୨୬ ବର୍ଷ ଧରି ମୋଦିଙ୍କ ହାତରେ ରାକ୍ଷୀ ବାନ୍ଧୁଛନ୍ତି ପାକିସ୍ତାନୀ ମହିଳା

ନୂଆଦିଲ୍ଲୀ:ଦୀର୍ଘ ୨୬ ବର୍ଷ ଧରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ହାତରେ ରାକ୍ଷୀ ବାନ୍ଧୁଛନ୍ତି ଜଣେ ପାକିସ୍ଥାନୀ ମହିଳା ,କଥାଟା ଶୁଣିବା ପରେ ଆପଣଙ୍କୁ ନିଶ୍ଚିତ ଆଶ୍ଚର୍ଯ୍ୟ ଲାଗିପାରେ । କିନ୍ତୁ ଏହା ସତ ଅଟେ । ଏହି ପାକିସ୍ଥାନୀ ମହିଳା ଜଣକ ହେଲେ କମର ଜହାଁ । କମର ଜହାଁ ପ୍ରତିବର୍ଷ ମୋଦିଙ୍କ ହାତରେ ରାକ୍ଷୀ ବାନ୍ଧନ୍ତି । ତେବେ ସେ ରାକ୍ଷୀ କୌଣସି ଦୋକାନରୁ ନ କିଣି ନିଜ ହାତରେ ତିଆରି କରନ୍ତି ।

ସୂଚନା ଅନୁସାରେ ଦିଲ୍ଲୀରେ ପ୍ରଧାନମନ୍ତ୍ରୀ ମୋଦିଙ୍କ ସହ କମର ଜହାଁଙ୍କର ସାକ୍ଷାତ ହୋଇଥିଲା । କମର ଜହାଁ କୁହନ୍ତି ଯେ ପ୍ରଧାନମନ୍ତ୍ରୀ ମୋଦି ଓ ତାଙ୍କ ସ୍ୱାମୀ ମୋହସିନ ଦୁହେଁ ଭଲ ବନ୍ଧୁ ଅଟନ୍ତି । ଦିଲ୍ଲୀରେ ସାକ୍ଷାତ ସମୟରେ ମୋଦି ତାଙ୍କୁ ଭଉଣୀ ବୋଲି ସମ୍ବୋଧନ କରିଥିଲେ । କମର ଜହାଁଙ୍କର କେହି ଭାଇ ନଥିବାରୁ ସେ ମୋଦିଙ୍କୁ ଭାଇ ଭାବରେ ଭାବି ଆସିଛନ୍ତି ବୋଲି କହିଥିଲେ ।

୨୬ ବର୍ଷ ପୂର୍ବରୁ ମୋଦି ବିଜେପିର ଜେନେରାଲ ସେକ୍ରେଟାରୀ ଥିବା ସମୟରୁ ମୋଦିଜୀଙ୍କୁ କମର ଜାହାଁ ରାକ୍ଷୀ ବାନ୍ଧି ଆସୁଛନ୍ତି କିନ୍ତୁ ଗତ ବର୍ଷ କରୋନା କାରଣରୁ ଯାଇ ନପାରି ଡାକରେ ରାକ୍ଷୀ ପଠାଇଥିଲେ କମରଜହାଁ । କିନ୍ତୁ ଏ ବର୍ଷ  ମୋଦିଙ୍କ ହାତରେ ରାକ୍ଷୀ ବାନ୍ଧିବାକୁ ନିଶ୍ଚୟ ଆସିବେ ବୋଲି କମର ଜାହାଁ କହିଛନ୍ତି ।

କମର ଜାହାଁ ୨୬ ବର୍ଷର କଥା ମନେପକାଇ କହିଛନ୍ତି ଯେ “ଯେତେବେଳେ ମୁଁ ପ୍ରଥମେ ନରେନ୍ଦ୍ର ଭାଇଙ୍କୁ ରାକ୍ଷୀ ବାନ୍ଧିଥିଲି, ସେତେବେଳେ ସେ ଜଣେ ଦଳର କର୍ଯ୍ୟକର୍ତ୍ତା ଥିଲେ । କିନ୍ତୁ ତାଙ୍କର କଠିନ ପରିଶ୍ରମ ଏବଂ ଦୂରଦୃଷ୍ଟି ସହିତ ସେ ପ୍ରଧାନମନ୍ତ୍ରୀ ହୋଇଥିଲେ ବୋଲି କହିଥିଲେ । ସୂଚନା ଅନୁସାରେ କମର ଜାହାଁ ତାଙ୍କ ବିବାହ ପରେ ପାକିସ୍ତାନରୁ ଭାରତ ଆସିଥିଲେ ଏବଂ ସେହି ଦିନଠାରୁ ଅହମ୍ମଦାବାଦରେ ତାଙ୍କ ପରିବାର ସହ ରହୁଥିଲେ । ତାଙ୍କ ଶାଶୂଙ୍କ ବ୍ୟତୀତ ଭାରତରେ ଅନ୍ୟ କୈଣସି ସମ୍ପର୍କୀୟ ରହୁ ନଥିଲେ। ନିକଟରେ ସେ ଏକ ସାକ୍ଷାତକାରରେ ଏହି କଥା ନିଜେ ବଖାଣିଛନ୍ତି ।