LIVE TV
ସନ୍ତାନ ପାଇଁ ବାପା ମାଆ .. ସନ୍ତାନକୁ ନେଇ ବାପା ମାଆ .. ଛୁଆଟିଏ ପାଇବାକୁ ଯେତେ ଚେଷ୍ଟା, ଯେତେ ପୂଜାପାଠ । ଘରକୁ ଛୁଆଟିଏ ଆସିଲେ ଘର ପୁରି ଉଠେ । ତାର ଛୋଟ ଛୋଟ ବଦମାସୀରେ ପୁରା ପରିବାର ଖୁସିରେ ଗଦଗଦ ହୋଇଯାଏ । ସନ୍ତାନର ଉଜ୍ଜ୍ୱଳ ଭବିଷ୍ୟତ କାମନା କରି ପ୍ରଭୁଙ୍କ ପାଖରେ ନିତି ଦୀପ ଜାଳନ୍ତି ପିତାମାତା । ଆଉ ସେହି ସନ୍ତାନ ଯେବେ ଛାଡ଼ି ଚାଲିଯାଏ ।... ସେବେ ପୁରା ଦୁନିଆ ଅନ୍ଧାର ପାଲଟିଯାଏ ।
ବିବାହର ୧୭ ବର୍ଷ ପରେ ଖୁସି ଫେରିଥିଲା ଘରକୁ । କୁଳନନ୍ଦନକୁ ଦେଖି ସବୁ ଦୁଃଖ କଷ୍ଟ ଭୁଲି ଯାଉଥିଲେ । କିନ୍ତୁ କାଳର କରାଳ ନଜର ଯେମିତି ହସଖୁସିର ପରିବାର ଉପରେ ପଡ଼ିଗଲା । କୋଳକୁ ଆସିଥିବା ଦୁଇଟି କୁନି କୁନି ଛୁଆକୁ ଛଡ଼ାଇ ନେଲା ଦଇବ .. ପୂର୍ଣ୍ଣ କୋଳକୁ ଶୂନ୍ୟ କରି ଦେଇଗଲା ..
ସ୍କୁଲ ପିକନିକ ଯାଉଥିଲେ .. କିନ୍ତୁ ହ୍ରହ ଭିତରେ ଛକି ରହିଥିଲା ମୃତ୍ୟୁ । ହାର୍ନି ହ୍ରଦରେ ବୁଡ଼ିଯାଇଥିଲା ଡଙ୍ଗା । ଆଉ ଏହି ଡଙ୍ଗା ବୁଡ଼ିରେ ୧୭ ବର୍ଷ ପରେ ପାଇଥିବା ଛୁଆକୁ ହରାଇଥିଲେ ଦମ୍ପତ୍ତି । ପୁଣି ଗୋଟିଏ ନୁହେଁ, ଦୁଇ ଦୁଇଟି ଛୁଆକୁ ଛଡ଼ାଇନେଲା ଯମ। ଏହି ଡଙ୍ଗାବୁଡ଼ିରେ ଦୁଇ ଛୁଆଙ୍କ ଜୀବନ ଚାଲିଗଲା। ନିୟୁ ସନ୍ ରାଇଜ ସ୍କୁଲ ତରଫରୁ ପିକନିକର ଆୟୋଜନ କରାଯାଇଥିଲା । କିନ୍ତୁ ମଝି ହ୍ରଦରେ ଡଙ୍ଗା ବୁଡ଼ିଯିବାରୁ ବର୍ତ୍ତମାନ ପର୍ଯ୍ୟନ୍ତ ପ୍ରାୟ ୧୬ ଜଣଙ୍କର ମୃତ୍ୟୁ ହୋଇ ସାରିଛି ।
Also Read
ମୃତକଙ୍କ ମଧ୍ୟରେ ଉପରୋକ୍ତ ପରିବାର ଦୁଇଜଣ ପିଲା ଥିଲେ । ପୁଅଟି ଦ୍ୱିତୀୟରେ ପଢ଼ୁଥିବା ବେଳେ, ଝିଅ ତୃତୀୟ ଶ୍ରେଣୀର ଛାତ୍ରୀ ଥିଲା । ବାପା ଲଣ୍ତନରେ ରହୁଥିବା ବେଳେ ମାଆ ପରିବାର ସହ ଅଜୱା ରୋଡରେ ରହୁଥିଲେ । ବିଭିନ୍ନ ଜାଗାରେ ବହୁ ପୂଜାପାଠ କରିବା ପରେ କୋଳକୁ ଦୁଇଟି ଛୁଆ ଆସିଥିଲେ ବୋଲି କହିଛନ୍ତି ନିକଟ ସମ୍ପର୍କୀୟ । ପିଲାଙ୍କୁ ଉଦ୍ଧାର କରିବାର କିଛି ସମୟ ମଧ୍ୟରେ ଏକ ଘରୋଇ ଡାକ୍ତରଖାନାକୁ ନିଆ ଯାଇଥିଲା । ପରେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
