ଭାରତୀୟ ନୌସେନାର ଶକ୍ତି ଦେଖିଲା ସାରା ଦେଶ

ନୌସେନା ଦିବସ ଅବସରରେ ବିଶାଖାପାଟଣାରେ ଆୟୋଜିତ ହୋଇଛି ସ୍ୱତନ୍ତ୍ର କାର୍ଯ୍ୟକ୍ରମ। ଏହି ଅବସରରେ ଶକ୍ତି ପ୍ରଦର୍ଶନ କଲା ଭାରତୀୟ ନୌସେନା। ଆଇଏନଏସ୍ ବିକ୍ରମାଦିତ୍ୟ ଓ ଆଇଏନଏସ୍ ବିକ୍ରାନ୍ତରୁ ଉଡାଣ ଭରିଲେ ମିଗ୍ 29K। ଚେତକ ଓ ସ୍ୱଦେଶୀ ଆଡଭାନସଡ୍ ଲାଇଟ୍ ହେଲିକପ୍ଟର ମଧ୍ୟ ସମୁଦ୍ର ପତ୍ତନ ଠାରୁ ବହୁତ କମ୍ ଉଚ୍ଚତାରେ ଉଡାଣ ଭରିଥିଲେ।

ଏଥିସହ ନୌସେନାର ଯବାନ ଗଭୀର ସମୁଦ୍ରରେ ଉଦ୍ଧାର ଓ ସର୍ଚ୍ଚ ଅପରେସନ୍ କରିଥିଲେ। ସୁପ୍ରିମ କମାଣ୍ଡର ତଥା ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ଉତ୍ସବରେ ମୁଖ୍ୟ ଅତିଥିଭାବେ ଯୋଗଦେଇଛନ୍ତି। ୧୯୭୧ ପାକିସ୍ତାନ ବିପକ୍ଷ ଯୁଦ୍ଧରେ ଭାରତର ବିଜୟ ସ୍ମାରକୀ ଭାବେ ପ୍ରତିବର୍ଷ ଡିସେମ୍ବର ୪ରେ ନୌସେନା ଦିବସ ପାଳିତ ହେଉଛି।