ଦିଦିଙ୍କୁ ବଡ଼ ଝଟକା, ଇସ୍ତଫା ଦେଲେ TMC ସାଂସଦ ଜୱାହାର ସରକାର

ପଶ୍ଚିମବଙ୍ଗ ଆରଜି କର ମେଡିକାଲରେ ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ମମତା ସରକାରକୁ ଝଟକା । ଏହି ଘଟଣାର ପ୍ରତିବାଦରେ ତୃଣମୂଳ କଂଗ୍ରେସ ସାଂସଦ ପଦରୁ ଇସ୍ତଫା ଦେଇଛନ୍ତି ଜୱାହାର ସରକାର । ଜୱାହାର ଟିଏମସିର ରାଜ୍ୟସଭା ସାଂସଦ ଥିଲେ । ଟ୍ରେନି ଡାକ୍ତରଙ୍କ ଦୁଷ୍କର୍ମ ଓ ହତ୍ୟା ଘଟଣାକୁ ନେଇ ପଶ୍ଚିମବଙ୍ଗ ସରକାରଙ୍କ ମନୋଭାବ ଉପରେ ସେ ସନ୍ଦେହ ପ୍ରକାଶ କରି ବିଷୋଦଗାର କରିଛନ୍ତି ।

#ଟିଏମସି_ସାଂସଦଙ୍କ_ଇସ୍ତଫା
ତୃଣମୂଳ କଂଗ୍ରେସ ସାଂସଦ ଜୱାହାର ସରକାରଙ୍କ ପଦରୁ ଇସ୍ତଫା । ଜୱାହାର ସରକାର ଟିଏମସିର ରାଜ୍ୟସଭା ସାଂସଦ । ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣା ପ୍ରତିବାଦରେ ଇସ୍ତଫା #OTVpic.twitter.com/EFlbPjbjXu

— ଓଟିଭି (@otvkhabar) September 8, 2024

ଟିଏମସି ସୁପ୍ରିମୋ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିକଟକୁ ପତ୍ର ଲେଖି ଇସ୍ତଫା ବିଷୟରେ ଅବଗତ କରିବା ସହ ରାଜନୀତିରୁ ମଧ୍ୟ ସନ୍ନ୍ୟାସ ନେବା କଥା ଉଲ୍ଲେଖ କରିଛନ୍ତି । ଦୁଷ୍କର୍ମ ଓ ହତ୍ୟା ଘଟଣା ପରେ ମମତା ବାନାର୍ଜୀ ସିଧାସଳଖ ଆନ୍ଦୋଳନକାରୀଙ୍କ ସହ ଆଲୋଚନା କରିବା ନେଇ ଆଶା କରାଯାଉଥିଲା । ହେଲେ ମମତା ଏପରି କରିନାହାନ୍ତି ବୋଲି କ୍ଷୋଭ ପ୍ରକାଶ କରିଛନ୍ତି ଜୱାହାର । ଦଳରେ କିଛି ଦୁର୍ନୀତିଗ୍ରସ୍ତ ଲୋକଙ୍କ ମନମୁଖୀ କାର୍ଯ୍ୟଶୈଳୀରେ ଲୋକେ ଅତିଷ୍ଠ ହୋଇଥିବା ମଧ୍ୟ ସେ ଚିଠିରେ ଉଲ୍ଲେଖ କରିଛନ୍ତି। ପଶ୍ଚିମବଙ୍ଗରେ ଚାଲିଥିବା ଆନ୍ଦୋଳ ଏଭଳି ଜନଆକ୍ରୋଶର ପ୍ରତିଫଳନ ବୋଲି ସେ ଦିଦିଙ୍କୁ ଲେଖିଛନ୍ତି ।

I am quitting as MP primarily because of WB government’s faulty handling of the most spontaneous public movement following the terrible rape-murder case at RG Kar Hospital.
Quitting politics— to be with the people in their struggle for justice.
My commitment to values unchanged pic.twitter.com/V98R06ziny

— Jawhar Sircar (@jawharsircar) September 8, 2024