LIVE TV
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଜି ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛନ୍ତି । ନିର୍ବାଚନ ରାଲି ପାଇଁ ଜଲପାଇଗୁଡ଼ି ଯାଉଥିବାବେଳେ ତାଙ୍କ ହେଲିକପ୍ଟର ଦୁର୍ଘଟଣା ହେବାକୁ ଅଳ୍ପକେ ବର୍ତ୍ତିଯାଇଛି । ମମତାଙ୍କ ଗସ୍ତ ସମୟରେ ହଠାତ୍ ଖରାପ ପାଗ ଯୋଗୁ ଦୁର୍ଘଟଣାଗ୍ରସ୍ତ ହେବାର ଆଶଙ୍କା ରହିଥିଲା ।
ତେବେ ପାଇଲଟ୍ ପାଗକୁ ଦେଖି ସିଲିଗୁଡ଼ିର ଏୟାର ବେସରେ ହେଲିକପ୍ଟରକୁ ଜରୁରୀକାଳୀନ ଅବତରଣ କରିଥିଲେ । ଫଳରେ ବଡ଼ ଦୁର୍ଘଟଣାରୁ ମମତାଙ୍କ ହେଲିକପ୍ଟର ରକ୍ଷା ପାଇଯାଇଥିଲା । ପରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଲିକୁ ଯିବା କାର୍ଯ୍ୟକ୍ରମକୁ ବାତିଲ କରି ସେଠାରୁ ଫେରି ଆସିଥିଲେ ।
Also Read
ମିଳିଥିବା ସୂଚନା ଅନୁସାରେ, ମମତା ବାନାର୍ଜୀଙ୍କ ହେଲିକପ୍ଟର ବାଗଡୋଗ୍ରା ବିମାନବନ୍ଦରରୁ ବିମାନ ଉଡ଼ାଣ କରିଥିଲା । ତାଙ୍କର ଜାଲପାଇଗୁଡ଼ିରେ ପହଞ୍ଚିବାର କାର୍ଯ୍ୟକ୍ରମ ଥିଲା । ସେଠାରୁ ସେ ଏକ ନିର୍ବାଚନ ରାଲିରେ ଯିବାର କାର୍ଯ୍ୟକ୍ରମ ରହିଥିଲା ।
ଏହାକୁ ନେଇ ଜଣେ ଅଧିକାରୀ ପ୍ରତିକ୍ରିୟା ରଖିଛନ୍ତି । ଅଧିକାରୀଙ୍କ କହିବାନୁସାରେ, ଯେତେବେଳେ ମୁଖ୍ୟମନ୍ତ୍ରୀଙ୍କ ହେଲିକପ୍ଟର ବାଇକୁନ୍ତପୁର ଜଙ୍ଗଲ ଉପରେ ପହଞ୍ଚିଥିଲା, ସେତେବେଳେ ପାଗ ବହୁତ ଖରାପ ହୋଇଯାଇଥିଲା । ତାହାସହ ସେହି ସମୟରେ ପ୍ରବଳ ବର୍ଷା ମଧ୍ୟ ଆରମ୍ଭ ହୋଇଥିଲା ।
ଯେଉଁଥିପାଇଁ ହେଲିକପ୍ଟର ଉଡ଼ିବା ସମ୍ଭବପର ହୋଇନଥିଲା । ଏଭଳି ପରିସ୍ଥିତିରେ ହେଲିକପ୍ଟରଟି ଦୁର୍ଘଟଣାର ଶିକାର ହେବାର ଆଶଙ୍କା ଥିବାରୁ ପାଇଲଟ୍ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ହେଲିକପ୍ଟରକୁ ଜରୁରୀ ଅବତରଣ କରିଥିଲେ ।
Due to low visibility, West Bengal CM Mamata Banerjee's helicopter made an emergency landing at Sevoke Airbase. She was going to Bagdogra after addressing a public gathering at Krinti, Jalpaiguri. She is safe, says TMC leader Rajib Banerjee
— ANI (@ANI) June 27, 2023
(file pic) pic.twitter.com/IVNIPV3oJD
