LIVE TV
ଦିନକୁ ଦିନ ଭୟଙ୍କର ହେଉଛି ଇସ୍ରାଏଲ-ହମାସ ଯୁୁଦ୍ଧ । ୧୨ଦିନରେ ପହଞ୍ଚିଛି ଆକ୍ରମଣ-ପ୍ରତି ଆକ୍ରମଣ । ଗୋଟିଏପରେ ଗୋଟିଏ ଛାତିଥରା କାହାଣୀ ସାମ୍ନାକୁ ଆସୁଛି । ଏସବୁ ଭିତରେ ଭାରତୀୟ ମହିଳାଙ୍କ ସାହସିକତାକୁ ସମସ୍ତେ ସାଲ୍ୟୁଟ୍ କରିଛନ୍ତି । ଆତଙ୍କବାଦୀଙ୍କ ଗନ୍ ପଏଣ୍ଟରୁ ବୃଦ୍ଧାଙ୍କ ଜୀବନ ବଞ୍ଚାଇଛନ୍ତି ଜଣେ ଭାରତୀୟ ମହିଳା । ଉପସ୍ଥିତ ବୁଦ୍ଧି ଲଗାଇ ପରିସ୍ଥିତିକୁ ସମ୍ଭାଳିବା ସହ ନିଜକୁ ଓ ସମ୍ପୃକ୍ତ ବୃଦ୍ଧାଙ୍କୁ ଆତଙ୍କବାଦୀଙ୍କ କବଳରୁ ବଞ୍ଚାଇ ପାରିଛନ୍ତି କେରଳର ସବିତା ।
ଭାରତରେ ଥିବା ଇସ୍ରାଏଲ ଦୂତାବାସ ମଙ୍ଗଳବାର ଦିନ କେରଳର ୨ ମହିଳାଙ୍କ ସାହସିକତାକୁ ଭୁରି ଭୁରି ପ୍ରଶଂସା କରାଯାଉଛି । ହମାସ ଆତଙ୍କବାଦୀଙ୍କ କବଳରୁ ଏମାନେ ଇସ୍ରାଏଲ ନାଗରିକଙ୍କୁ ବଞ୍ଚାଇଛନ୍ତି । ସବିତା ହେଉଛନ୍ତି ଜଣେ ଘରୋଇ ସହାୟିକା । କିପରି ଭାବେ ସେ ଓ ମୀରା ମୋହନ ଇସ୍ରାଏଲ ନାଗରିକଙ୍କୁ ଆତଙ୍କବାଦୀଙ୍କ କବଳରୁ ବଞ୍ଚାଇ ଥିଲେ ଏନେଇ ସବିତା ସେହି ସମୟର ଭୟଙ୍କର ଅନୁଭୂତି ବଖାଣିଛନ୍ତି । ଏନେଇ ଦୂତାବାସ X ହ୍ୟାଣ୍ଡେଲରେ ଭିଡିଓ ଶେୟାର କରିଛି ।
ସବିତା କହିଛନ୍ତି, କିବୁଜ୍ ବର୍ଡର ନିକଟରେ ସେ ଓ ମୋହନା ଘରୋଇ ସହାୟିକା ଭାବେ କାମ କରନ୍ତି । ରାହେଲ ନାମକ ଜଣେ ବୃଦ୍ଧା, ଯିଏକି ALS ରୋଗରେ ଆକ୍ରାନ୍ତ, ତାଙ୍କର ଦେଖାଶୁଣା କରନ୍ତି । ‘ସେ ଦିନ ମୋର ରାତିରେ ଡ୍ୟୁଟି ଥିଲା । ‘ ସକାଳ ପ୍ରାୟ ସାଢ଼େ ୬ଟା ସମୟରେ ସାଇରନ୍ ଶବ୍ଦ ଶୁଣିବା ପରେ ଆମେ ଘରର ସୁରକ୍ଷିତ ସ୍ଥାନକୁ ଦୌଡ଼ି ପଳାଇ ଥିଲୁ’ ବୋଲି ସବିତା କହିଛନ୍ତି ।
भारतीय वीरांगनाएं ! 🇮🇳🇮🇱
Also Read
