ଟିଏମ୍‌ସିରେ ଲିଆଣ୍ଡର ପେସ୍‌-ନଫିସା ଅଲ୍ଲୀ, ଏଥର ଗୋଆରେ ଦମ୍‌ ଦେଖାଇବେ ଦିଦି

ଟିଏମ୍‌ସିରେ ଯୋଗଦେଲେ ଭେଟେରାନ୍‌ ଟେନିସ ଖେଳାଳି ଲିଆଣ୍ଡର ପେସ୍ । ଅଭିନେତ୍ରୀ ନଫିସା ଅଲ୍ଲୀ, ସାମାଜିକ କର୍ମୀ ମୃଣାଲିନୀ ଦେଶପ୍ରଭୁଙ୍କ ପରେ ଲିଆଣ୍ଡର ପେସ୍ ଟିଏମ୍‌ସିରେ ଯୋଗଦେଇଛନ୍ତି । ଗୋଆରେ ଆୟୋଜିତ ଏକ କାର୍ଯ୍ୟକ୍ରମରେ ଟିଏମ୍‌ସି ମୁଖ୍ୟ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପସ୍ଥିତିରେ ଲିଆଣ୍ଡର ତୃଣମୂଳ କଂଗ୍ରେସରେ ଯୋଗ ଦେଇଛନ୍ତ । ୨୦୨୨ରେ ଗୋଆରେ ବିଧାନସଭା ନିର୍ବାଚନ ହେବାକୁ ଅଛି । ଟେନିସରୁ ଅବସର ପରେ ଏବେ ଜନତାଙ୍କ ସେବା କରିବାକୁ ଇଚ୍ଛା ପ୍ରକାଶ କରିଥିବା କହିଛନ୍ତି ଟେନିସ ଷ୍ଟାର ଲିଆଣ୍ଡର ପେସ୍ ।

Also Read

ମମିତା ହତ୍ୟା ମାମଲାର ୨୧ ଦିନ ପରେ ମନ୍ତ୍ରୀଙ୍କ ନିଦ ଭାଙ୍ଗିଲା, କହିଲେ କଲେଜକୁ ଯିବା କିଛି ଭୁଲ ନୁହେଁ

ଓଟିଭି ନାଁରେ ମାନହାନୀ ମାମଲା ରୁଜୁ କଲେ ମନ୍ତ୍ରୀ ଦିବ୍ୟଶଙ୍କର ମିଶ୍ର: କହିଲେ....

ମୁମ୍ବାଇ ଡ୍ରଗ୍ସ ମାମଲା: ରାଉରକେଲାର ମନୀଷ କହିଲେ ସେଦିନର ପୂରା ଘଟଣା..

ଅନ୍ୟପଟେ ଅଭିନେତ୍ରୀ ନଫୀସା ଅଲ୍ଲୀ ମଧ୍ୟ ଟିଏମ୍‌ସିରେ ସାମିଲ ହୋଇଛନ୍ତି । ଗୋଆରେ ଟିଏମ୍‌ସି ମୁଖ୍ୟ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପସ୍ଥିତିରେ ସେ ଏହି ଦଳରେ ମିଶିଛନ୍ତି । ମମତା ବାନାର୍ଜୀ ଗୁରୁବାର ସନ୍ଧ୍ୟାରେ ଗୋଆରେ ପହଞ୍ଚିଥିଲେ । ସେ ପ୍ରଥମ ଥର ପାଇଁ ଗୋଆ ଆସିଛନ୍ତି । ବିଜେପି ଶାସିତ ଏହି ରାଜ୍ୟର ରାଜନୀତିକ ସ୍ଥିତି ପରଖିବା ପାଇଁ ସେ ଏଠାକୁ ଆସିଥିବା ଜଣାପଡ଼ିଛି ।

ସନ୍ଧ୍ୟାରେ ସେ ଗୋଆରେ ବସବାସ କରୁଥିବା ବିଭିନ୍ନ ସଂପ୍ରଦାୟର ଲୋକଙ୍କୁ ଭେଟିବାର କାର୍ଯ୍ୟକ୍ରମ ଥିଲା ବୋଲି ଜଣେ ବରିଷ୍ଠ ଟିଏମ୍‌ସି ନେତା କହିଛନ୍ତି । ଶନିବାର ସେ ଏକ ସାମ୍ବାଦିକ ସମ୍ମିଳନୀ କରିବେ । ଏହା ସହିତ ରାଜଧାନୀ ପାଣାଜୀ ଠାରୁ ୯ କିଲୋମିଟର ଦୂର ମାପୁସା ବଜାରରେ ସେ ପନିପରିବା ଓ ଫୁଲ ଦୋକାନୀମାନଙ୍କୁ ଭେଟିବାର କାର୍ଯ୍ୟକ୍ରମ ରହିଛି ।

ତିନି ଦିନିଆ ଗସ୍ତରେ ଗୋଆ ଆସିଥିବା ମମତା ଦାବୋଲିମ୍ ବିମାନବନ୍ଦରରେ ସନ୍ଧ୍ୟା ପ୍ରାୟ ସାଢ଼େ ୫ଟାରେ ପହଞ୍ଚିଥିଲେ। ସେଠାରେ ତାଙ୍କୁ ତୃଣମୂଳ କଂଗ୍ରେସ ସାଂସଦ ଡେରେକ ଓ’ବ୍ରାଇନ୍‌ ଓ ସ୍ଥାନୀୟ ନେତା ମାନେ ସ୍ୱାଗତ କରିଥିଲେ ।