LIVE TV
ବେଲ୍ ଦେବାକୁ ଡରୁଛନ୍ତି ତଳ କୋର୍ଟର ଜଜ୍ । ବାର କାଉନ୍ସିଲ୍ ଅଫ ଇଣ୍ଡିଆର ଏକ କାର୍ଯ୍ୟକ୍ରମରେ ଯୋଗଦେଇ ଏଭଳି କହିଛନ୍ତି ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ୍ ଡି.ଓ୍ୱାଇ ଚନ୍ଦ୍ରଚୂଡ଼ । ଘୃଣ୍ୟ ଅପରାଧ କ୍ଷେତ୍ରରେ ଜାମିନ୍ ଦେଲେ ଟାର୍ଗେଟ ହେବାର ଭୟ ରହୁଥିବାରୁ ଜଜ୍ମାନେ ବେଲ୍ ଦେବାରୁ ପଛଘୁଞ୍ଚା ଦେଉଥିବା କହିଛନ୍ତି ପ୍ରଧାନ ବିଚାରପତି । ଫଳରେ ଉପରକୋର୍ଟରେ ଜାମିନ ଆବେଦନ ସଂଖ୍ୟା ବଢୁଛି । ତଳ କୋର୍ଟର ବଚାରପତି ଅପରାଧର ଗଭୀରତାକୁ ବୁଝୁଥିଲେ ବି କେବଳ ଟାର୍ଗେଟ ଭୟରେ ଜାମିନ ଦେଉନଥିବା ସେ କହିଛନ୍ତି । ଜଷ୍ଟିସ୍ ଡି.ଓ୍ୱାଇ ଚନ୍ଦ୍ରଚୂଡ଼ ଚଳିତମାସ ୯ ତାରିଖରେ ସୁପ୍ରିମକୋର୍ଟର ୫୦ ତମ ପ୍ରଧାନ ବିଚାରପତି ଭାବେ ଶପଥ ନେଇଛନ୍ତି । ସେ ୨୦୨୪ ନଭେମ୍ବର ୧୦ ତାରିଖ ପର୍ଯ୍ୟନ୍ତ ଏହି ପଦରେ ରହିବେ ।
