LIVE TV
ତେଲେଙ୍ଗାନାର ରାଜଧାନୀ ହାଇଦ୍ରାବାଦର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ କିଛି ଲୋକ ରାସ୍ତାରେ ପୋଷା କୁକୁର ଧରି ଠିଆ ହୋଇଥିବା ବ୍ୟକ୍ତିଙ୍କୁ ବାଡ଼ିରେ ପିଟୁଛନ୍ତି । କେବଳ ଏତିକି ନୁହେଁ, ଏହି ଲୋକମାନେ ତାଙ୍କ ସ୍ୱାମୀଙ୍କୁ ବଞ୍ଚାଇବାକୁ ଆସିଥିବା ପତ୍ନୀଙ୍କୁ ମଧ୍ୟ ଛାଡ଼ି ନଥିଲେ । ତାଙ୍କୁ ମଧ୍ୟ ମାଡ଼ ମାରୁଥିବା ସେହି ଭିଡିଓରେ ଦେଖିବାକୁ ମିଳୁଛି । କୁହାଯାଉଛି ଯେ, ପଡ଼ୋଶୀ ସେମାନଙ୍କ ପୋଷା କୁକୁରକୁ ନେଇ ଚିନ୍ତିତ ଥିଲେ ।
Also Read
ଏହି ଘଟଣା ହାଇଦ୍ରାବାଦର ରହମତ ନାଗର ଅଞ୍ଚଳର। ଯେଉଁଠାରେ ସ୍ୱାମୀ-ସ୍ତ୍ରୀଙ୍କୁ ଅତି ନିର୍ମମ ଭାବେ ମାଡ଼ ମରାଯାଇଛି । କୁହାଯାଉଛି ଯେ ତାଙ୍କ ପୋଷା କୁକୁର ପଡୋଶୀଙ୍କ ଘରେ ପ୍ରବେଶ କରୁଥିଲା ଏବଂ ରାସ୍ତାରେ ଯାଉଥିବା ଲୋକଙ୍କୁ କାମୁଡ଼ିବା ପାଇଁ ଗୋଡାଉଥିଲା । ଏହି ଘଟଣା ପରେ ମଧ୍ୟ କୁକୁରର ମାଲିକ କୌଣସି ପଦକ୍ଷେପ ଗ୍ରହଣ କରୁନଥିଲେ । ଏହି କାରଣରୁ, ପଡ଼ୋଶୀମାନେ ଧୌର୍ଯ୍ୟ ହରାଇଥିଲେ ଏବଂ ଶେଷରେ ରାଗରେ ରାସ୍ତା ମଝିରେ ସେମାନେ କୁକୁର ଏବଂ ଏହାର ମାଲିକ ଦମ୍ପତିଙ୍କୁ ନିର୍ଦ୍ଧୁମ ପିଟିଥିଲେ ।
ଅଧିକ ପଢ଼ନ୍ତୁ: ଆଶ୍ଚର୍ଯ୍ୟ ! ପ୍ରବଳ ଝଡ଼ ତୋଫାନ ପରେ ଆକାଶରୁ ମାଛ ବର୍ଷା...! ଦେଖନ୍ତୁ ଭିଡିଓ...
वायरल वीडियो हैदराबाद के मथुरानगर का है। बताया जाता है कि यह कुत्ता अक्सर आने जाने वालों पर झपटता रहता था, जिसे लेकर कुत्ते का मालिक लापरवाह बना रहता था। लापरवाही का यह आलम ख़त्म होने का नाम नहीं ले रहा था तो लोगों के सब्र का बांध टूट गया। फिर वही हुआ जो सीसीटीवी में क़ैद हुआ!!! pic.twitter.com/DEIEbWo7Uw
— SANJAY TRIPATHI (@sanjayjourno) May 16, 2024
ସୂଚନା ଅନୁଯାୟୀ, ଶ୍ରୀନଥ ନାମକ ଜଣେ ବ୍ୟକ୍ତିଙ୍କ ପୋଷା କୁକୁର ଦିନେ ଧନଞ୍ଜୟ ନାମକ ଜଣେ ପଡ଼ୋଶୀଙ୍କ ଘରକୁ ଯାଇଥିଲା । ଏହାକୁ ନେଇ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା । ଏହି ଝଗଡା ଏତେ ବଢ଼ିଯାଇଥିଲା ଯେ କ୍ରୋଧିତ ପଡ଼ୋଶୀ ତାଙ୍କ ଦୁଇ ସାଙ୍ଗଙ୍କ ସହ ଶ୍ରୀନାଥ, ତାଙ୍କ ପତ୍ନୀ ଏବଂ ପୋଷା କୁକୁରକୁ ବାଡ଼ିରେ ଆକ୍ରମଣ କରିଥିଲେ। ଏହି ମାଡ ଯୋଗୁଁ ଶ୍ରୀନଥ ଏବଂ ତାଙ୍କ ପତ୍ନୀ ଗୁରୁତର ଆହତ ହୋଇଥିଲେ ।
ସୋସିଅଆଲ ମିଡିଆରେ ଭାଇରାଲ୍ ହେଉଥିବା ଭିଡିଓରେ ଦେଖିବାକୁ ମିଳୁଛି ଯେ, ଶ୍ରୀନଥ କୁକୁର ଧରି ଘର ବାହାରେ ଠିଆ ହୋଇଛନ୍ତି । ଏହି ସମୟ ମଧ୍ୟରେ, କୁକୁର ସେହି ବାଟ ଦେଇ ଯାଉଥିବା ଲୋକଙ୍କୁ ଭୁକିବା ସହ ସେମାନଙ୍କୁ କାମୁଡ଼ିବାକୁ ଚେଷ୍ଟା କରୁଛି। ଏହି ସମୟରେ ଅନ୍ୟ ପାର୍ଶ୍ୱରୁ କିଛି ଲୋକ ବାଡ଼ି ଧରି ଶ୍ରୀନାଥ ଏବଂ ତାଙ୍କ କୁକୁର ଉପରେ ଆକ୍ରମଣ କରିଥିଲେ । ତାଙ୍କୁ ଏପରି ମାଡ ଦିଆଯାଉଥିବା ଦେଖି ତାଙ୍କ ପତ୍ନୀ ତାଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ । ଏହା ବ୍ୟତୀତ ଭିଡିଓରେ ଅନ୍ୟ ଜଣେ ମହିଳା ନଜର ଆସିଛନ୍ତି, ସେ ମଧ୍ୟ ସେହି ଯୁବକମାନଙ୍କୁ ଅଟକାଇବାକୁ ଚେଷ୍ଟା କରୁଛନ୍ତି, କିନ୍ତୁ ଆକ୍ରମଣକାରୀମାନେ ଅଟକି ନଥିଲେ । ରାସ୍ତା ମଝିରେ ସେମାନଙ୍କୁ ନିର୍ଦ୍ଧୁମ ମାଡ଼ ମାରିଥିଲେ । ତେବେ ଏହି ଘଟଣା ପରେ ପୋଲିସ୍ ତଦନ୍ତ ଜାରି ରଖିଛି ।
