LIVE TV
ମଧ୍ୟପ୍ରଦେଶ ଛିନ୍ଦୱାଡ଼ା ସହରର ଗଳିକନ୍ଦିରେ ଭିକ ମାଗି ଗୁଜୁରାଣ ମେଣ୍ଟାଉଥିବା ଜଣେ ଭିକାରୀ ଏବେ ଖୁବ୍ ଚର୍ଚ୍ଚାରେ । କାରଣ ସେ ଯେଉଁ କାମ କରିଛି ତାହା ବୋଧ ହୁଏ କୌଣସି ଭିକ୍ଷୁକ କରିଥିବେ ବା କରିବାକୁ ସାହସ କରିଥିବେ । ସେ ପ୍ରମାଣ କରିଦେଇଚନ୍ତି ପ୍ରେମ ଆଗରେ ଟଙ୍କା ପଇସା କିଛି ମାଇନା ରଖେନା । ମଣିଷର ପରିସ୍ଥିତି କିଭଳି ରହିଛି ତାହା ପ୍ରେମ ପାଇଁ କିଛି ଫରକ ପକାଏ ନାହିଁ । ଏହାର ଏକ ଜ୍ୱଳନ୍ତ ଉଦାହରଣ ପାଲଟିଛନ୍ତି ଏହି ଭିକ୍ଷୁକ ।
Also Read
କାରଣ ଗତ ଚାରି ବର୍ଷ ଧରି ଟଙ୍କେ ଟଙ୍କେ ଯୋଡ଼ି ସେ ସଂଗ୍ରହ କରିଥିଲେ ୯୦ ହଜାର ଟଙ୍କା । ଆଉ ସେହି ଟଙ୍କାରେ ଏକ ସୁନ୍ଦର ଉପହାର କଣି ନିଜ ପତ୍ନୀଙ୍କୁ ଦେଇଛନ୍ତି । ଯାହାକୁ ନେଇ ଏବେ ଢ଼େର ଚର୍ଚ୍ଚା । ଆଉ ତାଙ୍କ ପତ୍ନୀ ସେହି ଉପହାର ପାଇ ବେଶ ଖୁସି ହୋଇଛନ୍ତି । ଦୀର୍ଘ ଦିନ ଧରି ସ୍ୱାମୀଙ୍କୁ ଟ୍ରଲିରେ ଠେଲି ଠେଲ ଏଣେ ତେଣେ ନେବାକୁ କଷ୍ଟ ଅନୁଭବ କରୁଥିଲେ ପତ୍ନୀ ।
ଆଉ ପତ୍ନୀଙ୍କର ଏହି ଦୁଃଖ ବୁଝି ପାରିଥିଲେ ସ୍ୱାମୀ । ସେଥିପାଇଁ ୯୦ ହଜାର ଟଙ୍କାରେ ଏକ ତିନି ଚକିଆ ମୋଟର ଗାଡ଼ି କିଣି ପତ୍ନୀଙ୍କୁ ଦେଲେ ଉପହାର । ଏବେ ଉଭୟ ଯୁଆଡ଼େ ଯାଉଛନ୍ତି ସେହି ତିନି ଚକିଆ ଗାଡ଼ି ନେଇ ଯାଉଛନ୍ତି । ଗାଡ଼ି କିଣିବା ପରେ ପ୍ରଥମେ ପତ୍ନୀଙ୍କୁ ବସାଇ ପୁରା ଅଞ୍ଚଳ ବୁଲାଇଥିଲେ ସ୍ୱାମୀ ।
MP: छिंदवाड़ा से दिल को छू देने वाली कहानी सामने आई है. यहां एक दिव्यांग भिखारी इस बात से परेशान था कि उसकी पत्नी को ट्राइसिकल पर धक्का देना पड़ता है. इससे उसे बहुत दिक्कत होती है. पत्नी को इस परेशानी से निजात दिलाने के लिए इस भिखारी ने 4 साल तक पाई-पाई जोड़ी और एक मोपेड खरीद . pic.twitter.com/fweY3Nr2hY
— Sushil Kaushik (@SushilKaushikMP) May 23, 2022
ସ୍ୱାମୀଙ୍କ ଏଭଳି ପ୍ରେମକୁ ସଲାମ୍ କରୁଛନ୍ତି ଲୋକେ
ଏହି ହୃଦୟ ସ୍ପର୍ଶୀ କାହାଣୀଟି ଛିନ୍ଦୱାଡ଼ାର ଦିବ୍ୟାଙ୍ଗ ଭିକାରୀ ସାନ୍ତୋଷ ସାହୁଙ୍କର । ଯିଏ କି ଶନିବାର ୯୦ ହଜାର ଟଙ୍କା ମୂଲ୍ୟର ଏକ ମୋପେଡ୍ କିଣି ପତ୍ନୀଙ୍କୁ ଉପହାର ଦେଇଛନ୍ତି । ଏହାର ଏକ ଭିଡିଓ ପ୍ରସ୍ତୁତ କରି ସୋସିଆଲ ମିଡିଆରେ ପୋଷ୍ଟ ମଧ୍ୟ କରାଯାଇଛି । ଯାହାକୁ ୟୁଜର୍ସ ଖୁବ୍ ପସନ୍ଦ କରିଛନ୍ତି ଏବଂ ସେୟାର କରିଛନ୍ତି । ଏମିତିକି ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି । ସନ୍ତୋଷଙ୍କର ଦୁଇଟି ଯାକ ଗୋଡ଼ କାମ କରୁ ନାହିଁ । ପନୀଙ୍କ ସାହାଯ୍ୟରେ ସେ ଯାଆ ଆସ କରନ୍ତି ।
