LIVE TV
କେରଳର କଲାମସେରୀରେ ବିସ୍ଫୋରଣ ପରେ ଦିଲ୍ଲୀରେ ହାଇଆଲର୍ଟ ହୋଇଛି । ରାଜଧାନୀ ଦିଲ୍ଲୀ ସମେତ ମହାରାଷ୍ଟ୍ର ଏବଂ ତାମିଲନାଡ଼ୁରେ ମଧ୍ୟ ହାଇଆଲର୍ଟ କରାଯାଇଛି । କଲାମସେରୀରେ ଥିବା ଖ୍ରୀଷ୍ଟିଆନ ଗୋଷ୍ଠୀର ଏକ ସମ୍ମିଳନୀ କେନ୍ଦ୍ରରେ ବିସ୍ଫୋରଣ ହୋଇଥିଲା । ଏଥିରେ ଜଣଙ୍କର ମୃତ୍ୟୁ ଘଟିଥିବାବେଳେ ଅନେକ ଲୋକ ଆହତ ହୋଇଛନ୍ତି । ବିସ୍ଫୋରଣର କାରଣ ଜଣା ପଡିନାହିଁ ।
କଲାମସେରୀରେ ଏକାଧିକ ବିସ୍ଫୋରଣ ଘଟିଥିବା ପ୍ରତ୍ୟକ୍ଷଦର୍ଶୀମାନେ ଦାବି କରିଛନ୍ତି । ବର୍ତ୍ତମାନ ଘଟଣାକୁ ନେଇ ଅନୁସନ୍ଧାନ କରୁଛି ଏନଆଇଏ ଟିମ୍ । ଏହି ଘଟଣା ପରେ ଦିଲ୍ଲୀ ପୋଲିସ ସଜାଗ ରହିଛି । ଜନଗହଳି ପୂର୍ଣ୍ଣ ସ୍ଥାନ ପାଇଁ ସ୍ୱତନ୍ତ୍ର ସଚେତନତା ଜାରି କରାଯାଇଛି ।
Also Read
ଏହି ବିସ୍ଫୋରଣ ପଛରେ ଆତଙ୍କବାଦୀ ଆକ୍ରମଣର ସମ୍ଭାବନା ଥାଇପାରେ ବୋଲି କୁହାଯାଉଛି । ହେଲେ ଏପର୍ଯ୍ୟନ୍ତ ଏ ବିଷୟରେ କିଛି ନିଶ୍ଚିତ ହୋଇନାହିଁ । ଘଟଣାକୁ ନେଇ ତଦନ୍ତ ଜାରି ରହିଛି । ଛୁଟିରେ ଥିବା ଡାକ୍ତରମାନଙ୍କ ଛୁଟିକୁ ବାତିଲ କରାଯାଇଛି । ତୁରନ୍ତ ହସ୍ପିଟାଲକୁ ଫେରିବାକୁ କୁହାଯାଇଛି ।
Delhi Police is on high alert after the blast in the convention centre, in Kalamassery, Kerala and Special vigil is being kept in crowded places. The Special Cell is in constant touch with the intelligence agencies and any input will not be taken lightly. Security arrangements…
— ANI (@ANI) October 29, 2023
କଲାମସେରି ବିସ୍ଫୋରଣରେ ଆହତମାନଙ୍କୁ ସର୍ବୋତ୍ତମ ଚିକିତ୍ସା ଯୋଗାଇବାକୁ କେରଳ ସ୍ୱାସ୍ଥ୍ୟମନ୍ତ୍ରୀ ଭେନା ଜର୍ଜ ସ୍ୱାସ୍ଥ୍ୟ ବିଭାଗର ନିର୍ଦ୍ଦେଶକଙ୍କୁ ନିର୍ଦ୍ଦେଶ ଦେଇଛନ୍ତି । ଏହା ବ୍ୟତୀତ କଲାମସେରି ମେଡିକାଲ କଲେଜ, ଏର୍ନାକୁଲମ ଜେନେରାଲ ହସ୍ପିଟାଲ ଏବଂ କୋଟାୟାମ ମେଡିକାଲ କଲେଜରେ ଅତିରିକ୍ତ ସୁବିଧା ଯୋଗାଇଦେବାକୁ ନିର୍ଦ୍ଦେଶ ରହିଛି । ଅନ୍ୟପଟେ ମହାରାଷ୍ଟ୍ର ଏବଂ ତାମିଲନାଡ଼ୁରେ ମଧ୍ୟ ହାଇଆଲର୍ଟ କରାଯାଇଛି । ସମସ୍ତ ଦିଗ ପ୍ରତି ପୋଲିସ ସଜାଗ ରହିଛି ।
