Bangladeshi Arrest: କିନ୍ନର ବେଶରେ ୧୦ ବର୍ଷ, ୨୮ ବର୍ଷ ପରେ ଧରା ପଡିଲେ ବାଂଲାଦେଶୀ ଯୁବକ

ମଧ୍ୟପ୍ରଦେଶର ଭୋପାଳରେ ଏକ ଆଶ୍ଚର୍ଯ୍ୟଜନକ ଘଟଣା ସାମନାକୁ ଆସିଛି । ଭୋପାଳ ପୁଲିସ ଜଣେ ବାଂଲାଦେଶୀ ନାଗରିକ ଅବଦୁଲ କଲାମଙ୍କୁ ଗିରଫ କରିଛି। ଯିଏ ୨୦ ବର୍ଷ ଧରି ଭାରତରେ ଲୁଚି ଲୁଚି ରହୁଥିଲେ ଏବଂ ପ୍ରାୟ ୧୦ ବର୍ଷ ଧରି ଭାରତରେ ‘ନେହା କିନ୍ନର’ ନାମକ ଏକ ତୃତୀୟ ଲିଙ୍ଗୀ ପରିଚୟରେ ରହୁଥିଲେ।

ଅବୈଧ ପ୍ରବାସୀମାନଙ୍କ ଚିହ୍ନଟ ପ୍ରକ୍ରିୟା ସମୟରେ, ଭୋପାଳ ପୋଲିସ ଅଧିକାରୀମାନେ ଜାଣିବାକୁ ପାଇଥିଲେ ଯେ ବାଂଲାଦେଶର ନାଗରିକ ଅବଦୁଲ ଏକ ଭାରତୀୟ ନାଗରିକର ଏକ ମିଥ୍ୟା ପରିଚୟ ଦେଇ ଆଧାର କାର୍ଡ, ଭୋଟର ପରିଚୟପତ୍ର ଏବଂ ଭାରତୀୟ ପାସପୋର୍ଟ ଭଳି ନକଲି କାଗଜପତ୍ର ହାତେଇଛି। ଏହି ଜାଲି ପାସପୋର୍ଟ ବ୍ୟବହାର କରି ସେ ବାଂଲାଦେଶକୁ ଅନେକ ଥର ଯାଇଛି।

ଅବଦୁଲ ୧୦ ବର୍ଷ ବୟସରେ ଭାରତରେ ଅନୁପ୍ରବେଶ କରିଥିଲେ ଏବଂ ମୁମ୍ବାଇରେ ପ୍ରାୟ ୨୦ ବର୍ଷ ରହିବା ପରେ ଭୋପାଳର ବୁଧୱାରା ଅଞ୍ଚଳରେ ବସବାସ କରୁଥିଲେ। ସ୍ଥାନୀୟ କର୍ତ୍ତୃପକ୍ଷଙ୍କ ଦ୍ୱାରା ଚିହ୍ନଟ ନ ହେବା ପାଇଁ ସେ ଭୋପାଳରେ ଅତି କମରେ ଆଠ ବର୍ଷ ଧରି ଜଣେ ଟ୍ରାନ୍ସଜେଣ୍ଡର ମହିଳା ଭାବେ ପରିଚୟ ଦେଉଥିଲେ। ପୁଲିସର ଏକ ଗୁଇନ୍ଦା ସୂଚନା ଆଧାରରେ ଅବଦୁଲକୁ ସୋମବାର ଓ ମଙ୍ଗଳବାର ମଧ୍ୟରେ ରାତିରେ ଗିରଫ କରାଯାଇଥିଲା।

ଅବଦୁଲଠାରୁ ମୋବାଇଲ ଫୋନ ଜବତ କରାଯାଇଛି। ପୁଲିସ ଏହା ମଧ୍ୟ ଯାଞ୍ଚ କରୁଛି ଯେ ଅବଦୁଲ ପ୍ରକୃତରେ ତୃତୀୟ ଲିଙ୍ଗୀ କି ନାହିଁ, ନା ସେ କେବଳ ପରିଚୟ ଲୁଚାଇବା ପାଇଁ ଛଦ୍ମ ବେଶରେ ରହୁଥିଲା। ତେଣୁ ଅବଦୁଲର ଲିଙ୍ଗ ନିରୂପଣ ପରୀକ୍ଷା କରାଯିବ। ଏହା ସହ ଅବଦୁଲ କୌଣସି ସ୍ଥାନୀୟ ତୃତୀୟ ଲିଙ୍ଗୀ କମ୍ୟୁନିଟି ସହ ଯୋଗାଯୋଗରେ ଥିଲା କି ନାହିଁ, ସେ ନେଇ ତଦନ୍ତ ଚାଲିଛି। ଅବଦୁଲକୁ ୩୦ ଦିନିଆ ହେପାଜତରେ ନେଇଛି ତଲୈୟା ପୋଲିସ୍ ଷ୍ଟେସନ। କଡା ସୁରକ୍ଷା ମଧ୍ୟରେ ତାକୁ ପଚରାଉଚର କରାଯାଉଛି। ତାଙ୍କୁ ଶୀଘ୍ର ବାଂଲାଦେଶକୁ ପଠାଇବାକୁ ପ୍ରସ୍ତୁତି ଚାଲିଛି। ଏହି ଘଟଣା ଜାତୀୟ ସୁରକ୍ଷା ପାଇଁ ପ୍ରଶ୍ନବାଚୀ ସୃଷ୍ଟି କରିଛି।

ଅଧିକ ପଢ଼ନ୍ତୁ: ବିଦେଶ ଯିବା ନିଶାରେ ଯୁବକ ଫସିଗଲେ, ମହିଳା ଲକ୍ଷ ଲକ୍ଷ ଟଙ୍କା ନେଇ ପାର୍