LIVE TV
ରାଷ୍ଟ୍ରପତି ଭବନରେ ଭବ୍ୟ ରାତ୍ର ଭୋଜନ । ଏକାଠି ହେଲେ ଭାରତ ଓ ସାଉଦି ଆରବ ରାଷ୍ଟ୍ର ମୁଖ୍ୟ । ଭାରତ ଗସ୍ତରେ ସାଉଦି ଆରବ ପ୍ରଧାନମନ୍ତ୍ରୀ ତଥା କ୍ରାଉନ୍ ପ୍ରିନ୍ସ ମହମ୍ମଦ ବିନ୍ ସଲମାନ । G20 ସମ୍ମିଳନୀରେ ଯୋଗ ଦେବା ପରେ ସେ ଭାରତ ସହ ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଥିଲା । ବହୁ ଗୁରୁତ୍ୱପୂର୍ଣ୍ଣ ବିଷୟରେ ଆଲୋଚନା ପରେ ରାଷ୍ଟ୍ରପତିଙ୍କୁ ଭେଟିଛନ୍ତି ସାଉଦି ପିଏମ ।
ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି, ଉପରାଷ୍ଟ୍ରପତି, ଜାତୀୟ ସୁରକ୍ଷା ପରାମର୍ଶଦାତା ଅଜିତ୍ ଢୋଭାଲଙ୍କ ସମେତ ଅନେକ କେନ୍ଦ୍ରମନ୍ତ୍ରୀ ଏଥିରେ ସାମିଲ ହୋଇଛନ୍ତି । ଗତ ୧୦ ତାରିଖରେ G20 ଶିଖର ସମ୍ମିଳନୀ ଶେଷ ହୋଇଛି । ରାଜଘାଟରେ ମହାତ୍ମା ଗାନ୍ଧିଙ୍କ ସମାଧିପୀଠରେ ଶ୍ରଦ୍ଧାଞ୍ଜଳି ଅର୍ପଣ ପରେ ଭାରତ ମଣ୍ଡପମରେ ବୈଠକରେ ଯୋଗ ଦେଇଥିଲେ ସମସ୍ତ ସଦସ୍ୟ ବିଶ୍ୱନେତା ।
Also Read
ଆଲୋଚନାର ପ୍ରସଙ୍ଗ ଥିଲା ୱାନ୍ ଫ୍ୟୁଚର୍ । ତେବେ ବୈଠକର ଶେଷ ପର୍ଯ୍ୟାୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଧିବଦ୍ଧ ଭାବେ ପରବର୍ତ୍ତୀ ଆୟୋଜକ ଭାବେ ବ୍ରାଜିଲ ରାଷ୍ଟ୍ରପତି ଲୁଲା ଡା' ସିଲଭାଙ୍କୁ ପ୍ରଦାନ କରିଛନ୍ତି ଅଧ୍ୟକ୍ଷତାର ଭାର । ଏଥିସହ ବିଶ୍ୱ ମଞ୍ଚରୁ ଦେଇଛନ୍ତି ଶାନ୍ତିର ବାର୍ତ୍ତା ।
ସ୍ୱସ୍ତି ଅସ୍ତୁ ବିଶ୍ୱସ୍ୟ । ବିଶ୍ୱରେ ହେଉ ଶାନ୍ତିର ସଞ୍ଚାର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏହି ଉକ୍ତି ସହ ଶେଷ ହୋଇଛି ୨ ଦିନିଆ ଜି-ଟ୍ୱେଣ୍ଟି ଶିଖର ସମ୍ମିଳନୀ । ଗତ ୯ ତାରିଖରେ ୱାନ୍ ଆର୍ଥ ଏବଂ ୱାନ୍ ଫ୍ୟାମିଲି ପରେ, ୧୦ ତାରିଖ ଦିନ ବୈଠକର ଶୀର୍ଷକ ଥିଲା ୱାନ୍ ଫ୍ୟୁଚର୍ ବା ଗୋଟିଏ ଭବିଷ୍ୟତ । ଏହି ଅବସରରେ ଜାତିସଂଘ ଭଳି ବୈଶ୍ୱିକ ସଂସ୍ଥାରେ ସଂସ୍କାର ଉପରେ ଜୋର ଦେଇଥିଲେ ମୋଦି । ସେ କହିଥିଲେ, ୫୧ ସଦସ୍ୟଙ୍କୁ ନେଇ ଜାତିଂସଘ ସ୍ଥାପନ ବେଳେ ବିଶ୍ୱସ୍ଥିତି ଭିନ୍ନ ଥିଲା । ଏବେ ଏହା ୨ଶହକୁ ବଢ଼ିଛି ।