VIDEO | Boat carrying students capsizes in a lake in Gujarat's Vadodara, casualties feared. More details awaited. pic.twitter.com/UbFFbqofjN
— Press Trust of India (@PTI_News) January 18, 2024
ଅନ୍ୟପଟେ ଦୁର୍ଘଟଣା ସ୍ଥଳକୁ ଗୁଜୁରାଟର ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଓ ବହୁ ବରିଷ୍ଠ ଅଧିକାରୀମାନେ ପରିଦର୍ଶନ କରିଛନ୍ତି । ଏହା ସହ ଡଙ୍ଗାଟି କାହିଁକି ଓ କେଉଁ ପରିସ୍ଥିତିରେ ବୁଡ଼ିଲେ ସେନେଇ ମଧ୍ୟ ରିପୋର୍ଟ ଦାଖଲ କରିବାକୁ ଜିଲ୍ଲା କଲେକ୍ଟରଙ୍କୁ ନିର୍ଦ୍ଦେଶ ଦେଇଛନ୍ତି ।
ବିଦ୍ୟାଳୟର ପ୍ରାୟ ୨୪ ରୁ ଅଧିକ ଛାତ୍ର ଓ ଚାରିଜଣ ଶିକ୍ଷକ ପିକନିକ କରିବାକୁ ଡଙ୍ଗାରେ ଯାଉଥିଲେ । ଡଙ୍ଗାରେ ଥିବା କେହି ମଧ୍ୟ ଲାଇଫ୍ ଜ୍ୟାକେଟ୍ ପିନ୍ଧିଥିଲେ କି ନାହିଁ ଜଣା ପଡ଼ନାହିଁ । ମୃତକଙ୍କୁ ୨ ଲକ୍ଷ ଓ ଆହତଙ୍କୁ ୫୦,୦୦୦ ଟଙ୍କା ଦେବାକୁ ଘୋଷଣା କରିଛନ୍ତି ପ୍ରଧାନମନ୍ତ୍ରୀ । ଅନ୍ୟପଟେ ଏପରି ଦୁଃଖଦ ଘଟଣାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶୋକ ପ୍ରକାଶ କରିଛନ୍ତି । ପରିବାର ବର୍ଗଙ୍କୁ ସମବେଦନା ଜଣାଇବା ସହ ଅମର ଆତ୍ମାର ସହଗତି କାମନା କରିଛନ୍ତି ରାଷ୍ଟ୍ରପତି ।
गुजरात के वडोदरा में नाव दुर्घटना में बच्चों और अध्यापकों की मृत्यु का समाचार अत्यंत दुखद है। मैं शोक संतप्त परिवारजनों के प्रति गहन संवेदना व्यक्त करती हूं और बचाव कार्य की सफलता की कामना करती हूं।
— President of India (@rashtrapatibhvn) January 18, 2024
