ଅଣ-ଓଡ଼ିଆ ଠିକାଦାରଙ୍କୁ ଦିଆଯାଇଥିବା ୧ ଲକ୍ଷ କୋଟି ଟଙ୍କା ପ୍ରକଳ୍ପର ସ୍ଥିତି ଓ ସ୍ଥାୟୀତ୍ବ ସମ୍ପର୍କରେ ତୁରନ୍ତ ସମୀକ୍ଷା କରିବାକୁ ଦାବି କରାଯାଇଛି । ଦୁର୍ନୀତି ଓ ହରିଲୁଟରେ ଛନ୍ଦି ହୋଇପଡିଥିବା ସମସ୍ତ ମେଗା ପାନୀୟ ଜଳ ପ୍ରକଳ୍ପର ସମୀକ୍ଷା କରାଯାଇ ଅଣ-ଓଡ଼ିଆ ଠିକାଦାର ଓ ଦୁର୍ନୀତି ଗ୍ରସ୍ତ ପ୍ରଶାସନିକ ଅଧିକାରୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠନ ଗ୍ରହଣ ପାଇଁ ମଧ୍ୟ ଦାବି ହୋଇଛି।

କେବଳ ଯାଜପୁର ଜିଲ୍ଲାର RWSS ଅଧୀକ୍ଷଣ ଯନ୍ତ୍ରୀଙ୍କ କାର୍ଯ୍ୟାଳୟରୁ ମିଳିଥିବା ତଥ୍ୟ ଅନୁଯାୟୀ, ମେଘା ଇଂଜିନିୟରିଂ କମ୍ପାନୀକୁ ବଡ଼ଚଣା ଓ ଧର୍ମଶାଳା ଅଞ୍ଚଳର ପାନୀୟ ଜଳ ପ୍ରକଳ୍ପ ପାଇଁ ୩୩୫ କୋଟି, ଦଶରଥପୁର ବ୍ଲକ ପାନୀୟ ଜଳ ପ୍ରକଳ୍ପ ପାଇଁ ୧୭୮ କୋଟି, ଯାଜପୁର ବିଞ୍ଝାରପୁର ବ୍ଲକ ପାନୀୟ ଜଳ ପ୍ରକଳ୍ପ ପାଇଁ ୨୪୬ କୋଟି ଟଙ୍କା ମଞ୍ଜୁର କରାଯାଇଛି । ଏହାର ତଦନ୍ତ ଦାବି କରିଛି ଓଡ଼ିଶା ସୂଚନା ଅଧିକାର ଅଭିଯାନ । ତେବେ ଏନେଇ ବିଜେଡିର ପ୍ରତିକ୍ରିୟା ମିଳିପାରିନାହିଁ ।