LIVE TV
ଫିଲ୍ମରେ ଯେତେବେଳେ କୌଣସି ଅଭିନେତା, ନାରୀ ରୂପରେ ପରଦାକୁ ଆସନ୍ତି, ସେତେବେଳେ ଲୋକମାନେ ଖୁବ୍ ହସନ୍ତି । କିନ୍ତୁ ଆପଣ ଜାଣନ୍ତି କି, ଭାରତରେ ଏକ ସ୍ୱତନ୍ତ୍ର ପର୍ବ ରହିଛି ଯେଉଁଥିରେ ପୁରୁଷମାନେ ସତସତିକା ମହିଳାଙ୍କ ପରି ବେଶ ହୋଇଥାନ୍ତି । ସେତେବେଳେ ସେମାନଙ୍କୁ ଦେଖି କେହି ହସନ୍ତି ନାହିଁ କିମ୍ବା ପରିହାସ କରନ୍ତି ନାହିଁ । ଏହା ହେଉଛି ସେମାନଙ୍କର ଭଗବାନଙ୍କ ପ୍ରତି ଥିବା ବିଶ୍ୱାସ ତଥା ଆସ୍ଥାର ଏକ ନିଆରା ଦୃଶ୍ୟ । ଏଡାକୁ ଦେଖିବା ପାଇଁ ଲୋକେ ଦୂରଦୂରାନ୍ତୁ ଆସିଥାନ୍ତି । ଆମେ କହୁଛୁ କେରଳର ଚମୟାବିଲକ୍କୁ ପର୍ବ ବିଷୟରେ ।
Also Read
ଆଇଆରଏଏସ ଅଧିକାରୀ ଅନନ୍ତ ରୂପନାଗୁଡି ଟ୍ୱିଟର ରେ ଖୁବ୍ ସକ୍ରିୟ ଥାନ୍ତି । ନିକଟରେ ସେ ଏକ ଫଟୋ ଟୁଇଟ୍ କରିଛନ୍ତି, ଯେଉଁଥିରେ ଜଣେ ମହିଳା ଏକ ଶାଢ଼ି ପିନ୍ଧିଥିବାର ଦେଖାଯାଇଛି । ଫଟୋରେ ମହିଳା ଜଣକ ଖୁବ୍ ସୁନ୍ଦର ଦେଖାଯାଉଛନ୍ତି । କିନ୍ତୁ ଏହି ଚିତ୍ରର ସତ୍ୟତା ଆଉ କିଛି । ଚିତ୍ରରେ ଦେଖାଯାଇଥିବା ବ୍ୟକ୍ତି ଜଣେ ମହିଳା ନୁହଁନ୍ତି, ସେ ଜଣେ ପୁରୁଷ । ଫଟୋ ସେୟାର କରି ଅନନ୍ତ ଲେଖିଛନ୍ତି - କେରଳର କୋଲାମ ଜିଲ୍ଲାର କୋଟାମକୁଲକରା ଅଞ୍ଚଳରେ ଏକ ଦେବୀ ମନ୍ଦିର ଅଛି ଯେଉଁଠାରେ ଚମୟାବିଲକ୍କୁ ପର୍ବ ପାଳନ କରାଯାଏ । ଏହି ପର୍ବରେ ପୁରୁଷମାନେ ମହିଳାଙ୍କ ପରି ପୋଷାକ ପରିଧାନ କରିଥାନ୍ତି । ଏହି ଫଟୋଟି ସେହି ବ୍ୟକ୍ତିଙ୍କର, ଯିଏ ଏହି ଉତ୍ସବରେ ମହିଳା ବେଶ ଧରି ପ୍ରଥମ ପୁରସ୍କାର ପାଇଛନ୍ତି ।
The Devi Temple in Kottamkulakara in Kollam district in Kerala has a tradition called the Chamayavilakku festival.
