ସୋଲାର କମ୍ପାନୀରେ ଭୟଙ୍କର ବିସ୍ଫୋରଣ, ଲିଭିଗଲା ୯ ଜୀବନ ଦୀପ

ନାଗପୁରରେ ବଡ ଧରଣର ବିସ୍ଫୋରଣ ହୋଇଛି । ଏଥିରେ ୯ଜଣଙ୍କର ମୃତ୍ୟୁ ହୋଇଥିବା ବେଳେ ୩ଜଣ ଗୁରୁତର ଆହତ ହୋଇଛନ୍ତି । ନାଗପୁରର ଏକ ସୋଲାର କଂପାନୀରେ ଆଜି ସକାଳୁ ବିସ୍ଫୋରଣ ହୋଇଥିଲା । ବିସ୍ଫୋରଣର କାରଣ ସମ୍ପର୍କରେ ଜଣାପଡିନାହିଁ। ବିସ୍ଫୋରଣ ବେଳେ କଂପାନୀ ଭିତରେ ୧୨ଜଣ କର୍ମଚାରୀ ଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି । ଗୁରୁତଙ୍କ ତୁରନ୍ତ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ମତ୍ୟୁ ସଂଖ୍ୟା ବଢ଼ିବାର ଆଶଙ୍କା ମଧ୍ୟ ରହିଛି । ଦୁର୍ଘଟଣାସ୍ଥଳରେ ଏବେ ସ୍ଥାନୀୟ ପ୍ରଶାସନଠାରୁ ଆରମ୍ଭ କରି ବରିଷ୍ଠ ଅଧିକାରୀ ମାନେ ପହଞ୍ଚିଛନ୍ତି । ସମସ୍ତେ ସ୍ଥିତି ଉପରା ନଜର ରଖିଛନ୍ତି । ତେବେ ଏହି ଦୁର୍ଘଟଣା କେମିତି ହେଲା ସେନେଇ ତଦନ୍ତ ଚାଲିଛି ।