LIVE TV
ସାଧାରଣ ନିର୍ବାଚନ ପୂର୍ବରୁ ବିହାର ରାଜନୀତିରେ ହଟଚମଟ। ପୁଣି ଥରେ ମୁଖ୍ୟମନ୍ତ୍ରୀ ଭାବେ ଶପଥ ନେଇପାରନ୍ତି ନୀତୀଶ କୁମାର । ମହାଗଠବନ୍ଧନ ଛାଡ଼ି NDAରେ ସେ ଯୋଗ ଦେଇପାରନ୍ତି। ଏଥିପାଇଁ ବିହାରରେ ରାଜନୀତି ଚଳଚଂଚଳ ହୋଇଛି । ବର୍ତ୍ତମାନ ମୁଖ୍ୟମନ୍ତ୍ରୀ ଥିବା ନୀତୀଶ କୁମାର ଆଜି ଜେଡିୟୁ ବିଧାୟକ ଦଳ ବୈଠକ ଡାକିଛନ୍ତି। ସେପଟେ ବିଜେପି ପକ୍ଷରୁ ବିହାରର ସମସ୍ତ ସାଂସଦ ଓ ବିଧାୟକମାନଙ୍କ ବୈଠକ ଡକାଇଯାଇଛି । ଏଥିରେ ଆଗାମୀ ଲୋକସଭା ପାଇଁ ରଣନୀତି ସ୍ଥିର ହେବ । ତେବେ ଏହି ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇପାରେ ।
Also Read
ସେପଟେ ବିହାରରେ ହଟଚମଟ ଭିତରେ ବିହାରରେ ୭୯ ଆଇପିଏସ ଅଧିକାରୀଙ୍କ ବଦଳି କରାଯାଇଛି । ୭୯ ଆଇପିଏସଙ୍କ ସହ ୪୫ ବିହାର ପ୍ରଶାସନିକ ଅଧିକାରୀଙ୍କ ବଦଳି କରାଯାଇଛି । ବହୁ ଗୁରୁତ୍ୱପୂର୍ଣ୍ଣ ପଦବୀରେ ଥିବା ଅଧିକାରୀମାନଙ୍କୁ ମୁଖ୍ୟମନ୍ତ୍ରୀ ନୀତୀଶ କୁମାର ବଦଳି କରିଛନ୍ତି ।
ସେହିପରି ଗତକାଲି ରାଜଭବନରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନୀତୀଶ କୁମାର ଏକାକୀ ଯୋଗ ଦେଇଥିଲେ । ଉପମୁଖ୍ୟମନ୍ତ୍ରୀ ତେଜସ୍ୱ ଯାଦବଙ୍କୁ ଉତ୍ସବରେ ଦେଖିବାକୁ ମିଳି ନ ଥିଲା। ତେଣୁ ଆରଜେଡି ଓ ଜନତା ଦଳ ୟୁନାଇଟେଡ୍ ମଧ୍ୟରେ ଫାଟ ବଢୁଥିବା ଚର୍ଚ୍ଚା ହେଉଛି । ସେପଟେ ଆସନ୍ତକାଲି ବିହାରରେ ଭାରତ ଯୋଡୋ ନ୍ୟାୟ ଯାତ୍ରା ପହଞ୍ଚିବ । ଏହାର ପ୍ରସ୍ତୁତି ପାଇଁ ବିହାର କଂଗ୍ରେସ ପକ୍ଷରୁ ମଧ୍ୟ ବୈଠକ ଡକାଯାଇଛି ।
