ଏବେ ବି ଯାଇନି ଭୟ ! ସ୍କୁଲ ଖୋଲିଲା କିନ୍ତୁ ପିଲାଙ୍କୁ ଛାଡ଼ିଲେନି ବାପା-ମାଆ

ଦେଶରେ କରୋନା ମହାମାରୀର ପ୍ରକୋପ ଧିରେ ଧିରେ କମିବାରେ ଲାଗିଛି । ଏହାକୁ ଦୃଷ୍ଟିରେ ରଖି ବିଭିନ୍ନ ରାଜ୍ୟରେ ସ୍କୁଲ ଖୋଲିଥିବା ନେଇ ଜଣାପଡ଼ିଛି । ତେଲେଙ୍ଗାନାରେ ମଧ୍ୟ ଆଜିଠାରୁ ସ୍କୁଲ ଖୋଲିଛି । କରୋନାର ଦ୍ୱିତୀୟ ଲହର ଆରମ୍ଭରୁ ବନ୍ଦ ରହିଥିବା ସ୍କୁଲକୁ ରାଜ୍ୟ ସରକାର ଖୋଲିବା ଲାଗି କିଛିଦିନ ପୂର୍ବରୁ ନିଷ୍ପତ୍ତି ନେଇଥିଲେ । ଏହାସହ କୋଭିଡ୍ ପ୍ରୋଟୋକଲ୍‌ ଅନୁସାରେ ଆଜିଠାରୁ ସ୍କୁଲଗୁଡ଼ିକ ଖୋଲିଛି । ଖୋଲିବା ପୂର୍ବରୁ ସ୍କୁଲ ଗୁଡ଼ିକୁ ସାନିଟାଇଜ କରାଯାଇଥିଲା ।

ସେପଟେ ରାଜ୍ୟ ସରକାରଙ୍କ ଅନୁମତି ସତ୍ତ୍ୱେ ଅନେକ ସ୍କୁଲ ଖୋଲିନଥିବା ଦେଖିବାକୁ ମିଳିଛି । ପିଲା ଓ ଅଭିଭାବକଙ୍କ ମଧ୍ୟରେ ତୃତୀୟ ଲହରକୁ ନେଇ ଆଶଙ୍କା ଥିବାରୁ ସ୍କୁଲ ଖୋଲିନଥିବା ଦେଖିବାକୁ ମିଳିଛି । ତେବେ ଏନେଇ ସ୍କୁଲ କର୍ତ୍ତୃପକ୍ଷ ଅଭିଭାବକଙ୍କ ସହ ଆଲୋଚନା କରି ନିଷ୍ପତ୍ତି ନେବେ ବୋଲି କୁହାଯାଇଛି ।

Also Read

ପଞ୍ଜାବରେ କଂଗ୍ରେସ ସ୍ଥିତି ବିଗୁଡ଼ୁଛି, ବୁଲି ବୁଲି ଅସନ୍ତୁଷ୍ଟଙ୍କୁ ମନାଉଛନ୍ତି ପ୍ରଭାରୀ

ବ୍ୟାଙ୍କ ଆଗରେ ଆଫଗାନବାସୀଙ୍କ ଲମ୍ବା ଧାଡ଼ି, ସେପଟେ ଆଶା ଆଶଙ୍କାରେ ମହିଳା

ବର୍ଷାରେ ବେହାଲ ଦିଲ୍ଲୀ; ୧୯ ବର୍ଷର ରେକର୍ଡ ଭାଙ୍ଗିଲା, ଆହୁରି ବର୍ଷିବ !

ମଧ୍ୟପ୍ରଦେଶର ଭୋପାଳରେ ଆଜିଠାରୁ ଷଷ୍ଠରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଖୋଲିଛି । କୋଭିଡ୍ ଗାଇଡଲାଇନ ଭିତରେ ୫୦ ପ୍ରତିଶତ ପିଲାଙ୍କ ଉପସ୍ଥାନରେ ସ୍କୁଲ ଗୁଡ଼ିକ ଖୋଲିଛି । ସ୍କୁଲ ଖୋଲିବା ନେଇ ରାଜ୍ୟ ସରକାରଙ୍କ ପକ୍ଷରୁ ଏସ୍ଓପି ଜାରି କରାଯାଇଛି । ସ୍କୁଲ ଖୋଲିବା ପୂର୍ବରୁ କ୍ୟାମ୍ପସକୁ ସାନିଟାଇଜ୍ କରାଯାଇଛି । 

