ମୋଦି ବିଶ୍ୱର ପ୍ରଥମ ନେତା, ଯାହାଙ୍କର ୨୦ ମିଲିଅନ୍‌ ସବ୍‌ସ୍କ୍ରାଇବର

ସାରା ବିଶ୍ୱରେ ପୁଣି ଥରେ ମୋଦୀ ମାନିଆ । ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଶ୍ୱର ପ୍ରଥମ ନେତା, ଯାହାଙ୍କର ଅଫିସିଆଲ୍ ୟୁଟ୍ୟୁବ୍ ଚ୍ୟାନେଲରେ ଦୁଇ କୋଟି ସବ୍‌ସ୍କ୍ରାଇବର ଯୋଡ଼ି ହୋଇଛନ୍ତି । ଦୁଇ କୋଟି ସବ୍‌ସ୍କ୍ରାଇବର ପାଇବାରେ ମୋଦୀ ବିଶ୍ୱର ଏକମାତ୍ର ନେତା । ଭାରତର ତଥା ବିଶ୍ୱର ଅନେକ ନେତା ତଥା ସେଲିବ୍ରିଟିଙ୍କଠାରୁ ମଧ୍ୟ ସେ ଖୁବ୍‌ ଆଗରେ ରହିଛନ୍ତି ।

Narendra Modi

ଅନ୍ୟପଟେ ଏହି ତାଲିକାର ଦ୍ୱିତୀୟରେ ଅଛନ୍ତି ବ୍ରାଜିଲର ପୂର୍ବ ରାଷ୍ଟ୍ରପତି ଜାୟର ବୋଲ୍ସନୋରା । ଯାହାଙ୍କର ମାତ୍ର ୬୪ ଲକ୍ଷ ସବ୍‌ସ୍କ୍ରାଇବର ରହିଛନ୍ତି । ଏହି ସଂଖ୍ୟା ନରେନ୍ଦ୍ର ମୋଦୀଙ୍କ ୟୁଟ୍ୟୁବ ଚ୍ୟାନେଲର ଏକ ତୃତୀୟାଂଶରୁ ବି କମ୍।

⚡️Indian Prime Minister Narendra Modi becomes the first and only world leader to achieve the distinction of having 2 crore subscribers on his personal YouTube channel. pic.twitter.com/RBDtE3b0qC

— Megh Updates 🚨™ (@MeghUpdates) December 26, 2023

ବିଭିନ୍ନ ବିଷୟବସ୍ତୁକୁ ନେଇ ନରେନ୍ଦ୍ର ମୋଦୀଙ୍କ ଚ୍ୟାନେଲରେ ଯେଉଁ ଭିଡିଓ ପ୍ରସାରିତ ହୋଇଛି, ତାହା କେବଳ ଭାରତର ରାଜନୈତିକ ପ୍ରତିପକ୍ଷଙ୍କୁ ପଛରେ ପକାଇ ନାହିଁ ବରଂ ବିଶ୍ୱର ଅନେକ ନେତାଙ୍କ ତୁଳନାରେ ଖୁବ୍‌ ଅଧିକ । ଏହି ଘଟଣା ସେତେବେଳେ ସାମ୍ନାକୁ ଆସିଲା, ଯେତେବେଳେ ତାଙ୍କ ଚ୍ୟାନେଲର ଭିଡିଓ ଭ୍ୟୁ ସଂଖ୍ୟା ୪୫୦ କୋଟି ଟପିଲା ।

ତେବେ ସବୁଠାରୁ ଅଧିକ ସବ୍‌ସ୍କ୍ରାଇବର ଥିବା ତାଲିକାର ତୃତୀୟ ସ୍ଥାନରେ ରହିଛନ୍ତି ୟୁକ୍ରେନ୍‌ର ରାଷ୍ଟ୍ରପତି ଜେଲେନ୍‌ସ୍କି । ତାଙ୍କ ୧.୧ ମିଲିୟନ୍‌ ସବ୍‌ସ୍କ୍ରାବର ରହିଛନ୍ତି । ସେହିଭଳି ତାଙ୍କ ପଛକୁ ରହିଛନ୍ତି ଆମେରିକାର ରାଷ୍ଟ୍ରପତି ଜୋବାଇଡେନ୍‌ । ତାଙ୍କର ସବ୍‌ସ୍କ୍ରାଇବର ସଂଖ୍ୟା ୭ ଲକ୍ଷ ୮୯ ହଜାର ।