LIVE TV
ବଲିଉଡ୍ ଅଭିନେତା ଅମନ ଧଲିୱାଲଙ୍କୁ ଆକ୍ରମଣ । ଅନେକ ହିନ୍ଦି ତଥା ପଞ୍ଜାବି ଫିଲ୍ମରେ କାମ କରି ପରିଚୟ ପାଇଥିବା ଅମନଙ୍କୁ ଆକ୍ରମଣ କରାଯାଇଛି । ଜିମ୍ରେ ପହଞ୍ଚିବା ବେଳେ ଜଣେ ଦୁର୍ବୃତ୍ତ ତାଙ୍କୁ ଛୁରା ମାଡ କରିଛି । ଏଥିରେ ସେ ଗୁରୁତର ହୋଇଛନ୍ତି । ତାଙ୍କ ଦେହରୁ ପ୍ରବଳ ରକ୍ତସ୍ରାବ ହୋଇଛି । ଶରୀରର ବିଭିନ୍ନ ସ୍ଥାନରେ ଆଘାତ ଲାଗିବା ସହ କ୍ଷତ ଚିହ୍ନ ରହିଛି । ତାଙ୍କ ମୁହଁରେ ବି ଆଘାତ ଲାଗିଛି । ସବୁଠାରୁ ବଡ଼ କଥା ହେଲା, ଅମନଙ୍କୁ ଆକ୍ରମଣର ପୁରା ଭିଡିଓ ଏବେ ସୋସିଆଲ ମିଡିଆ ରେ ଭାଇରାଲ ହେବାରେ ଲାଗିଛି ।
Also Read
ମିଳିଥିବା ସୁଚନା ଅନୁଯାୟୀ, ଅମନ କାଲିଫର୍ଣ୍ଣିଆର ଗ୍ରାଣ୍ଡ ଓକ୍ସରେ ଥିବା ପ୍ଲାନେଟ ଫିଟ୍ନେସ୍ ଜିମ୍ରେ ୱାର୍କ ଆଉଟ୍ ପାଇଁ ପହଞ୍ଚିବା ବେଳେ ତାଙ୍କୁ ଜଣେ ଦୁର୍ବୃତ୍ତ ଆକ୍ରମଣ କରିଥିଲା । ସେ ହାତରେ ଏକ ମାରଣାସ୍ତ୍ର ଧରିଥିଲା । ତେବେ କିଛି ସମୟ ଧରି ଅମନଙ୍କୁ ଆକ୍ରମଣ କରିବା ପରେ ଅଚାନକ ବାଜି ପଲଟିଯାଇଥିଲା । ଅମନ ସୁଯୋଗ ଦେଖି ଦୁର୍ବୃତ୍ତକୁ କାବୁ କରିନେଇଥିଲେ । ହେଲେ ତାପୂର୍ବରୁ ଅମନଙ୍କ ଶରୀର ଓ ମୁହଁରେ ଛୁରା ମାଡ଼ କରିସାରିଥିଲା ଦୁବୃର୍ତ୍ତ । ତେବେ ଅମନ ତାକୁ କାବୁ କରିବା ପରେ ପାଖରେ ଥିବା ଅନ୍ୟ ଲୋକମାନେ ମଧ୍ୟ ତାକୁ ଧରି ନେଇଥିଲେ । ଆଉ ସୌଭାଗ୍ୟବଶତଃ ଅମନଙ୍କର ବିଶେଷ କିଛି କ୍ଷତି ହୋଇନଥିଲା ।
Famous actor Aman Dhaliwal, who has worked in Punjabi and Hindi films, has been fatally attacked in America. The attack took place when he was exercising in the gym.
An assailant entered the gym armed with a knife and launched an attack. pic.twitter.com/4CgtTYJB3y— Parmeet Bidowali (@ParmeetBidowali) March 16, 2023
ଖବର ପାଇ ପୋଳିସ ଘଟଣାଳସ୍ଥଳରେ ପହଞ୍ଚି ଦୁର୍ବୃତ୍ତକୁ ଗିରଫ କରିଛି । ତେବେ ଏହି ଆକ୍ରମଣର କାରଣ ଏବେ ଯାଏଁ ଅସ୍ପଷ୍ଟ ରହିଛି । ଅନ୍ୟପଟେ ଅମନ ଏବେ ହସ୍ପିଟାଲରେ ଚିକିତ୍ସିତ ହେଉଛନ୍ତି । ତାଙ୍କ ଶରୀରର ବିଭିନ୍ନ ସ୍ଥାନରେ ସ୍ଟିଚ୍ ପଡ଼ିଛି । ସେ ଏବେ ବିପଦମୁକ୍ତ ଥିବା ଡାକ୍ତର କହିଛନ୍ତି । ଅମନ ପଞ୍ଜାବ ମାନ୍ସାର ସ୍ଥାୟୀ ବାସିନ୍ଦା । ମଡେଲିଂରୁ ସେ ନିଜର କ୍ୟାରିୟର ଆରମ୍ଭ କରିଥିଲେ । ଆରମ୍ଭରୁ ଅନେକ ପଞ୍ଜାବି ଆଲବମ୍ରେ ସେ କାମ କରିଛନ୍ତି ।
୨୦୦୭ରେ ସେ ଅଭିନୟ ଜଗତରେ ପାଦ ରଖିଥିଲେ । ସନି ଦେଓଲଙ୍କ ବିଗ୍-ବ୍ରଦର ଫିଲ୍ମରେ ଏକ ଛୋଟ ରୋଲ୍ରୁ ତାଙ୍କର ଅଭିନୟ କ୍ୟାରିୟର ଆରମ୍ଭ । ଖାଲି ସେତିକି ନୁହେଁ ଯୋଦ୍ଧା ଆକ୍ବରରେ ସେ ରାଜକୁମାର ରତନ ସିଂହ ଭୁମିକାରେ ନଜର ଆସିଥିଲେ ।
