LIVE TV
ଇସ୍ରାଏଲ ଓ ପାଲେଷ୍ଟାଇନ୍ ମଧ୍ୟରେ ଜାରି ରହିଛି ଘମାଘୋଟ ଯୁଦ୍ଧ । ଏହି ଯୁଦ୍ଧରେ ବାଜିମାତ କରିବା ପାଇଁ ଉଭୟ ପକ୍ଷରୁ ଜାରି ରହିଛି ଆକ୍ରମଣ । ତେବେ ଏହି ଯୁଦ୍ଧର ପ୍ରଭାବ ଭାରତ ଉପରେ ମଧ୍ୟ ପଡ଼ିଛି । ସାମ୍ପ୍ରତିକ ଯୁଦ୍ଧ ସ୍ଥିତିରେ ଇସ୍ରାଏଲ ସହ ଭାରତ ଛିଡ଼ା ହୋଇଛି ଏବଂ ନିଜର ସମର୍ଥନ ଜଣାଉଛି ବୋଲି ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଯୁଦ୍ଧ ମଧ୍ୟରେ ସୋସିଆଲ ମିଡିଆରେ ୪୬ ବର୍ଷ ପୁରୁଣା ଏକ ଭିଡିଓ ଭାଇରାଲ ହେଉଛି । ଏହି ଭିଡିଓରେ ବିଜେପିର ବରିଷ୍ଠ ନେତା ତଥା ଦେଶର ୧୦ତମ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଇସ୍ରାଏଲ ଓ ପାଲେଷ୍ଟାଇନ୍ ଯୁଦ୍ଧ ପ୍ରସଙ୍ଗରେ ନିଜର ମତ ରଖୁଛନ୍ତି ।
Also Read
‘For permanent peace in the Middle-East, Israel must vacate Palestinian land it has illegally occupied.’
-- Atal Bihari Vajpayee, when he became India’s External Affairs Minister, at a rally in Delhi in March 1977. 2/3 pic.twitter.com/Fildbp9qiD— Sudheendra Kulkarni (@SudheenKulkarni) October 8, 2023
ବାସ୍ତବରେ ଏହି ଭାଇରାଲ ଭିଡିଓ ୧୯୭୭ ମସିହା ଜନତା ପାର୍ଟିର ବିଜୟ ସମାବେଶର। ଏହି ଭିଡିଓରେ ବାଜପେୟୀ ଖୋଲାଖୋଲି ଭାବେ ପାଲେଷ୍ଟାଇନକୁ ସମର୍ଥନ କରୁଛନ୍ତି। ବାଜପେୟୀ କହୁଛନ୍ତି ’ ଆରବର ଯେଉଁ ଜମିକୁ ଇସ୍ରାଏଲ ଅଧିକୃତ କରି ରଖିଛି ତାହାକୁ ଖାଲି କରିବାକୁ ପଡ଼ିବ’।
ଏହି ଭିଡିଓରେ ଅଟଳ ବିହାରୀ ବାଜପେୟୀ କହୁଛନ୍ତି ଯେ ’ କୁହାଯାଉଛି କି ଦେଶରେ ଜନତା ପାର୍ଟି ସରକାର ଗଠନ କରିବା ପରେ ଆରବକୁ ସମର୍ଥନ ନ କରି ଇସ୍ରାଏଲକୁ ସମର୍ଥନ କରିବ । ସମ୍ମାନିତ ମୋରାଜୀ ଭାଇ ଦେଶାଇ ଏହି ସ୍ଥିତିକୁ ସ୍ପଷ୍ଟ କରିଛନ୍ତି । ତେବେ ଏହି ଭୁଲ ବୁଝମଣାକୁ ଦୂର କରିବା ପାଇଁ ମୁଁ କହିବାକୁ ଚାହେଁ କି ଆମେ ପ୍ରତ୍ୟେକ ପ୍ରଶ୍ନକୁ ଗୁଣ ଓ ଅବଗୁଣ ଆଧାରରେ ଦେଖିବୁ। କିନ୍ତୁ ମଧ୍ୟ ପୂର୍ବ ବିଷୟରେ ଆମେ ସ୍ପଷ୍ଟ ଭାବରେ କହୁଛି କି ଯେଉଁ ଜମିକୁ ଇସ୍ରାଏଲ କବ୍ଜା କରିଛି ସେହି ଜମିକୁ ଖାଲି କରିବାକୁ ପଡ଼ିବ । ଆମ ପାଇଁ ଲାଗୁ ହୋଇଥିବା ନିୟମ ଅନ୍ୟମାନଙ୍କ ପାଇଁ ମଧ୍ୟ ଲାଗୁ ହେବା ଉଚିତ୍’।
’ଆରବର ଯେଉଁ ଜମି ଇସ୍ରାଏଲ କବ୍ଜା କରିଛି ତାହାକୁ ଖାଲି କରିବାକୁ ପଡ଼ିବ । ପାଲେଷ୍ଟାଇନମାନଙ୍କୁ ସେମାନଙ୍କ ଉପଯୁକ୍ତ ଅଧିକାର ଦିଆଯିବା ଉଚିତ୍ । ଇସ୍ରାଏଲ ଅସ୍ତିତ୍ୱକୁ ସୋଭିଏତ୍ ଋଷ ଏବଂ ଆମେରିକା ଦ୍ୱାରା ଗ୍ରହଣ କରାଯାଇଛି। ଆମେ ମଧ୍ୟ ଏହାକୁ ଗ୍ରହଣ କରୁଛୁ । ସେହିପରି ମଧ୍ୟ ପ୍ରାଚୀରେ ଶାନ୍ତି ପାଇଁ ଏକ ସମାଧାନ ଖୋଜିବାକୁ ପଡ଼ିବ। ଯାହା ଆକ୍ରମଣକୁ ରୋକିବ ଏବଂ ସ୍ଥାୟୀ ଶାନ୍ତିର ଆଧାର ହେବ ’ ବୋଲି ଅଟଳ ବିହାରୀ ବାଜପେୟୀ ଏହି ଭିଡିଓରେ କହୁଛନ୍ତି ।
