LIVE TV
ଘରେ ଶୋଇଥିଲେ ବାପା ମା’ ଆଉ ୩ ପିଲା । ହଠାତ୍ ଲାଗିଗଲା ନିଆଁ । ଚାଲିଗଲା ୩ ପିଲାଙ୍କ ଜୀବନ । ଆଉ ଏବେ ହସ୍ପିଟାଲରେ ମୃତ୍ୟୁ ସହ ସଂଗ୍ରାମ କରୁଛନ୍ତି ବାପା ମା’ । ଏପରି ଏକ ଦୁଃଖଦ ଘଟଣା ଗତ ଶନିବାର ଦିନ ବିଳମ୍ବିତ ରାତିରେ ଘଟିଛି । ନିଆଁରେ ପୋଡ଼ିହୋଇ ଗୋଟିଏ ଗରିବ ପରିବାର ପାଉଁଶ ହୋଇଯାଇଛି ।
ସୂଚନା ଅନୁସାରେ ୩୦ ବର୍ଷୀୟ ସକିଲ ଜଣେ ଗରିବ ହୋଇଥିବାରୁ ସେ ତାଙ୍କ ପତ୍ନୀ ଓ ୩ ପିଲାଙ୍କୁ ଧରି ଏକ କୁଡ଼ିଆରେ ରହିଆସୁଥିଲେ । ଏହି ନିକଟରେ ସକିଲଙ୍କୁ ପ୍ରଧାନମନ୍ତ୍ରୀ ଆୱାସ ଯୋଜନାରେ ଏକ ଘର ମଧ୍ୟ ମିଳିଥିଲା । ଘର କାମ ଶେଷ ହୋଇନଥିବାରୁ ସେମାନେ କୁଡ଼ିଆରେ ରହୁଥିଲେ । ସବୁଦିନ ପରି ଶନିବାର ଦିନ ରାତିରେ ଖାଇସାରିବା ପରେ ଶୋଇବାକୁ ଯାଇଥିଲେ । ହେଲେ ଶୋଇଥିବା ବେଳେ ହଠାତ୍ କୌଣସି କାରଣରୁ କୁଡ଼ିଆରେ ନିଆଁ ଲାଗିଯାଇଥିଲା ।
Also Read
କେହି କିଛି ଜାଣିବା ପୂର୍ବରୁ ସବୁ କିଛି ଶେଷ ହୋଇଯାଇଥିଲା । ନିଆଁରେ ପୋଡ଼ି ହୋଇ ୨ ଜଣ ଶିଶୁଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା । ଚାରି ବର୍ଷର ପୁଅ ଅନିଶ ଓ ଏକ ବର୍ଷର ଝିଅ ରେଶମାର ଘଟଣାସ୍ଥଳରେ ଜୀବନ ଚାଲିଯାଇଥିଲା । ଆଉ ଅନ୍ୟ ଦୁଇ ଜଣ ଶିଶୁ ଏବଂ ସକିଲ ଓ ତାଙ୍କ ପତ୍ନୀ ନିଆଁର ଯନ୍ତ୍ରଣାରେ ଛଟପଟହୋଇ ଚିତ୍କାର କରୁଥିଲେ ।
ଘଟଣା ସମ୍ପର୍କରେ ଜାଣିବା ପରେ ସ୍ଥାନୀୟ ଲୋକ ଉଦ୍ଧାରକରି ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ମଧ୍ୟ ଅନ୍ୟ ଜଣେ ଶିଶୁ ଆଖିବୁଜିଥିଲା । ହେଲେ ଏବେ ବି ଉଭୟ ବାପା-ମା’ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି । ଏପରି ଏକ ଘଟଣା ଉତ୍ତରପ୍ରଦେଶର ଫିରୋଜାବାଦରୁ ଆସିଛି । ବନଜାରା ଗ୍ରାମରେ ରହୁଥିବା ଏହି ପରିବାର ନିଆଁର ଆଁରେ ଛାରଖାର ହୋଇଯାଇଛି । ଏନେଇ ସୂଚନା ପାଇବା ପରେ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ପୋଲିସ । କିପରି ଏହି ଅଗ୍ନିକଣ୍ଡ ଘଟିଲା ସେନେଇ ତଦନ୍ତ ଚଳାଉଛି ।