मूलतः केरला की रहने वाली सबिता जी, जो अभी इजराइल में सेवारत हैं, बता रही हैं कि कैसे इन्होने और मीरा मोहन जी ने मिलकर इसरायली नागरिकों कि जान बचाई। हमास आतंकवादी हमले के दौरान इन वीरांगनाओं ने सेफ हाउस के दरवाजे को खुलने ही नहीं दिया क्योंकि आतंकवादी… pic.twitter.com/3vu9ba4q0d— Israel in India (@IsraelinIndia) October 17, 2023
ସବିତା ଆହୁରି କହିଛନ୍ତି, ‘ସାଇରନ୍ ଶବ୍ଦ ବନ୍ଦ ହେଉନଥିଲା । ସେମିତି ବାଜି ଚାଲିଥିଲା । ଏହି ସମୟରେ ରାହେଲଙ୍କ ଝିଅ ଫୋନ୍ କରି କହିଥିଲେ, ଆମ ହାତରେ ଆଉ କଛି ନାହିଁ । ଘରର କବାଟ ବନ୍ଦ କରି ରୁହ । ମାତ୍ର କଛି ସମୟ ମଧ୍ୟରେ ଆତଙ୍କବାଦୀମାନେ କବାଟ ଭାଙ୍ଗି ଘର ଭିତରେ ପଶି ଗୁଳିମାଡ଼ କରିବା ସହ କାଚ ଭାଙ୍ଗି ଦେଇଥିଲେ । ଏସବୁ ଦେଖି ଆମେ ପୁରାପୂରି ଭୟଭୀତ ହୋଇଯାଇଥିଲୁ । ତଥାପି ମନରେ ସାହସ ବାନ୍ଧି ହାତରେ ଚପଲ ଧରି ଧୀରେ ଧୀରେ ଘରର ସୁରକ୍ଷିତ ସ୍ଥାନକୁ ଯାଇ ସେଠାରେ ଲୁଚିକି ରହିଥିଲୁ । ସକାଳ ପ୍ରାୟ ସାଢ଼େ ୭ଟା ଯାଏ ଆତଙ୍କବାଦୀମାନେ ଘର ଭିତରେ ଥିଲେ ଓ କବାଟ ଖୋଲିବା ପାଇଁ ଚେଷ୍ଟା କରିଥିଲେ । ହେଲେ ସମସ୍ତ ପ୍ରଚେଷ୍ଟା କରି ଆମେ କବାଟକୁ ସେମିତି ଧରିକି ରଖିଥିଲୁ । ସେମାନେ କବାଟ ବାଡ଼େଇବା ସହ ଗୁଳି ଚାଳନା କରିଥିଲେ ଓ ସବୁକିଛି ଛିନ୍ଭିନ୍ କରିଦେଲେ ।’
‘ବାହାରେ କ’ଣ ସବୁ ଚାଲିଛି, ଏସମ୍ପର୍କରେ ଆମର କୌଣସି ଧାରଣା ନଥିଲା । ଦିନ ପ୍ରାୟ ୧ଟା ସମୟରେ ପୁଣି ଗୁଳି ଶବ୍ଦ ଶୁଣିଥିଲୁ । ସେମାନେ ଇସ୍ରାଏଲ ସେନା ଥିଲେ, ଯେଉଁମାନେ ଆମକୁ ଉଦ୍ଧାର କରିବାକୁ ଆସିଥିଲେ’ ବୋଲି ସବିତା କହିଛନ୍ତି ।
ସେପଟେ ଏୟାରଷ୍ଟ୍ରାଇକ ଯୋଗୁ ଗାଜାର ଏକ ହସ୍ପିଟାଲ୍ରେ ୫୦୦ରୁ ଅଧିକ ଲୋକଙ୍କ ଜୀବନ ଯାଇଛି । ହସ୍ପିଟାଲ୍ ପରିସରରେ ଥିବା ଅନେକ ଗାଡ଼ି ପୋଡ଼ି ଯାଇଛି । ମୃତ ବ୍ୟକ୍ତିଙ୍କ କ୍ଷତବିକ୍ଷତ ଶରୀର ବିଭିନ୍ନ ସ୍ଥାନରେ ପଡ଼ିରହିଛି । ହସ୍ପିଟାଲ୍କୁ ଟାର୍ଗେଟ୍ କରି ଆକ୍ରମଣ ହୋଇଥିବାରୁ ଏହାକୁ ସାରା ବିଶ୍ୱରେ ନିନ୍ଦା କରାଯାଇଛି ।
