LIVE TV
ଦେଶର ନୂଆ ମୁଖ୍ୟ ନିର୍ବାଚନ କମିଶନର ହେଲେ ରାଜୀବ କୁମାର । ଆସନ୍ତା ୧୫ ତାରିଖରେ ମୁଖ୍ୟ ନିର୍ବାଚନ କମିଶନର ଭାବେ ଦାୟିତ୍ୱ ଗ୍ରହଣ କରିବେ । ବର୍ତ୍ତମାନ ମୁଖ୍ୟ ର୍ନିବାଚନ କମିଶନର ଭାବେ କାର୍ଯ୍ୟ କରୁଥିବା ସୁଶୀଲ ଚନ୍ଦ୍ରାଙ୍କ କାର୍ଯ୍ୟକାଳ ୧୪ ତାରିଖରେ ଶେଷ ହେବ । ଏହାପରେ ରାଜୀବ କୁମାରଙ୍କ କାର୍ଯ୍ୟକାଳ ୧୫ ତାରିଖରୁ ଆରମ୍ଭ ହେବ । ଏନେଇ ଆଜି କେନ୍ଦ୍ର ଆଇନମନ୍ତ୍ରୀ କିରଣ ରିଜିଜୁ ସୂଚନା ଦେଇଛନ୍ତି ।
Also Read
In pursuance of clause (2) of article 324 of the Constitution, the President is pleased to appoint Shri Rajiv Kumar as the Chief Election Commissioner with effect from the 15th May, 2022.
My best wishes to Shri Rajiv Kumar pic.twitter.com/QnFLRLiVPm— Kiren Rijiju (@KirenRijiju) May 12, 2022
୨୦୨୦ ମସିହା ସେପ୍ଟେମ୍ବର ୧ରେ ରାଜୀବ କୁମାର ଦେଶର ନିର୍ବାଚନ କମିଶନର ଭାବେ ଦାୟିତ୍ୱ ଗ୍ରହଣ କରିଥିଲେ । ନିର୍ବାଚନ କମିଶନର ହେବା ପୂର୍ବରୁ ସେ ୨୦୨୦ ଏପ୍ରିଲରେ ପବ୍ଲିକ ଇଣ୍ଟରପ୍ରାଇଜେସ ସିଲେକସନ ବୋର୍ଡର ଅଧ୍ୟକ୍ଷ ହୋଇଥିଲେ । ୧୯୮୪ ବ୍ୟାଚ୍ ଆଇଏଏସ୍ ଅଫିସର ରାଜୀବ କୁମାର ବିହାର କ୍ୟାଡରର । ସେ ୨୦୨୦ ଫେବୃଆରୀ ମାସରେ ଆଇଏଏସ୍ ଚାକିରିରୁ ଅବସର ନେଇଥିଲେ ।
୧୯୬୦ ମସିହା ଫେବୃଆରୀ ୧୯ରେ ଜନ୍ମ ଗ୍ରହଣ କରିଥିବା ରାଜୀବ କୁମାର ବିଏସ୍ସି, ଏଲଏଲବି, ପିଜିଡିଏମ ଓ ପବ୍ଲିକ ପଲିସିରେ ମାଷ୍ଟର ଡିଗ୍ରୀ ହାସଲ କରିଛନ୍ତି। ସେ ଦୀର୍ଘ ୩୭ ବର୍ଷ ହେଲା ବିଭିନ୍ନ ମନ୍ତ୍ରଣାଳୟରେ କାମ କରିବାର ଅଭିଜ୍ଞତା ରହିଛି।
