ଲ୍ୟାଣ୍ଡମାଇନ୍‌ ଉପରେ ପଡ଼ିଗଲା ଯବାନଙ୍କ ପାଦ; ଜଣେ ଯବାନ ସହିଦ, ୨ ଗୁରୁତର

ପୁଣି ଲ୍ୟାଣ୍ଡମାଇନ୍‌ ବିସ୍ଫୋରଣରେ ଯବାନ ସହିଦ । ଅସାବଧାନତା ଆରଣରୁ ଲ୍ୟାଣ୍ଡମାଇନ୍‌ ବିସ୍ଫୋରଣ ଘଟି ଜଣେ ଯବାନ ସହିଦ ହୋଇଛନ୍ତି । ଅନ୍ୟ ଦୁଇ ଜଣ ଯବାନ ଗୁରତର ହୋଇଥିବା ମଧ୍ୟ ସୂଚନା ମିଳିଛି । ଜମ୍ମୁ-କାଶ୍ମୀରରେ ଏହି ଅଘଟଣ ଘଟିଥିବାବେଳେ ସୀମାରେ ଯାବନ ମାନେ ନିଜର ଡ୍ୟୁଟି କରୁଥିଲେ ।

ସୀମା ସୁରକ୍ଷା କାର୍ଯ୍ୟ କରୁଥିବା ସମୟରେ ଜଣେ ଯବାନଙ୍କ ପାଦ ଲ୍ୟାଣ୍ଡମାଇନ୍‌ ଉପରେ ପଡ଼ିଯାଇଥିଲା । ଫଳରେ ସେଠାରେ ଲ୍ୟାଣ୍ଡମାଇନ୍‌ଟି ବିସ୍ଫୋରଣ ହୋଇଥିଲା । ଜାମ୍ମୁ କାଶ୍ମୀରର ଲାଇନ୍ ଅଫ୍ କଣ୍ଟ୍ରୋଲ୍ ନିକଟ ନୋଶେରା ଠାରେ ଏହି ଘଟଣା ଘଟିଛି । ରିପୋର୍ଟ ଅନୁଯାୟୀ ଏହି ବିସ୍ଫୋରଣରେ ଅନ୍ୟ ଦୁଇଜଣ ଯବାନ ମଧ୍ୟ ଗୁରୁତର ହୋଇଛନ୍ତି ।

ଦୁଇ ଗୁରୁତର ଯବାନଙ୍କୁ ମେଡିକାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ତେବେ ସୂଚନା ଅନୁସାରେ ଯବାନମାନେ ପାଟ୍ରୋଲିଂ କରୁଥିବା ସମୟରେ ଏହି ଅଘଟଣ ଘଟିଛି । ସହିଦ ହୋଇଥିବା ଯବାନଙ୍କ ସମ୍ପର୍କରେ ସେନା ପକ୍ଷରୁ ସୂଚନା ଦିଆଯାଇନାହିଁ । ଆହତ ହୋଇଥିବା ଦୁଇ ଜଣ ଯବାନଙ୍କ ନାଁ ମଧ୍ୟ ଜଣାପଡ଼ିନାହିଁ ।