କଂଗ୍ରେସ ନେତା ରାହୁଲ ଗାନ୍ଧିଙ୍କ ସଂପତ୍ତିର ମୂଲ୍ୟ କେତେ ? ଜାଣନ୍ତୁ...

କଂଗ୍ରେସ ନେତା ରାହୁଲ ଗାନ୍ଧିଙ୍କ ପାଖରେ ଅଛି ୨୦ କୋଟିର ସଂପତ୍ତି । କେରଳ ୱାଏନାଡ ଆସନ ପାଇଁ ପ୍ରାର୍ଥିପତ୍ର ଦାଖଲ ବେଳେ ଦେଇଥିବା ସତ୍ୟପାଠରେ ଏହି ତଥ୍ୟ ଉଲ୍ଲେଖ କରିଛନ୍ତି ରାହୁଲ । ଏହା ସହ ନିଜ ସମ୍ପତ୍ତି ତାଲିକାରେ ସେ ନଗଦ ୫୫ ହଜାର ଟଙ୍କା ପାଖରେ ରଖିଥିବା ଉଲ୍ଲେଖ କରିଛନ୍ତି । ତେବେ ମୋଟ୍ ସମ୍ପତ୍ତିର ପରିମାଣ ୨୦ କୋଟି ବୋଲି ସତ୍ୟପାଠରେ ଦର୍ଶାଇଛନ୍ତି ରାହୁଲ । 

ରାହୁଲଙ୍କ ବ୍ୟାଙ୍କରେ ୨୬ ଲକ୍ଷ ୨୫ ହଜାର ଟଙ୍କା ଜମା ଥିବା ବେଳେ ୪ କୋଟି ୩୩ ଲକ୍ଷର ବଣ୍ଡ, ମ୍ୟୁଚୁଆଲ୍ ଫଣ୍ଡରେ ୩ କୋଟି ୮୧ ଲକ୍ଷ ଟଙ୍କାର ନିବେଶ, ୧୫ ଲକ୍ଷ ୨୧ ହଜାର ଟଙ୍କାର ଗୋଲ୍ଡ ବଣ୍ଡ, ୪ ଲକ୍ଷ ୨୦ ହଜାର ଟଙ୍କାର ସୁନା ଅଳଙ୍କାର, ଦିଲ୍ଲୀର ମେହରୁଲରେ ଚାଷ ଜମି, ଗୁରଗ୍ରାମରେ ୯ କୋଟି ଟଙ୍କାର ଏକ ଅଫିସ ପ୍ରପର୍ଟି ରହିଥିବା ରାହୁଲ ପ୍ରାର୍ଥିପତ୍ର ଦାଖଲ ବେଳେ ସତ୍ୟପାଠରେ ଦର୍ଶାଇଛନ୍ତି । 

ଅଧିକ ପଢ଼ନ୍ତୁ: ନିର୍ବାଚନ ପୂର୍ବରୁ କଂଗ୍ରେସର ହାତ ବନ୍ଦ; ରାହୁଲ କହିଲେ, ଫ୍ଲାଇଟ୍‌ ଛାଡ଼ନ୍ତୁ, ଟ୍ରେନ୍‌ରେ ଯିବାକୁ ବି ଟଙ୍କା ନାହିଁ

ତେବେ ନିଜ ନାଁରେ ଘର କି ଗାଡ଼ି ନଥିବା ଦର୍ଶାଇଛନ୍ତି । ଏହା ସହ ତାଙ୍କ ବିରୋଧରେ ପୋକ୍ସୋ ଆକ୍ଟରେ ଏକ ମାମଲା ଚାଲୁଥିବା ମଧ୍ୟ ସୂଚନା ଦେଇଛନ୍ତି । ସୋସିଆଲ ମିଡିଆରେ ଜଣେ ଦୁଷ୍କର୍ମ ପୀଡ଼ିତାଙ୍କ ପରିଚୟ ପ୍ରଘଟ କରିଥିବା ଅଭିଯୋଗରେ ଏହି ମାମଲା ରୁଜୁ ହୋଇଛି ।