This festival is celebrated by men who are dressed as women. The above picture is that of the man who won the first prize for the make up In the contest. #festival pic.twitter.com/ow6lAREahD— Ananth Rupanagudi (@Ananth_IRAS) March 27, 2023
ମହିଳାଙ୍କ ପରି ସଜ ହୁଅନ୍ତି ପୁରୁଷ
ଏକ ଜାତୀୟ ଗଣମାଧ୍ୟମର ରିପୋର୍ଟ ଏବଂ କେରଳ ଟୁରିଜିମ୍ ୱେବ୍ସାଇଟ୍ ଅନୁଯାୟୀ, ଏହି ପର୍ବକୁ ଆଲୋକର ପର୍ବ ଭାବରେ ବିବେଚନା କରାଯାଏ । ଏହାକୁ ମାଲାୟାଲମ୍ ମାସ ମିନମର ୧୦ମ ଏବଂ ୧୧ତମ ଦିନ ପାଳନ କରାଯାଏ । ଅର୍ଥାତ୍ ମାର୍ଚ୍ଚ ମାସର ଦ୍ୱିତୀୟାର୍ଦ୍ଧରେ ପାଳନ କରାଯାଏ । ଏହି ଦିନ ପୁରୁଷମାନେ ଅବିକଳ ମହିଳାଙ୍କ ପରି ସଜ ହୋଇଥାନ୍ତି । ଶାଢ଼ି ପିନ୍ଧି ମହିଳାଙ୍କ ଭଳି ସମ୍ପୂର୍ଣ୍ଣ ବେଶ ଧାରଣ କରିଥାନ୍ତି । ଏମିତିକି ଶାଢ଼ି ସହ ଗହଣା ବି ପନ୍ଧିଥାନ୍ତି । ଆଉ ମସାଲ କିମ୍ବା ଦୀପ ଧରି ବାହାରିଥାନ୍ତି । ଏହି ପର୍ବରେ ସମଲିଙ୍ଗୀ ବ୍ୟକ୍ତିମାନେ ମଧ୍ୟ ଭାଗ ନେଇଥାନ୍ତି । କାରଣ ଏହା ହିଁ ଏକମାତ୍ର ପର୍ବ ଯେଉଁ ପର୍ବରେ ସେମାନେ ନିଜର ମନ ମୁତାବକ ପରିଧାନ କରିଥାନ୍ତି ଏବଂ ବଞ୍ଚିବାକୁ ସୁଯୋଗ ପାଇଥାନ୍ତି ।
ଭାଇରାଲ ଫଟୋ
ଦୀପ ଧରି ବାହାରିଥିବା ପୁରୁଷମାନେ ମନ୍ଦିର ପରିକ୍ରମା କରନ୍ତି ଏବଂ ଭଗବାନଙ୍କ ଉପରେ ଥିବା ସେମାନଙ୍କର ଆସ୍ଥାକୁ ଦର୍ଶାଇଥାନ୍ତି । ବିଶ୍ୱାସ ରହିଛି ଯେ, ଏଭଳି କରିବା ଦ୍ୱାରା ଭଗବାନ ସନ୍ତୁଷ୍ଟ ହୁଅନ୍ତି । ସୋସିଆଲ ମିଡିଆ ରେ ସେୟାର ହୋଇଥିବା ଫଟୋ ଉପରେ ଲୋକମାନେ ଏବେ ସେମାନଙ୍କର ମତାମତ ଦେଉଛନ୍ତି । ଅନେକ ଲୋକଙ୍କର ବିଶ୍ୱାସ ହେଉନି ଯେ, ଫଟୋରେ ଥିବା ବ୍ୟକ୍ତି, ମହିଳା ନୁହଁନ୍ତି ବରଂ ଜଣେ ପୁରୁଷ । ଏକ ଭିଡିଓ ମଧ୍ୟ ଭାଇରାଲ ହେଉଛି ଯେଉଁଥିରେ ପୁରୁଷମାନେ ମହିଳାଙ୍କ ପରି ପୋଷାକ ପିନ୍ଧିଥିବାର ନଜର ଆସିଛନ୍ତି ।
Here is a video that's getting viral from this unique tradition pic.twitter.com/3qKHA7ggzk
— Arvind (@tweet_arvi) March 27, 2023