ପିଲାମାନଙ୍କ ପାଇଁ ସ୍କୁଲ ଗେଟ୍ ପାଖରେ ସାନିଟାଇଜର ରଖାଯାଇଛି । ଏହାସହ ଶ୍ରେଣୀଗୃହରେ ସାମାଜିକ ଦୂରତା ଓ ମାସ୍କ ପିନ୍ଧାକୁ ବାଧ୍ୟତାମୂଳକ କରାଯାଇଛି । ଦୀର୍ଘଦିନ ପରେ ସ୍କୁଲ ଖୋଲୁଥିବାରୁ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀମାନେ ଖୁସି ଥିଲେ । ତେବେ ରାଜ୍ୟ ସରକାରଙ୍କ ଏସଓପି ପାଳନ କରି ସ୍କୁଲ ଖୋଲିଥିବା ଶିକ୍ଷୟିତ୍ରୀ କହିଛନ୍ତି । 

ସେହିପରି ରାଜସ୍ଥାନରେ ମଧ୍ୟ ଆଜିଠାରୁ ସ୍କୁଲ ଖୋଲିଛି । କରୋନାର ଦ୍ୱିତୀୟ ଲହର ପାଇଁ ବନ୍ଦ ଥିବା ସ୍କୁଲ ଆଜି ନବମରୁ ଦ୍ୱାଦଶ ଶ୍ରେଣୀ ପିଲାଙ୍କ ପାଇଁ ଖୋଲିଛି । କୋଭିଡ୍ କଟକଣା ମାନି ସ୍କୁଲ ଖୋଲାଯାଇଥିବା କୁହାଯାଇଛି । ତେବେ ଦୀର୍ଘଦିନ ପରେ ସ୍କୁଲ ଖୋଲିଥିବାରୁ ଖୁସି ଲାଗୁଥିବା ଛାତ୍ରଛାତ୍ରୀ କହିଛନ୍ତି ।

Also Read

କଇଁଛ କାହିଁକି ବଞ୍ଚେ ଦୀର୍ଘ ସମୟ

ଆଫ୍‌ଗାନିସ୍ତାନ ଆସୁଛନ୍ତି ୧୫ ହଜାର ପାକିସ୍ତାନୀ ଆତଙ୍କବାଦୀ, ୨୩ ଜୁଲାଇରେ ବାଇଡେନ୍‌ଙ୍କୁ କହିଥିଲେ ଘନି

ଫେସବୁକ୍‌ରୁ ପ୍ରେମ ପରେ ଯୁବତୀଙ୍କ ଠାରୁ ଅଢ଼େଇ ଲକ୍ଷ ଟଙ୍କା ଲୁଟିନେଲେ ପ୍ରେମିକ

ସେହିଭଳି ତାମିଲନାଡୁରେ ମଧ୍ୟ ଆଜିଠାରୁ ନବମରୁ ଦ୍ୱାଦଶ ଶ୍ରେଣୀ ଯାଏ ପାଠପଢ଼ା ଆରମ୍ଭ ହୋଇଛି । ପିଲାମାନେ ସ୍କୁଲରେ ପହଞ୍ଚି ହାତ ଧୋଇବା ସହ ସାନିଟାଇଜର ଲଗାଇଥିଲେ । ଏହାସହ ଶ୍ରେଣୀଗୃହରେ ପିଲାଙ୍କ ମଧ୍ୟରେ ସାମାଜିକ ଦୂରତା ରଖାଯାଇଥିବା ଦେଖିବାକୁ ମିଳିଛି ।

ଉତ୍ତରପ୍ରଦେଶରେ ମଧ୍ୟ ଆଜିଠାରୁ ସ୍କୁଲ ଖୋଲିଛି । ରାଜ୍ୟର ସମସ୍ତ ଅଞ୍ଚଳରେ ପ୍ରଥମରୁ ପଞ୍ଚମ ଯାଏ ସ୍କୁଲ ଖୋଲିଛି । ତେବେ ସ୍କୁଲ ଖୋଲିବା ପୂର୍ବରୁ କୋଭିଡ୍ ଗାଇଡଲାଇନକୁ ପ୍ରାଥମିକତା ଦିଆଯାଇଛି । ପିଲାମାନେ ଆସିବା ପୂର୍ବରୁ ସ୍କୁଲକୁ ସାନିଟାଇଜ୍ କରାଯାଇଥିଲା । ଏହାସହ ଗେଟ୍ ପାଖରେ ପିଲାଙ୍କ ପାଇଁ ସାନିଟାଇଜର ମଧ୍ୟ ରଖାଯାଇଥିଲା ।