ଆଉ ଜଣେ ମହିଳା, ଯିଏ କମ୍‌ ବୟସରେ UPSC କ୍ଲିୟର କରିଥିଲେ ! ତାଙ୍କର 12th ମାର୍କସିଟ୍ ଭାଇରାଲ

UPSC ଟପ୍ପର ଟିନା ଡାବିଙ୍କ ପରେ ଏବେ ଆଇଏଏସ୍ ଅଧିକାରୀ ସ୍ମିତା ସାବରୱାଲଙ୍କୁ ନେଇ ଖୁବ୍‌ ଚର୍ଚ୍ଚା । ତାଙ୍କର ଦ୍ୱାଦଶ ମାର୍କସିଟ୍ ଏବେ ଖୁବ୍‌ ଭାଇରାଲ ହେଉଛି। ମାତ୍ର ୨୩ ବର୍ଷ ବୟସରେ, ସ୍ମିତା ସାବରୱାଲ ଯେଉଁ ସଫଳତା ହାସଲ କରିଛନ୍ତି, ସେଇ ସଫଳତା ପାଇଁ ଅନେକ ଲୋକ କେବଳ ସ୍ୱପ୍ନ ଦେଖିଥାନ୍ତି । ସ୍ମିତାଙ୍କ ସଫଳତା ଏବଂ ଦୃଢ଼ ନିଷ୍ଠା ଏବେ ସମସ୍ତଙ୍କ ପାଇଁ ଏକ ଉଦାହରଣ । ୨୦୦୦ ମସିହାରେ ଦେଶର କଠିନ ପ୍ରତିଯୋଗିତାମୂଳକ UPSC ପରୀକ୍ଷାରେ ସେ ଚତୁର୍ଥ ସ୍ଥାନ ଅଧିକାର କରିଥିଲେ ।

Also Read

ସାବଧାନ ଗ୍ରାହକ ! ବଜାରରେ ମିଳୁଛି ଚାଇନା ରସୁଣ

Read More

ସାହାର ଖୋଜୁଛି ପାରଙ୍କ ସଂସାର, ଭାଙ୍ଗି ପଡ଼ିଛି ଦୁଃଖର ପାହାଡ଼

Read More

ଆଉ ନାହିଁ ଚାହିଦା, ବୁଡ଼ିଲାଣି ବେଉସା

Read More

ତେବେ ଆସନ୍ତୁ ଜାଣିବା ତାଙ୍କର ସଫଳତା ପଛର ପୂରା କାହାଣି...

ସ୍ମିତା ସାବରୱାଲଙ୍କ ଶିକ୍ଷାଗତ ଯାତ୍ରା ସମସ୍ତଙ୍କ ପାଇଁ ଏକ ପ୍ରକାର ପ୍ରେରଣା । ପଶ୍ଚିମବଙ୍ଗର ଦାର୍ଜିଲିଂରେ ଏକ ବଙ୍ଗୀୟ ପରିବାରରେ ତାଙ୍କର ଜନ୍ମ । ପିତା କର୍ଣ୍ଣେଲ ପ୍ରଣବ ଦାସ ଏବଂ ମାତା ପୁରବୀ ଦାସ । ବାପା-ମାଆଙ୍କ ପାଖରେ ରହି ସେ ବଡ଼ ହୋଇଛନ୍ତି । ହାଇଦ୍ରାବାଦର ସିକନ୍ଦରାବାଦ୍‌ ସେଣ୍ଟ ଏନ୍‌ ହାଇ ସ୍କୁଲରେ ସେ ନିଜର ପ୍ରାଥମିକ ଶିକ୍ଷା ଗ୍ରହଣ କରିଥିଲେ ।

