LIVE TV
୧୧ ମେ’କୁ ଭାରତରେ ପ୍ରତିବର୍ଷ ‘ନାସନାଲ ଟେକ୍ନୋଲୋଜି ଡେ’ ଭାବରେ ପାଳନ କରାଯାଏ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୪ ବର୍ଷ ପୂର୍ବେ ପୋଖରାନରେ ହୋଇଥିବା ପରମାଣୁ ପରୀକ୍ଷଣକୁ ମନେ ପକାଇ ଏହାସହ ଜଡିତ ଏକ ଭିଡିଓ ସେୟାର କରିଛନ୍ତି । ସେ ଟ୍ୱିଟ୍ କରି, ଆମ ଦେଶର ଦକ୍ଷ ବୈଜ୍ଞାନିକ ଏବଂ ସେମାନଙ୍କ ଉଦ୍ୟମକୁ କୃତଜ୍ଞତା ଜଣାଇବା ସହ ପ୍ରଶଂସା କରିଛନ୍ତି ।
Also Read
ଏହି ଦିବସଟି ୧୧ ମେ’ ୧୯୯୮ରୁ ଆରମ୍ଭ ହୋଇଥିଲା । କାରଣ ଏହି ଦିନ ଭାରତ ପୋଖରାନରେ ଦ୍ୱିତୀୟ ସଫଳ ପରମାଣୁ ପରୀକ୍ଷଣ କରିଥିଲା । ଏହି ପରୀକ୍ଷଣ ସଫଳ ହେବା ପରେ ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ମେ’ ୧୧କୁ ‘ନାସନାଲ ଟେକ୍ନୋଲୋଜି ଡେ’ ଭାବେ ପାଳନ କରିବାକୁ ଘୋଷଣା କରିଥିଲେ । ସେବେଠାରୁ, ପ୍ରତିବର୍ଷ ମେ’ ୧୧କୁ ‘ନାସନାଲ ଟେକ୍ନୋଲୋଜି ଡେ’ ଭାବେ ପାଳନ କରାଯାଉଛି । ବିଜ୍ଞାନ ଏବଂ ବୈଷୟିକ କ୍ଷେତ୍ରରେ ଭାରତର ବିକାଶକୁ ଏହା ଦର୍ଶାଉଛି । ଏହି ଦିନ, ଜାତିର ଗର୍ବ ସହିତ ଦେଶ ଏହାର ବୈଜ୍ଞାନିକମାନଙ୍କର ସଫଳତା ଏବଂ ମହତ୍ତ୍ୱକୁ ମଧ୍ୟ ମନେ ପାକାଇଥାଏ ।
Today, on National Technology Day, we express gratitude to our brilliant scientists and their efforts that led to the successful Pokhran tests in 1998. We remember with pride the exemplary leadership of Atal Ji who showed outstanding political courage and statesmanship. pic.twitter.com/QZXcNvm6Pe
— Narendra Modi (@narendramodi) May 11, 2022
ଅଟଳ ଜୀଙ୍କୁ ମନେ ପକାଇଲେ ମୋଦି
ଏହି ଅବସରରେ ଏକ ଭିଡିଓ ସେୟାର କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲେଖିଛନ୍ତି, ‘ଆଜି ‘ନାସନାଲ ଟେକ୍ନୋଲୋଜି ଡେ’ରେ ଆମେ ଆମର ଦକ୍ଷ ବୈଜ୍ଞାନିକ ତଥା ସେମାନଙ୍କ ଉଦ୍ୟମକୁ କୃତଜ୍ଞତା ଜଣାଉଛୁ । ଯେଉଁଥିପାଇଁ ୧୯୯୮ରେ ପୋଖରାନ୍ ପରୀକ୍ଷା ସଫଳ ହୋଇଥିଲା । ଆମେ ଗର୍ବର ସହିତ ଅଟଳ ଜୀଙ୍କର ଆଦର୍ଶ ନେତୃତ୍ୱ ମନେ ରଖିଛୁ, ଯିଏ କି ଉତ୍କୃଷ୍ଟ ରାଜନୈତିକ ସାହସ ପ୍ରଦର୍ଶନ କରିଥିଲେ ।
ଏହା ସହିତ, ଭାରତରେ ନିର୍ମିତ ଦେଶର ପ୍ରଥମ ବିମାନ ହନ୍ସ ୩ ମେ’ ୧୧ରେ ସଫଳତାର ସହ ଉଡ଼ିଣ ଭରିଥିଲା । ଭାରତରେ ନିର୍ମିତ ତ୍ରିଶୂଲ ମିସାଇଲ୍ର ମଧ୍ୟ ସଫଳ ପରୀକ୍ଷଣ ମଧ୍ୟ ୧୧ ମେ’ରେ କରାଯାଇଥିଲା । ସେଥିପାଇଁ ଭାରତ ପ୍ରତିବର୍ଷ ମେ ୧୧କୁ ‘ନାସନାଲ ଟେକ୍ନୋଲୋଜି ଡେ’ ପାଳନ କରିଥାଏ । ଏହି ଅବସରରେ ଟେକ୍ନୋଲୋଜି ଏବଂ ବିଜ୍ଞାନ ମନ୍ତ୍ରଣାଳୟ ନିଜ ବିଭାଗରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରିଥାଏ ।
