Integrated Military Stations: ମୋଦିଙ୍କ ବଡ଼ ନିଷ୍ପତ୍ତି, ଗଠନ ହେବ ୩ଟି ମିଳିତ ସାମରିକ ଷ୍ଟେସନ୍

ଭାରତୀୟ ସେନାରେ ସମନ୍ୱୟ ବୃଦ୍ଧି ପାଇଁ ୩ଟି ମିଳିତ ସାମରିକ ଷ୍ଟେସନ୍ ଗଠନ ନିଷ୍ପତ୍ତି । ଭାରତର ସଶସ୍ତ୍ର ବାହିନୀ, ସେମାନଙ୍କ ମଧ୍ୟରେ ସମନ୍ୱୟ ଏବଂ ପ୍ରସ୍ତୁତିକୁ ମଜବୁତ କରିବା ପାଇଁ ତିନିଟି ନୂଆ ମିଳିତ ସାମରିକ ଷ୍ଟେସନ୍ ଏବଂ ଏକ ତ୍ରି-ସେବା ଶିକ୍ଷା କୋର୍ ଗଠନ କରିବାକୁ ଘୋଷଣା କରିଛି।

କୋଲକାତାରେ ଆୟୋଜିତ କମ୍ବାଇଣ୍ଡ୍ କମାଣ୍ଡର୍ସ’ କନଫରେନ୍ସରେ ଏହି ନିଷ୍ପତ୍ତି ନିଆଯାଇଛି। ବର୍ତ୍ତମାନ ମୁମ୍ବାଇ, ଗୁଆହାଟୀ ଏବଂ ପୋର୍ଟ ବ୍ଲେୟାରରେ ମିଳିତ ଲଜିଷ୍ଟିକ୍ସ ନୋଡ୍ କାର୍ଯ୍ୟକ୍ଷମ ଅଛି। ଆଉ ଏକ ନିଷ୍ପତ୍ତି ଅନୁଯାୟୀ, ତିନି ସେନାର ଶିକ୍ଷା ବିଭାଗକୁ ମିଶାଇ ଏକ ତ୍ରି-ସେବା ଶିକ୍ଷା କୋର୍ ଗଠନ କରାଯିବ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ଦ୍ଦେଶକ୍ରମେ, ସିଡିଏସ୍ ଜେନେରାଲ୍ ଅନିଲ ଚୌହାନଙ୍କ ଅଧ୍ୟକ୍ଷତାରେ ଅନୁଷ୍ଠିତ କନଫରେନ୍ସରେ ଭବିଷ୍ୟତର ଆହ୍ୱାନର ମୁକାବିଲା ପାଇଁ ସେନାରେ ଅଧିକ ସମନ୍ୱୟ ଆଣିବା ଉପରେ ଗୁରୁତ୍ୱାରୋପ କରାଯାଇଥିଲା।