Waqf Amendment Bill 2025: ଲୋକସଭାରେ ପାରିତ ହେଲା ସଂଶୋଧିତ ୱାକଫ୍ ବିଲ୍, ୧୨ ଘଣ୍ଟା ମାରାଥନ ବିତର୍କ ପରେ ପାସ୍ ହେଲା ବିଲ୍

ଲୋକସଭାରେ ପାରିତ ହେଲା ସଂଶୋଧିତ ୱାକଫ୍ ବିଲ୍ । ଗତକାଲି ବିଳମ୍ବିତ ରାତିରେ ବିଲ୍‌ ଉପରେ ମୋହର ମାରିଛି ଲୋକସଭା । ୧୨ ଘଣ୍ଟା ଧରି ମାରାଥନ ବିତର୍କ ପରେ ରାତି ୨ଟା ବେଳେ ବିଲ୍‌ ଲୋକସଭାରେ ପାରିତ ହୋଇଥିଲା । ବିଲ୍ ସପକ୍ଷରେ ୨୮୮ଟି ଭୋଟ ପଡ଼ିଥିବା ବେଳେ ବିଲ୍ ବିପକ୍ଷରେ ୨୩୨ଟି ଭୋଟ ପଡ଼ିଥିଲା । ଆଜି ଏହି ବିଲ୍ ରାଜ୍ୟସଭାରେ ଉପସ୍ଥାପନ କରାଯିବ ।

ଅଧିକ ପଢ଼ନ୍ତୁ: କ୍ରାସ୍‌ ହେଲା IAF ଫାଇଟର ଜେଟ୍, ଦୁର୍ଘଟଣା ପରେ ଜଳିଗଲା ଯୁଦ୍ଧ ବିମାନ

୧୯୯୫ ୱାକଫ୍ ଆଇନର ସଂଶୋଧନ ପାଇଁ ଏହି ବିଲ୍‌ ଆଣିଛନ୍ତି କେନ୍ଦ୍ର ସରକାର । ତେବେ ଜେପିସି ଦ୍ବାରା ବିଲ୍ ନେଇ ଆଲୋଚନା ବେଳେ ବିରୋଧୀଙ୍କ ମତକୁ ଗ୍ରହଣ କରାଯାଇନଥିବା ବିରୋଧୀ ଅଭିଯୋଗ ଆଣି ଏହାକୁ ଅଣସାମ୍ବିଧାନିକ ବୋଲି କହିଥିଲେ । ସଂଖ୍ୟାଲଘୁଙ୍କୁ ଅପମାନିତ କରବା ପାଇଁ ଏହି ବିଲ୍ ସରକାର ଆଣିଥିବା ଅଭିଯୋଗ କରିଥିଲା କଂଗ୍ରେସ । ଏହି ବିଲ୍ ପ୍ରତିବାଦରେ AIMIM ମୁଖ୍ୟ ଅସଦୁଦ୍ଦିନ୍ ଓୱେସି ଲୋକସଭାରେ ବିଲ୍‌ର ନକଲକୁ ଚିରି ଦେଇଥିଲେ । ତେବେ ବିରୋଧୀଙ୍କ ଯୁକ୍ତିକୁ ଖଣ୍ଡନ କରିଥିଲେ ସରକାର ।

ଏହି ବିଲ୍ କେବଳ ୱାକଫ୍‌ର ସଂପତ୍ତି ଓ ଏହାର ପରିଚାଳନା ନେଇ ଅଣାଯାଇଛି । ଏଥିରେ କୌଣସି ଧର୍ମ ପ୍ରସଙ୍ଗ ନାହିଁ ବୋଲି ସରକାର ଯୁକ୍ତି ରଖିଥିଲେ । କଂଗ୍ରେସ ଶାସନ ବେଳେ ଅନେକ ଜମି ଓ ସଂପତ୍ତି ଅକ୍ତିଆର କରିଛି ୱାକଫ୍ । ହେଲେ ଏହାର ଫାଇଦା ମୁସଲିମ ମହିଳା କି ପିଲା ପାଉନାହାନ୍ତି । ଏହି ବିଲ୍ ମୁସଲିମ ମହିଳା ଓ ଶିଶୁଙ୍କୁ ନ୍ୟାୟ ପ୍ରଦାନ କରିବ ବୋଲ ସରକାର ଯୁକ୍ତି ରଖିଥିଲେ ।