Heavy Rain Lashes Delhi: ଲଗାଣ ବର୍ଷାରେ ଉବୁଟୁବୁ ଦିଲ୍ଲୀ: ବୁଡ଼ିଲା ରାସ୍ତାଘାଟ, ପବନ ପାଇଁ ଶତାଧିକ ଫ୍ଲାଇଟ୍ ବାତିଲ

ପ୍ରବଳ ବର୍ଷାରେ ବେହାଲ ରାଜଧାନୀ ଦିଲ୍ଲୀ । ଲଗାଣ ବର୍ଷା ଫଳରେ ରାସ୍ତାଘାଟରେ ଆଣ୍ଠୁଏ ଲେଖାଏଁ ପାଣି ଜମିଛି । ଫଳରେ ଯାନବାହନ ଯିବା ଆସିବା କରିବାରେ ଅନେକ ସମସ୍ୟା ଉପୁଜୁଛି । ଆଜି ସକାଳୁ ମଧ୍ୟ ଦିଲ୍ଲୀ ଏନସିଆର, ନୋଏଡା ସମେତ ଆଖପାଖ ଅଞ୍ଚଳରେ ପ୍ରବଳ ବର୍ଷା ସହ ପ୍ରବଳ ବେଗରେ ପବନ ବହିଥିବା ଦେଖିବାକୁ ମିଳିଛି । ସଫଦରଗଞ୍ଜରେ ୮୧ ମିଲିମିଟର ବର୍ଷା ରେକର୍ଡ କରାଯାଇଛି । 

ସେପଟେ ପାଗ ଅନୁକୂଳ ନଥିବାରୁ ଦିଲ୍ଲୀ ସ୍ଥିତ ଇନ୍ଦିରାଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରୁ ୧୦୦ରୁ ଅଧିକ ବିମାନ ଉଡାଣ ବାତିଲ ହୋଇଛି । ଶନିବାର ରାତି ୧୧ଟା ୩୦ରୁ ଅପରାହ୍ନ ୪ଟା ମଧ୍ୟରେ ପାଖାପାଖି ୪୯ଟି ବିମାନର ଗତିପଥରେ ପରିବର୍ତ୍ତନ କରାଯାଇଥିଲା । ପାଣିପାଗ ବିଭାଗ (IMD) ପକ୍ଷରୁ ମିଳିଥିବା ସୂଚନା ଅନୁସାରେ, ସଫଦରଗଞ୍ଜରେ ମଧ୍ୟରାତ୍ରିରେ ଘଣ୍ଟା ପ୍ରତି ୮୨କିଲୋମିଟର ବେଗରେ ପବନ ବହିଥିବା ରେକର୍ଡ ହୋଇଛି । 

ଅଧିକ ପଢନ୍ତୁ : ଦାନା ବାନ୍ଧୁଛି ଲଘୁଚାପ; ୩୦ ପର୍ଯ୍ୟନ୍ତ ପ୍ରବଳ ଛେଚିବ