ସ୍ମୃତି ସାବରୱାଲଙ୍କ ସଫଳତାର ମୂଳଦୁଆ ବହୁ ପୂର୍ବରୁ ପଡ଼ିସାରିଥିଲା । ଦ୍ୱାଦଶ ଶ୍ରେଣୀ ପରୀକ୍ଷାରେ ତାଙ୍କର ଅସାଧାରଣ ପ୍ରଦର୍ଶନ ସମଗ୍ର ଦେଶର ଦୃଷ୍ଟି ଆକର୍ଷଣ କରିଥିଲା। ୧୯୯୫ରେ CISCE ଇଣ୍ଡିଆନ୍ ସ୍କୁଲ୍ ସାର୍ଟିଫିକେଟ୍ ପରୀକ୍ଷାରେ ସ୍ମିତା ଉଭୟ ଇଂରାଜୀ ଏବଂ ହିନ୍ଦୀରେ ୧୦୦ ରୁ ୯୪ ମାର୍କ ରଖିଥିଲେ । ଏହା ବ୍ୟତୀତ ସେ ଅର୍ଥନୀତିରେ ୧୦୦ ରୁ ୯୦ ମାର୍କ ହାସଲ କରିଥିଲେ ।

#12thfail was an inspiration!
But 12th Pass in flying colors is a sweet memory.
Chanced upon my 12th result and recalled that doing well gives one the insane confidence to dream big!
To all the dear kids who are prepping for #UPSC🇮🇳one of the toughest entrances in the world..… pic.twitter.com/R30mQZpH5u

— Smita Sabharwal (@SmitaSabharwal) February 9, 2024

ସିଭିଲ ସର୍ଭିସେସ୍ ପରୀକ୍ଷାରେ ପ୍ରଥମ ପ୍ରୟାସରେ ସ୍ମିତା ବିଫଳ ହୋଇଥିଲେ । ହେଲେ ତାଙ୍କର ଦୃଢ଼ ମନୋବଳ ପାଇଁ ସେ ପରେ ସଫଳତା ହାସଲ କରିଥିଲେ । ସେ ପୁଣି ଥରେ ଚେଷ୍ଟା କରିଥିଲେ । ଆଉ ସଫଳତା ପାଇଥିଲେ । ଦ୍ୱିତୀୟ ପ୍ରୟାସରେ ସେ କେବଳ ୟୁପିଏସ୍‌ସି ପରୀକ୍ଷା ପାସ୍‌ କରିଥିଲେ ତାହା ନୁହେଁ ବରଂ ସେ ସାରା ଦେଶରେ ଚତୁର୍ଥ ରାଙ୍କ ହାସଲ କରିଥିଲେ । ୨୨ ବର୍ଷ ବୟସରେ ତାଙ୍କର ଏହି ସଫଳତା ତାଙ୍କୁ ଭାରତର ସବୁଠାରୁ କନିଷ୍ଠ IAS ଅଧିକାରୀ ଭାବରେ ପରିଣତ କରିଥିଲା ।

Smita Sabarwal

ତାଙ୍କ କ୍ୟାରିୟରରେ ସ୍ମିତା ଲୋକଙ୍କ ଅଫିସର ଭାବେ ମଧ୍ୟ ପରିଚୟ ହାସଲ କରିଥିଲେ । ସେ ଲୋକଙ୍କ ସମସ୍ୟାକୁ ଗମ୍ଭୀରତାର ସହ ଶୁଣନ୍ତି ଏବଂ ସମାଧାନ ଖୋଜିବାରେ ବିଶ୍ୱାସ କରନ୍ତି । ସେ ପ୍ରଶାସନରେ ଲୋକଙ୍କ ଭାଗିଦାରୀକୁ ମଧ୍ୟ ଗୁରୁତ୍ୱ ଦିଅନ୍ତି । ସେ ହେଉଛନ୍ତି ପ୍ରଥମ ମହିଳା ଆଇଏଏସ୍ ଅଧିକାରୀ ଯିଏକି ତେଲେଙ୍ଗାନାର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ନିଯୁକ୍ତ ହୋଇଥିଲେ।

OTV is now on Whatsapp

Join and get latest news update delivered to you via whatsapp

Join Now